Ezekiela 15:2 - Khumi Common Language Bible

² Mymy ly “Nang khumicho awi, kreip keung ly dengkeaung keung hawi ati takhra naira awm mo? Kreip angjyn changpi ly daichi theung i dengkeaung changpichi hawi teaung naira y hawi nai sai atawm ai?

Ezekiela 15:2 ပူးပေါင်းရင်းမြစ်များ

Solomon i khulym 2:13

Thaidu athaichi myn amteaung bo; kreip pauchi py mui amseaung na bo. Hunai deaungkho y kai i khrei nai awi, kai hawi vanrei jeu jau ba.

Solomon i khulym 2:15

Pauchi amthym mang nai ani i kreip akho y khivachi hawi, khivachochi my taphra y rai khala y nichi ai patiu ba.

Solomon i khulym 6:11

Kai ly leaunghawi ra y awm nai keung katheangchi ai py, kreip keungchi sai ampho nai ai py, thaitleung keungchi pau amthym nai ai py, khen ai nai baden keungchi sala mang kasatla prei bo.

Solomon i khulym 7:12

Ani ly khawn angthodyh ang thau iy, kreip keungchi pau mo, pau y mo, nanai py, pauchi angdai mo, angdai y mo, nanai py, thaitleung keungchi pau mo, pau y mo, nanai py khen hawi sina. Huni meingtym y nang teng y kai i khrei nai kang pei ai.

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

JEREMIA 2:21

Kai ly lym patyp nai ti ra i kreip keung kaui nai ne. Na i py nang ati mana lawm mo, nanai khen cham! Nang ly veaung iy teaung ai ngo y nai kreip keung hawi atawm nai ne.

Ezekiela 15:1

Areng i leu ly kai teng y tym.

Ezekiela 15:3

Nang ly kreip angjyn changpi hawi ati amjy sa thai mo? Vawnsai ha harei bang ai nai huni kreip angjyn changpi ai vawnra y teaung thai a?

Ezekiela 19:12

Na i py huni kreip keung ly kado theu nai khumichi my tangjyn akheaung na pa-rei akyn vui i, khaileaung y atlym vui bo. Nisi ali deaungkho y kreip athaichi jei pawn bo. Kreip changpichi py dei i, mai y kang nai avum bo.

HOSEA 10:1

Israela khumichi ly athai neangneang thawn nai kreip angjyn keung hawi atawm. Nichi ly nang chawn ryh baly, maicham neangneang sa u nai ne. Thengthai khulawn nawi ryh baly, mychi i chiu nai leaungchengchi ai apu tleaung apura pa-rei palum u bo.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

ZEKHARIAH 11:2

Aw maicha keungchi awi, vo tangam u; saitleang keungchi ly aheng pawn veng bo; apu parai nai huni keungchi ly phra pawn bo! Aw Basanra i ngopraibiu keungchi awi, vo tangam u; thengreung atu ai ly ateng biu vui bo.