Ezekiela 15:8 - Khumi Common Language Bible

⁸ Nichi ly kai i tlang tleaung y ka-ym by y nai deaungkho y, kai ly nichi i pri y khumi angso savai tlang hai ai,” napi. Hini ly sa thai naira angym nai Aeng i thui nai leu ne.

Ezekiela 15:8 ပူးပေါင်းရင်းမြစ်များ

THEU NAI 21:8

Yhmkeung my khrei y nai deaungkho y aju palawn ai nai ngai y lawh baly, ni i ampo ai atleu hai teang ai nai tla. Yhmkeung my kry y nai deaungkho y huni miseaung nu ai takhra neampachochi teng y jo vui pajau y.

ISAIA 6:11

Kaimy py, “Aw Areng, hina nai tym nai ly mana tanrei kra ai mo?,” nanai deng. Mymy ly “Marychi phra seaungkhrang iy daihaulau naimy awm nai neng ryrei awm ai. Yhmchira y khumi by y i, huni pri py khumi angso savai tlang nai neng ryrei awm ai.

Ezekiela 16:1

Areng i leu ly kai teng y tym bi bo.

Ezekiela 17:20

Kai ly musy i mawipy hawi ni ai kapatiu iy Babulon mary y hawi iy hu y ni ai kapajeng ai. Ati mana nai mo na baly ni ly kai i tlang tleaung y ka-ym by y nai deaungkho y ne.

Ezekiela 33:29

Kai ly khumichi ai kamngochi molam y pajeng iy, nichi i pri ai py khumi angso savai tlang nai meingtym lawm hai nai khala, kai ly Areng ne, nanai nichi pany u ai,” napi.

Ezekiela 39:26

Nichi ly mymychi i pri y pajei pahyn ai nai khumi by y i, tlamsa naimy awm u nai khala, kai i tlang tleaung y ka-ym by y nai deaungkho y tahm phra u nai bo, nanai tami pajau y ai.

Ezekiela 6:14

Kai ly kiu pheu iy nichi i pri taphra ai. Israela chengchi i awm nai meingtym ngierei y kangheng patleaung y naimy, tokalawi mang daichi ka-vym dengdai, tosyh mang Riblah mary khrairei, khumi angso savai tlang nai meingtym kalawn hai ai. Huna nai khala kai ly Areng ne, nanai khumi bawibawichi my pany u ai.

ZEPHANIAH 1:18

Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.