Ezekiela 14:8 - Khumi Common Language Bible

⁸ Kai ly nichi ai ka-awi kasa ai. Nichi ai amtiu naira hawi kangji pei nai lawm ai nai kai ly teang ai. Kai i khumi kamkawm theung i nai patheu vui ai. Huna i naini kai ly Areng ne, nanai nangchi pany u ai.

Ezekiela 14:8 ပူးပေါင်းရင်းမြစ်များ

SAM 34:16

Na i py hawi y sa nai khumichi ly dei nai khala, kra y naimy nichi ai tami pawn ai nai, mymy ly nichi ai ka-awi sa nai ne.

SAM 34:17

Khumi kahawichi ly mymy ai palau u nai khala y, mymy ly pathang pi iy, ngari kamtangchira i nai atleu pi bo.

SAM 37:22

Areng my amtheaung naira pei nai khumi ly pri amtym u ai. Na i py mymy i amsawi lawi nai khumichi ly pri pala nai avum u ai.

ISAIA 65:15

Kai i vawi takhra nai khumichi ly nangchi i amyn ai, amsawira y teaung u ai. Kai, Areng my py nangchi ai kang padei ai. Na i py kai i leu tangai nai khumichi ai, kai ly amyn kangtha pei ai.

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 29:22

Jerusalem mary i dengdairei Babulon mary y pri pala naira avum nai khumichi ly khumi leaungrei ai pasawi patau ai nai ngai lawh baly, ‘Areng ly nang ai Babulon samrang my kangheng tangmy mai y leng nai Zedekiah hawi Ahab nini ai kamta so kalei sy!,’ nanai thui u ai.

JEREMIA 44:11

“Hunai deaungkho y Israela chengchi i Tameuh, ati cheaungkhang sa thai nai keung kai, Areng ly nangchi i tlang tleaung y ka-jeira tym hai iy, Juda pri phra hai ai.

Ezekiela 13:23

Hunai deaungkho y nangchi ly teng y nai paleung mei y niu naichi ai, niu u ali bi ai ny y; lam tamang naira y tym hai nai leuchi thui u bi ai ny y. Kai ly Areng ne, nanai nangchi pany thai ai nai kai i khumichi ai, nangchi kiu i nai kaimy atleu ai,” napi.

Ezekiela 15:7

kapajeng ai. Nichi ly mai i nai tleaung u i py vai, mai harei my kang vui ai. Huni khumichi pajeng naira avum nai khala, kai ly Areng ne, nanai nangchi pany u ai.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

Ezekiela 6:7

Khumichi ai ly meingtym tleirei y tleh iy dei u ai. Hini ly kai, Areng ne, nanai pany u ai.

Levi 17:10

Israela cheng mo, Israela chengchi theung y awm nai cheng takhra mo, thi abawi nai mawi cha lawh baly, Areng ly meimai hi pi vui iy mymy i khumichi theung i nai nyn va vui ai.

Levi 22:3

Nang i kangpreangchi theung i ami py, reita leaungsai y chai y nai khumi ly Israela chengchi my kai teng y talam nai kapathyprachi sahawi y ahai lawh baly, ni ly maichamra kalop sa bi ai nai ngo y ai. Hini reita leu pei nai nangchi patawm jojo ai nai tla. Kai ly Areng ne.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

Kati Nai 16:38

Areng i maicham y rimui mui katui talam nai khala, mai-ai laawmchi teaung nai deaungkho y, hunichi ly talam patyp nai vawnchi ne. Hunaibaly amymychi i kamngo molam y dei nai khumichi teng i mai-ai laawmchi la chum baly, angporyp pa-rei thip taphidi iy maicham i vui mymra so. Huni kheupaja phei ly Israela chengchi ai pany hai vau ai,” napi.

Kati Nai 19:20

Reita leaungsai y chai y nai khumi ly kachai sa nai tui hawi amymy ai katheng iy, kachai so y baly, chai y jojo ai. Huni khumi ly Areng i Tabynako ai chai hai y nai ne i, Tameuh i khumichi theung i nai nyn va vui ai.

Kati Nai 26:10

Hunai deaungkho y nichi ai ly korah nithun abang naichi hawi vanrei, khaileaung my pajawn vui nai ne. Huni kani y my mai kangveaung tla hai i, khumi leaung 250 rei ai kang vui bo. Huni ly khumichi ai pany hai vau nai leaungsai ne.

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

I KORINTH 10:11

Naibaly huni ly amtiu ai naira lawn ai nai nichi i tlang tleaung y tym hai nai chy bo; achi, neng tem naira y tym naichi ai ang parip ai nai tajiu nai ne.

Leu Thui Nai 28:37

Areng my nangchi ai pri tleirei y ahei hai nai khala, huni pri i khumichi ly nangchi i patang nai sai nui iy kaso theu u ai; nichi my nangchi ai panui pachem hai ai.

Leu Thui Nai 28:46

Huni ka-jeirachi ang tym baly, hunichi ly Tameuh i Tara chih naira ne, nanai nangchi hawi nangchi i kangpreangchi ly pany u jojo ai.

Leu Thui Nai 29:19

Vaini hini leu pei naichi thai u nai bo y, amy i kangai sa veangveang nai ly ati cheaungkhangra y hawi nga ai, nanai ym nai khumi awm moh sy; na i py nangchi theung y khumi kahawi py, khumi hawi y nai py, bawibawichi ly tama rau ai.