Ezekiela 14:6 - Khumi Common Language Bible

⁶ “Huna nai y Israela chengchi teng y thui pi; sa thai naira angym nai kai, Areng my leu pei nai ly uikheih u. Amso ngai hawi nai nangchi i sa naichi ai nyn va vui ly mynchi py khai su.

Ezekiela 14:6 ပူးပေါင်းရင်းမြစ်များ

2 NENG SATANG 29:6

Achi i amsi pajochi ly achi i Areng Tameuh i tlang tleaung y ka-ym by y iy, mymy i kangai so u y. Nichi ly mymy ai khai u su iy awm naira meingtym ai py nithun thun u vui bo.

ISAIA 2:20

Huni neng kani tym nai khala y, khumichi ly mychi i sa nai muku, tangka mynchi ai thangbui hawi phanglauchi sala y aphi iy khai su ai.

ISAIA 30:22

Nangchi ly tangka hawi sa nai mynchi, muku hawi paleaung nai mynchi la iy, “Kaichi mei keung i nai theu u la!,” nanai thui iy chainem y nai kamta aphi vui ai.

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

Ezekiela 14:4

“Sa thai naira angym nai kai Areng my nichi teng y ati mana leu pei mo, nanai thui pi. Mymy ly Israela cheng ngiereichi myn chiu ai nai paleung apei u nai deaungkho y, huni mynchi my nichi ai tamang hai bo i, amo teng y ahihawi iy leu deng bo. Huni khumi teng y kai, Areng my leu pathang ai. Huni pathang nai leu ly huni khumi i chiu nai mynchi i vui ne.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

Ezekiela 18:30

“Aw Israela chengchi awi, sa thai naira angym nai kai Areng ly vai, nangchi leaung leaungrei ai, nangmychi i hawi y sa nai leaungsai molam y tara chih ai, nanai thui u bo. Nangchi ly hawi y sa nai bawibawira i nai hi u vui; kamngo my ly nangchi ai taphra moh sy.

Ezekiela 8:16

Hunai deaungkho y mymy ly kai ai Achura yhm apai theung y anghawi. Achura yhm y kun nai pa-kho sahawi i maicham hawi dangkhung sala y khumi leaung apom phai pangrei awm. Nichi ly Achura yhm y nithun thun u iy nisi mang y mo tha naimy kani si nai ai chiu u nai ne.

Ezekiela 8:6

Tameuh my kai teng y, “Nang khumi cho awi, nichi i sa nai leaungsai nang niu lo-oh? Hini meingtym y Israela chengchi i sa nai amso ngai naichi khen cham; nichi ly kai ai meingtym kachai hawi palo tleaung palora naira mang y ang paryh bo. Nang ly hunichi tleaung y amso ngai hawi naichi malawn py niu ai,” napi.

HOSEA 14:8

Israela khumichi ly mynchi hawi atakai u ai. Kai ly nichi i chiu sa nai tangai iy, nichi ai kry ai. Kai ly heng-yh jo nai keung kamta, nichi ai ama hai ai. Kai ly nichi i vui amtheaungra lem phraiphreaung pa-rei leaung naira lawm ai.

ZEPHANIAH 3:11

Aw Kai i khumichi awi, huna nai khala nangchi ly kai ai tiu u nai molam y, kaji ai nai ngai y leang bo. Kai ly paleung len nai khumi, amlyh am-e nai khumi ngiereichi ai taphra pawn ai; nangchi ly mo mang y mana khala py, Jerusalem mary i chai parai nai mawi salo y, kai ai tiu u ai ny y.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

AMTAW 17:30

Hunaibaly Tameuh my achi i pany y khala i neng ly dawn pi y leang; na i py vai ly meingtym tleirei i khumi bawibawichi ai uikhei ai nai leu ang pei bo;

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

AMTAW 3:19

Hunai deaungkho y nangchi i kamngochi ly tama hai thai ai nai uikhei u ly, ali u teang jau,

ROM AVANGCHI TENG Y PAWLA I CHA PA NAI 6:21

Vai nangchi i atiti kaji hai parai nairachi y ly, hunai thym khala y ly athai ati nga u mo? Huni atitichi i tem naira ly dei naira ne chy bo.

1 SAMUELA 7:3

Samuela my Israela chengchi teng y, “Nangchi ly Areng teng y paleung hawi verei, jeu aliteang ai nai ngai baly cheng takhrachi i tameuhchi ai py, kani anglo Asatare i mynchi ai py, khai su ai nai tla; Areng teng y nangmychi ai aau patyp iy, mymy ai naini chiu u baly mymy ly nangchi ai, Philistia chengchi kiu i nai atleu ai,” napi.