Ezekiela 16:11 - Khumi Common Language Bible

¹¹ Nang ateaung ai nai vang kateng lengseaungchi hawi kiura y amchiu ai nai ka-sichi, kaneaung y awi ai nai leangchi py,

Ezekiela 16:11 ပူးပေါင်းရင်းမြစ်များ

ATITI AWM ANGCHEI NAI 24:22

Anglo ly tui deu pajau bo nabaly huni khumi my vang teng parai nai muku kano ly ni i notareang y amcho hai iy, muku ka-si nyhrei py kiu y amchiu hai bo.

ATITI AWM ANGCHEI NAI 24:47

Kaimy ni teng y, “Nang i ampo ly ami mo?” nanai deng. Naibaly ni ly ‘Kai i ampo ly Nahora hawi Milaka i chapo Bethuela ne,’ ang napi. Naibaly kaimy ni i kiu y muku ka-sichi amchiu hai iy, notareang y py muku kano amcho hai bo.

ATITI AWM ANGCHEI NAI 24:53

Naibaly ni teng y syn yb nai ateaungchi hawi muku tangka, vang kateng langseaungchi, patheaung iy Rebeka teng y pei pi. Ni ly Rebeka i ampro hawi amhm ai py vang kateng langseaungchi pei pi nai ne.

ATITI AWM ANGCHEI NAI 35:4

Naibaly nichi ly mymychi i kano amchochi py, cheng takhrachi i tameuhchi py Jakob teng y pei u i, Jakob my Sekhem mary sahawi i ngopraibiu keung anui y up bo.

ATITI AWM ANGCHEI NAI 41:42

Samrang ly mymy i pajawp typ nai ka-ma-ra kiu sabyh amjiu iy Josepha i kiu pajeung y amchiu hai. Josepha ai kanih mai ka-syn pateaung pi iy, kaneaung y py muku leng awi hai bo.

ESTHER 2:17

Samrang ly takhra neampachychi tleaung y ni ai khreikeh nai deaungkho y, ni ly samrang teng y meimai nga i, samrang my khrei nai ne. Naibaly samrang my ni ai samrang i areng lukhym amym hai chum baly, Vasati i meingtym samrangnu ra y palyn bo.

JOBA 42:11

Joba i amjo amnau, tuicho, amjo neampachychi hawi, ahawi kangngym bawibawichi ly ni i yhm y jeu iy, ni hawi vanrei cha nei pawi sa u bo. Nichi ly Areng my avum hai nai ngari kamtangchi molam, Joba teng y paleung hawi y nai leu thui u naimy paleung pahawi u chum baly, tangka maidenrei hawi muku kano ha harei pei u bo.

THEU NAI 32:2

Aron my nichi teng y, “Nangchi i ajuchi hawi cho chanauchi ateaung nai muku kanochi aleng iy kai teng y jeu hai u,” napi.

THEU NAI 35:22

Talam ai paleung ano nai neampacho neampachychi ly muku ka-ma-ra atai nai, muku kano, muku kiu sabyh hawi muku leangchi talam patyp ai nai Areng teng u iy,

LEU KACHENG 1:9

Apu parai nai lupeu hawi kaneaung akhen ly nang i mo-cha ai khen apu hai nai kamta, nang i ngamhm ngampo my ang thui ang parip naichi py, nang i kaja hawi tleaung y hawira ai.

LEU KACHENG 25:12

Lulip pany naira angym nai khumi i pany hai nai leu ly tangai ai ngai nai khumi i vui y muku kiusabyh tleaung y py, muku tangcheng hawi sa nai ateaungchi tleaung y py vang teng keh nai ne.

LEU KACHENG 4:9

Cheng naira ly nang i lu ai apu parai nai lupeu ajeng hai iy, nang parai nai areng lukhym amyn hai ai,” nanai kai ai patiu pi bo.

Solomon i khulym 1:10

Nang i samchi ly nangmy i tangbengra y apu parai i, muku amia kamta nang i kaneaungra y apu parai nai ne.

Solomon i khulym 4:9

Kai i aju angam nai khrei nai awi, nang ly mei tlenrei ka-khen hawi, nang i awi nai pahu leng ly kai i paleung pathym tlawn hai na bo.

ISAIA 28:5

Ati cheaungkhang sa thai nai keung Areng ly dei kamthum mymy i khumichi i vui y, phum-ang nang parai nai areng lukhym kamta lawm nai neng kani ang tym ai.

