Ezekiela 15:6 - Khumi Common Language Bible

⁶ Sa thai naira angym nai Areng my leu pei nai ly “Kreip keung ai daichi i nai la iy mai y tei nai kamta, kai ly Jerusalem mary i khumichi ai pahawi iy,

Ezekiela 15:6 ပူးပေါင်းရင်းမြစ်များ

ISAIA 27:11

Dengkeaung changpichi ly aheng iy deirawm nai deaungkho y, neampachychi ly chei i, theng ei u nai ne. Khumichi ly pany thai naira by y nai deaungkho y, nichi ai sa nai keung Tameuh ly nichi ai pahen nai, tamen nai awm ai ny y.

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

JEREMIA 25:18

Juda samrangchi, miteaung kehchi hawi vanrei, Jerusalem mary hawi Juda mary i awm nai ngiereichi ly niu nai khumichi i vui y kaso theu jei hyn ai hawi nai khutaha daichi ka-vym lawm bo. Huni khumichi i amynchi py khumichi my pasawi patau naira y teaung nai leu lawm hai nai, huni kado theu nai hang nei u bo. Vai khrairei huni marychi ly hunai kamta awm jo nai ne.

JEREMIA 4:7

Aeungra i nai ang theu nai khrangsi kamta, Khumi cheng cheaungkhangchi ai taphra ai nai keung ly ang jeu dudu bo. Ni ly Juda pri y taphra ai nai ang jeu bo. Juda marychi ly phra seaungkhrang naimy khumi angso savai tlang vui ai.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

Ezekiela 15:2

Mymy ly “Nang khumicho awi, kreip keung ly dengkeaung keung hawi ati takhra naira awm mo? Kreip angjyn changpi ly daichi theung i dengkeaung changpichi hawi teaung naira y hawi nai sai atawm ai?

Ezekiela 15:4

Kreip keung ly mai sa ai naini hawi khyh; kadeaung mang amtawi iy laileaung ly maidym lawm veng nai khala, nang ly huni kreip keung ai sai saireira y teaung thai a?

Ezekiela 15:5

Huni ly mai y patawi y nai khala py, atira py teaung ai nai ngo y. Mai y patawi iy maidym lawm vui nai khala py, teaung ai nai ngo y ra nai ne,” napi.

Ezekiela 15:7

kapajeng ai. Nichi ly mai i nai tleaung u i py vai, mai harei my kang vui ai. Huni khumichi pajeng naira avum nai khala, kai ly Areng ne, nanai nangchi pany u ai.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.