Ezekiela 16:54 - Khumi Common Language Bible

⁵⁴ Nang ly nangmy ai akaji ai. Nang i kangjilai y, nang i ngamjo ngamnau neampachychi ly mana tanrei tlamsa u ai mo, nanai apany hai ai.

Ezekiela 16:54 ပူးပေါင်းရင်းမြစ်များ

JEREMIA 2:26

Areng my, “Patiu naira avum nai neng khala y kangviu khumi ly kangji nga nai kamta, nang i samrangchi, samrang i cho chanauchi, pathyp pi nai keungchi, amochi, nangchi Israela cheng mipui bawibawichi ly kangji nga u ai.

Ezekiela 16:52

Vai nang ly nangmy naimy kangji nga ai. Nang i kamngochi ly nang i ngamjo ngamnau neampachychi i kamngochi tleaung y, khri pa-rei hawi y katlen nai deaungkho y, nichi ly nang hawi pata baly kamngo by y naichi atawm. Huna nai nangmy i ngamjo ngamnau neampachychi ai kamngo by y naichi kamta amny hai nai molam y, nang ly nangmy i kangji nga naira y awm ba,” napi.

Ezekiela 16:53

Areng my Jerusalem mary ai leu pei nai ly “Sodom mary hawi huni mary i chaniuchi, Samari mary hawi huni mary i chaniuchi ai kai ly sareaung hawi hai ali teang ai. Nang ai py sareaung hawi hai ali teang ai.

Ezekiela 16:55

Nang i ngamjo ngamnau neampachy Sodom hawi ni i chaniuchi, Samari mary hawi ni i chaniuchi ly sareaung hawi ali teang ai.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 32:24

“Elam ly mymy i tavaimichi i tapreaung my katanmeuh nai, huni meingtym y awm. Nichi bawibawi ly tavai keung y dei naichi ne i, lengkhym takip y naimy tavau pri y ang vum kathiu nai khumichi ne. Heng nai thym khala nichi ly khumi takhrachi ai jei hyn na pa-rei sa u teu i py, vai ly tavau pri y ang vum kathiu naichi hawi vanrei, tahm by y naimy dei u bo.

Ezekiela 5:7

Aw Jerusalem mary, kai sa thai naira awm nai Areng my leu pei nai tangai ba. Nang ly tengpang sahawi i awm nai khumi chengchi tleaung y malawn py, khrukhra hai keh lawh. Kai i reita hawi leu pei naichi ai patawm y. Nang ly tengpang sahawi y awm nai khumi chengchi i awm nai tanrei malawn py by y.