ISAIA 3:19

kano amchochi, ka-sichi, nichi i meimai amym nai

ISAIA 3:21

kiu sabyhchi, notareang amchochi, ateaung kahawichi,

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

Ezekiela 16:17

Nang ly kaimy kang pei nai muku tangka hawi vang kateng lengseaung phyreichi la iy neampacho mynchi sa, hunichi hawi tamang nai ne.

Ezekiela 23:40

“Nini ly kamlora y avaw avawrei khumi pato iy neampachochi ai palau, neampachochi py jeu u nai ne. Neampachy amjo amnau nini ly tui ahiu chum baly, mei akhymchira y an ka-pu amthym iy, vang kateng lengseaungchi amthyp hawi bo.

Ezekiela 23:42

Amo theu u lengleang nai khumi kangbawm katyn thai bo. Huni khumi kangbawm ly daichi ka-vymra i hawi nai khumichi ne. Nichi ly neampachy nini i kiu y ka-sichi pachiu pi iy, apu parai nai lukhymchi amym hai pi bo.

DANIELA 5:16

Nang ly leu ka-nengchi thui pachai thai iy, rai parai nai leu kathiuchi thui pachai thai, nanai kang thai. Nang ly hini cha lam phain iy, awm nai sai kai teng y thui pi thai baly, kai ly nang ai samrang ateaung kamsen jeaung amthyp hai iy, tahm pasang nai muku leng awi hai naimy, kai i pri y pa-thom i sa thai naira awm keh nai keung y kang khai ai,” napi.

DANIELA 5:29

Hunaibaly Belshazar ly vaimy Daniela ai, samrang i ateaung kamsen jeaung amthyp hai iy, kaneaung y tahm asang nai muku leng awi hai chum baly, Daniela ai pri verei y pa-thom i sa thai naira awm keh nai keung y palyn bo.

DANIELA 5:7

Naibaly atam sarachi, vawinam pakun kawp naichi hawi ka-si kamhi khen kawp nai keungchi ai jeu hai ai nai aeu iy, miseaung leaungrei ai pato. Huni khumichi tym u nai khala y samrang my, “Huni cha lam phain iy awm nai sai, kai teng y thui pi thai nai khumi ai samrang i ateaung kamsen jeaung amthyp hai ai. Tahm pateng nai muku leng py awi hai iy, kai i pri y pa-thom sa thai naira awm keh nai keung lawm ai nai, kaimy khai takhra ai,” napi.

HOSEA 2:13

Ni ly kai ai tami vui iy bala tameuh teng y rimuichi patawi naimy, muku, tangka ateaungchi amthyp iy, tavawichi nithun abang nai molam y, kai ly ni ai pajeng ai. Hini ly Areng my thui nai leu ne.

Levi 8:9

Aron i lura y lupeu ajeng hai i, Areng teng y aau patyp nai ka-ma-ra muku phei ai, Areng i leu pei nai kamta, lupang kataw i lupeura y tai pi bo.

Kati Nai 31:50

Hunai deaungkho y kaichi leaung leaungrei nga nai muku ateaung alang, akawi ka-si, ka-si, kiusabyh, kano amcho hawi chaivawn leangchi ai nang teng y kang syn pi bawibawi bo. Areng my kaichi ai deira i tleaung hai nai deaungkho y, huni ateaung alangchi kang talam pi bo. Huna nai y mymy ly kaichi ai ama hai ai,” nanai thui pi u.

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.

AMTENG HAI NAI 4:10

huni miteaung keh leaung apom phai palyhreichi ly areng atehra tleaung y ateh nai keung i mo y ly kheukhudi nai meung u i, deungtasarei heng jojo nai keung ai chiu hai; naibaly nichi i areng lukhym ly areng atehra mo y khai iy,

AMTENG HAI NAI 4:4

Naibaly areng atehra taki teungtareung nai areng atehra apom phai palyhrei awm i, huni areng atehrachi tleaung y ateaung kangleung amthyp nai hawi, areng i muku lukym amym nai miteaung keh leaung apom phai palyhreichi ai kaniu.

TARA CHIH NAI KEUNGCHI 8:24

Na i py ni my thui bi nai ly “Nangchi teng y kai hnei ai ngai nai harei awm; nangchi la u nai muku kano amchochi, kai ai pei u,” napi. (Midian chengchi ly takhra mang i daichi ka-vym y awm naichi kamta, muku kano amchochi teaung u reng nai ne.)