Ezekiela 14:9 - Khumi Common Language Bible

⁹ “Amo ly parawi naira avum iy teng y nai amo leu katheu baly, huni amo ai kai, Areng my parawi nai ne. Kai i kiu pheu naimy ni ai tiu iy Israela cheng theung i nai patheu vui ai.

Ezekiela 14:9 ပူးပေါင်းရင်းမြစ်များ

2 NENG SATANG 18:22

Naibaly Mikaia my, “Areng ly hini amochi ai nang teng y tapawp nai leu thui hai bo. Na i py nang i avum ai nai ka-jeira ly Areng mymy kypkyp my pasym pi ai!,” napi.

JOBA 12:16

Tameuh ly sa thai naira haiho len parai nai deaungkho y, eaung naira nga hai jojo. Tapawp nai khumi hawi, katapawpra avum nai nini leaung nyhrei malawn py, mymy i kiu tleaung y awm.

ISAIA 10:4

Nangchi ly tavai keung y dei u ai; ti y baly langheng palawn iy ang hawi pawn nai avum u ai. Huni neng khala py Areng ly kado theu nai rym y ai i, kamngo pajeng ai nai kiu pheu naimy awm jo ai.

ISAIA 5:25

Areng ly mymy i khumichi tlang tleaung y kado theu i, pajeng ai nai kiu pheu nai deaungkho y, mawichi ly amchyh neung na ai. Khumi kadei veuchi ly lamchi salo y anyn angso kamta awm jo ai. Huna teu i malawn py Areng i kado theu nai ly rym ai ny y. Mymy ly kamngo pajeng ai nai kiu pheu naimy awm ai.

ISAIA 63:16

Nang ly kaichi i ampo ne. Kaichi i amsi pajo Abraham hawi Jakob nini malawn py, kaichi ai bawi lo pi pajau y. Na i py Areng nang ly kaichi i ampo ne. Kaichi ai jangni khala i ka-so atleu pi jojo nai keung ly nang ne.

ISAIA 66:4

Hunai deaungkho y kai ly nichi jei u nai ka-jeirachi py, nichi i tlang tleaung y tym hai bo. Hunai kamta tym hai nai ly kaimy palau nai khala y, ami py pathang u y. Kaimy thui nai khala py ami py pathang u y nai deaungkho y ne. Nichi ly kai i leu tangai y, hawi y sa ai naini vawi takhra u lawh,” napi.

ISAIA 9:12

Nisi mang i Suria pri hawi nidym mang i Philistia prichi ly Israela pri tamyh vui ai nai angvei u rym bo. Huna nai y Areng i kado theu nai ly rym y. Nichi ai parip ai nai mymy i kiu pheu nai ly awm jo rai nai ne.

ISAIA 9:17

Hunai deaungkho y Areng ly mani thawndeang deaungdi ai py, law tleaung naira pei ai ny y. Lumai cheaungtichi hawi nuro nukaichochi ai py, pahen pi ai ny y. Ati mana nai mo nabaly khumi bawibawichi ly tameuh by y iy kamngo sa u nai bo y, chai y nai leuchi naini katheu u nai deaungkho y ne. Hunai deaungkho y Areng ly kado katheu rym y naimy, kamngo pajeng ai nai kiu pheu jojo nai ne.

ISAIA 9:21

Manase cheng theaungchi hawi Ephraim cheng theaungchi ly mychi tengtawi atiu u chum baly, nini leaung nyhrei amkawm hawi iy Juda cheng theaungchi ai tiu hawi nai ne. Hunai deaungkho y py Areng ly kado katheu rym y naimy, kamngo pajeng ai nai kiu pheu jojo nai ne.

JEREMIA 14:15

Kaimy pato nai ny y pawi naimy kai i amyn angam iy, hini pri y tavai takai hawi tahum takang ka-jeira tym ai ny y, nanai thui u nai amochi ai, kai mana kasa ai mo, nanai nang teng y kai Areng my thui pi ai. Kai ly nichi ai tavai keung hawi tahum takang y dei hai ai.

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

JEREMIA 6:14

Nichi ly kai i khumichi i tamo kalemchi ai, tahm pateng pi y naimy hawi sa pi. ‘Ati mo ra py amsym y pui naimy, amsyn teu,’ napi u bo.

JEREMIA 6:15

Nichi ly amso ngai naichi sa teu i py, kaji u sai a? Lymlym kaji u y, kangji meimai py amteng y. Hunai deaungkho y nichi ly khumi takhrachi kamta atlym u ai. Kaimy pajeng nai khala y nichi ly tama nai tym u ai. Hini ly kai Areng. my thui nai leu ne,” napi.

Ezekiela 13:9

Teng y nai paleung mei y niu nai ai niu iy nangchi, teng y nai leu thui yb nai amochi ai kapajeng ai. Nangchi ly kai i khumichi leu ka-rum sa naira y kun ai nai nga u ai ny y. Israela pri khumi charangra py, nangchi i amyn tabawi pajau y. Nangchi ly nangmychi i pri y mana khala py, vawi ai nai nga u ai ny y. Huna nai khala kai ly sa thai naira awm nai Areng ne, nanai nangchi pany u ai.

Ezekiela 14:10

Huni amo hawi ni teng y leu deng nai khumichi raurei, pajeng naira avum ai.

Ezekiela 14:5

Huni mynchi ly Israela chengchi ai kai hawi akhan hai bo. Na i py nichi ly kai i pathang pi nai deaungkho y, kai i tlang tleaung y ka-ym awm u ali teang ai.

Ezekiela 16:27

Vai, kai ly nang ai kang pajeng ai nai hawi, nang i khu ka-peang vym vui ai nai kiu pheu bo. Kai ly nang i ngaiphi ala iy hawi y nai saichi ai niu ngai y nai Philistin anglochi teng y nang ai kang-au veng bo.

Ezekiela 20:25

“Naibaly kai ly amlau y nai reitachi hawi, hengra pei pajau y nai leuchi kapei pi.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

ZEKHARIAH 13:3

Naibaly amimi py ne sy, amo leu thui veangveang nai khumi awm rai baly, ni i amhm ampochi ly ni teng y, nang ly Areng i leu thui pi pateang nai ne i py, ka-chawi leu naini teaung nai deaungkho y, deira avum ai, nanai thui iy huni khumi thui nai thym khala y my, ni i amhm ampo ly ni ai haisau hawi thun iy padei ai.