Ezekiela 16:3 - Khumi Common Language Bible

³ Huni Jerusalem mary ai sa thai naira angym nai Areng my leu pei nai nang ly thui pi; “Nang i kangpreangchi ly Kanan pri y tapen iy nang i ngampo ly Amori cheng, nang i ngamhm ly Hiti cheng ne.

Ezekiela 16:3 ပူးပေါင်းရင်းမြစ်များ

ATITI AWM ANGCHEI NAI 11:25

huni bo y saneng 119 rei heng i cho chanauchi nga asai rai.

ATITI AWM ANGCHEI NAI 11:29

Abram ly Sarai ai pom i, Nahora ly Haran i chaniu Meleka ai pom. Haran ly Isekai hawi Meleka i ampo ne.

ATITI AWM ANGCHEI NAI 15:16

Nang ly kangpreang deung palyhrei nai bo y hini pri y tym teang ai; ati mana nai mo nabaly Amori chengchi ly khumi aso y nai molam y pajeng naira avum nai khala, nichi ai hini pri i nai kaimy patheu vui ai nai deaungkho y ne,” napi.

1 ARENG KEH 21:26

Ahab ly Amori pri khumichi i sa nai kamta, mynchi y chiu nai molam y khri pa-rei jei kaji ai hawi nai kamngochi sa bo. Amori khumichi ly Kanan pri y Israela chengchi kun u nai thym khala, Areng my patheu nai khumichi ne.)

2 ARENG KEH 21:11

“Manase ly hini amso ngai naichi sa bo; kanan chengchi i hawi y sa nai tleaung y py, khri pa-rei hawi y naichi sa lawh bo. Ni ly my i sa nai mynchi hawi Juda khumichi ai kamngo lam mang y pahawi nai ne.

EZARA 9:1

Hini kalop bawibawichi sa pajau nai khala y Israela cheng miteaung keh phyreichi ly kai teng y ang jeu u iy, “Mipuichi, pathyp pi nai keungchi hawi Levi theaungchi ly mymychi tengpang y awm nai Ammon pri, Moba pri hawi Aikupta pri i khumichi hawi py, Kanani cheng, Hiti cheng, Perizi cheng, Jebusi cheng, Amori chengchi hawi py awm takhra u y; nichi ly huni khumichi i sa nai kamta amso ngai naichi sa u teang.

NEHEMIA 9:7

Aw Areng Tameuh, nang ly Abram ai vawi takhra iy Babulon pri Ura mary i nai theu hai i, ni i amyn ai ly Abraham, nanai amyn pathi palai pi bo.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

ISAIA 43:27

Nangchi i jangni i amsi pajoly kamngo sa nai ne. Nangchi i lu sa naichi my kai i tlang tleaung y kamngo sa bo.

Ezekiela 16:2

Mymy ly “Nang khumicho awi, Jerusalem mary ai mymy i sa nai amso ngai nairachi patei pi.

Ezekiela 16:4

Nang ai tapen nai khala y ami py nang i laileung vui sui pi y, tui py pahiu pi y, palawi py tamui pi y, niprawn py bam pi y.

Ezekiela 16:45

Nang ly ngamhm adui khyp nai bo. Nang i ngamhm ly juvo hawi cho chanauchi ai niu ngai y nai khumi ne. Nang hawi nang i ngamjo ngamnauchi ly atawm u i, nichi ly mymychi i juvochi hawi cho chanauchi ai niu ngai u y. Nang i ngamhm ly Hiti neampachy ne i, ngampo ly Amori cheng ne.

Ezekiela 21:30

“‘Nang i haisau ai haisau keu theung y hawn teang! Nang ai sa nai meingtym hawi, nang ai tapen nai pri y kai ly nang ai tara kangchih ai.

MATTHAI 11:24

Na i py kang thui pi, tara chih nai kani y ly nang tleaung y ly Sodom pri i patang ai nai ly hawi kyh alam ai,” napi.

MATTHAI 3:7

Na i py mymy ly Pharisaichi hawi Saddukaichi neangneang ly baptisma nga ai nai jeu naichi ai niu baly mymychi teng y, “Pavui i kangpreangchi awi! Kado theu naira ang tym ai nai ly preang veng ai nai ami my ang pachei mo?

LUKA 3:7

Hunaibaly ni ly baptisma nga ai nai mymy khi y theu nai khumi mipuichi teng y ly, ‘Pavui i kangpreangchi awi, kado theu naira ang tym nai ly preang veng ai nai ami my ang pachei mo?

JOHAN 8:44

Nangchi ly ngampo Setan teng i theu nai i, ngampo i ngai phi teng y nai sa ai nai ngai chy bo. Ni ly angchei kha i dengdairei khumi ai padei nai keung ne, naibaly ni teng y leu meitang ha py by y nai deaungkho y mymy ly leu meitang y awm y leang. Mymy ly ka-chawi thui nai khala y amy i satang thui khyp nai ne: ati mana nai mo nabaly mymy ly ka-chawi thui nai keung ne, ka-chawi ampo py ne.

EPHESI 2:3

Huni ym y nai chanauchi theung y ly kaichi py jangni y ly tlang hawi paleung i kangai sa iy, kaichi i tlang i ngai phi teng y naira y ly awm bebe veng; kaichi ly khumi takhrachi kamta khyp my kado theu nai chanau y tapen angchi yb veng nai chy bo;

Leu Thui Nai 20:17

Areng my nangchi teng y leu pei nai kamta, Hiti cheng, Amori cheng, Kanan cheng, Perizi cheng, Hevit cheng, Jebusi cheng khumi bawibawichi ai tamyh pawn ai nai tla.

Leu Thui Nai 7:1

Nangchi i Areng Tameuh ly nangchi peang ai nai pri y nangchi ai pahawi nai khala, huni pri y awm yb nai khumi vuikanai nawi iy, haiho len nai Hiti cheng, Kirakashi cheng, Amori cheng, Kanan cheng, Perizi cheng, Hevit cheng hawi Jebusi cheng napi nai cheng saryhreichi ai paryh pi pawn ai.

JOSUA 13:4

Zidon chengchi i khu ka-peang Mearah dengdairei, Arphet mary hawi Amori chengchi i khujyh tym pa-rei awm nai Kanan chengchi i khu verei,

JOSUA 24:14

Josua my thui bi i, “Vai nangchi ly Areng ai jei kaji naimy tahm khai iy, mymy i kalop ai paleung hawi verei, ka-ym awm naimy so u. Mesopotamia pri hawi Aikupta pri y nangchi i amsi pajochi my chiu nai tameuhchi ai khai su iy, Areng ai naini chiu u.

I JOHAN 3:10

Hinira y ly Tameuh i chanauchi hawi diabola i chanauchi ly amny nai ne: ami py kahawi so y nai ngierei ly Tameuh i ny y leang, amy i amjo amnau ai tamen y nai khumi py ne teang.