Ezekiela 16:4 - Khumi Common Language Bible

⁴ Nang ai tapen nai khala y ami py nang i laileung vui sui pi y, tui py pahiu pi y, palawi py tamui pi y, niprawn py bam pi y.

Ezekiela 16:4 ပူးပေါင်းရင်းမြစ်များ

ATITI AWM ANGCHEI NAI 15:13

Areng my Abram teng y, “Nang i kangpreangchi ly cheng takhra theung y angvyn kamta awm ai; nichi ly saneng chungvai palyhrei miseaung y awm ai i, pahyp y naimy ana naira neangneang avum ai.

TANGAM NAI LEU 2:20

Aw Areng, khen cham rai! Nang ly kaichi ai, ati mana nai y hina tanrei pajeng lawh mo? Neampachychi ly mychi i khrei nai cho chanauchi i ngan cha u bo he! Pathyp pi nai keungchi hawi amochi ai py, Achura yhm theung y padei u pawn na bo ly!

TANGAM NAI LEU 2:22

Nang ly paleung ka-echi ai kaichi i tengpang sahawi y, ka-jei awm parai nai pawi sa ai nai palau bo. Nang i kado theu nai huni neng kani y ly amimi py tleaung pajau ai ny y. Nichi ly kaimy khrei iy, pacho panei nai cho chanauchi ai tleh u bo.

Ezekiela 16:3

Huni Jerusalem mary ai sa thai naira angym nai Areng my leu pei nai nang ly thui pi; “Nang i kangpreangchi ly Kanan pri y tapen iy nang i ngampo ly Amori cheng, nang i ngamhm ly Hiti cheng ne.

Ezekiela 20:13

Na i py nichi ly daichi ka-vym y my kai ai amtang u nai ne. Kai i leu pei nai tangai nai ngiereichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Hunai deaungkho y kai ly nichi ai daichi ka-vym y, kai i kado katheu pajeng naira avum hai iy tamyh pawn ai nai adawn vai nai ne.

Ezekiela 20:8

Na i py nichi ly kai ai amtang lawh iy kai i leu tangai y naimy awm u bo. Nichi ly mymychi i ngai nai amso ngai hawi nai mynchi hawi, Aikupta tameuhchi ai khai su y. Kai ly nichi ai Aikupta pri y kai i kado theu nai ly nichi i tlang tleaung y tym hai iy pajeng naira angym pa-rei avum hai ai nai dawn pi yb bo.

HOSEA 2:3

Huni kalopchi anawn y baly, kai ly ni i ateaung leng vui iy, ni ai tapen nai kani khala i kamta, tlang ka-keu awm hai ai. Ni ai ly jengha iy teaung ai ngo y nai adym kamta, lawm hai nai deaungkho y, ni ly tui ahai naimy dei ai.

LUKA 2:12

Naibaly hini ly nangchi i vui ka-ma-ra ne: deaungdicho kanih y bam me nai, tawnbawi teicha pei naira y aseaung nai niu ai,” napi.

LUKA 2:7

Naibaly chalu y neampacho tapen; naibaly kanih y bam me iy, charai y akeaung y nai deaungkho y tawnbawi teicha pei naira y paseaung.

Leu Thui Nai 15:15

Nangchi ly Aikupta pri miseaung i nai nangchi i Areng Tameuh my nangchi ai lawi tleaung pi nai pany u; huni molam y vai, kai ly hini reitachi nangchi teng y kang pei nai ne.

Leu Thui Nai 5:6

‘Kai ly nangchi ai Aikupta pri miseaung i nai atleu pi nai, nangchi i Areng Tameuh ne.’

JOSUA 24:2

Huna nai khala Josua my khumi bawibawichi teng y, “Israela chengchi i Areng Tameuh my hina nai leu ang pei bo. ‘jangni y nangchi i amsi pajo napi nai Terah, ni i chapo Abraham hawi Nahorchi ly Euphrat tavo vai mang y awm iy, tameuh takhrachi ai chiu u nai ne.