Ezekiela 13:9 - Khumi Common Language Bible

⁹ Teng y nai paleung mei y niu nai ai niu iy nangchi, teng y nai leu thui yb nai amochi ai kapajeng ai. Nangchi ly kai i khumichi leu ka-rum sa naira y kun ai nai nga u ai ny y. Israela pri khumi charangra py, nangchi i amyn tabawi pajau y. Nangchi ly nangmychi i pri y mana khala py, vawi ai nai nga u ai ny y. Huna nai khala kai ly sa thai naira awm nai Areng ne, nanai nangchi pany u ai.

Ezekiela 13:9 ပူးပေါင်းရင်းမြစ်များ

1 ARENG KEH 13:18

Hunaibaly Bethela mary i amo miteaung pui ly ka-chawi naimy ni teng y, “Kai py nang kamta amo ne teang chybo; Areng i kani pri amtaw thau leaungrei my, nang ai yhm y palau iy pacho panei ai nai kai teng y ang thui pi,” napi.

EZARA 2:59

Tel Melah, Tel Hasha, Kheru, Adan hawi Immera marychi ra i dengdai theu u nai Delaiah, Tobiah hawi Nekoda nupaichi ly leaung 652 reichi ne. Na i py nichi ly Israela cheng theung i kangpreangchi ne, nanai mymychi naimy thui khyp pajau y.

SAM 101:7

Ka-chawi thui nai khumi ly kai i samrang yhm y awm ai nai ngo y ai; khumi kahawi amlawn reng nai khumi ly kai i mo y awm ai nai ngo y ai.

SAM 69:28

Nichi i amynchi ly heng nai khumichi i vuikanai i nai taphra nai avum sy; nichi ly nang i khumichi theung y vuikanai abawi y nai khumichi lawm u sy.

SAM 69:5

Aw Tameuh, kai i kamngochi ai, nang i mo y apha vui thai y leang; kai ly mana tanrei akhum na mo, nanai nangmy pany.

SAM 87:6

Areng ly khumichi amyn tajiu ai; huni amynra y abawi nai khumi bawibawichi ai, Jerusalem mary i amynra y tabawi rau ai.

SAM 95:11

Kai ly nangchi ai kado theu hai nai deaungkho y, “Nangchi ly paleung savairu naimy awm nai pri y mana khala py kun ai nai ngo u y ai,” nanai vaineng ka-beu kheih bo.

ISAIA 4:3

Tameuh my vawi takhra naira abawi iy, Jerusalem mary y awm rai nai khumi ngiereichi ai ly khumi kachaichi ne, nanai amyn pathi ai.

JEREMIA 14:15

Kaimy pato nai ny y pawi naimy kai i amyn angam iy, hini pri y tavai takai hawi tahum takang ka-jeira tym ai ny y, nanai thui u nai amochi ai, kai mana kasa ai mo, nanai nang teng y kai Areng my thui pi ai. Kai ly nichi ai tavai keung hawi tahum takang y dei hai ai.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 23:20

Huni kado theu naira ly mymy i sa ai tau nai ngiereichi amcheang y ryrei ly rym lawh ai ny y. Hunichi ai mymy i khumichi ly tym ai nai neng kani khala y, chaipyn pa-rei pany u ai,” napi.

JEREMIA 4:9

Areng my, “Huni kani y samrangchi hawi samrang i bangtangchi ly paleung phra atho di u ai. Pathyp pi nai keungchi ly lyh u ai i, amochi ly mynkym u ai,” napi.

Ezekiela 11:10

Nangchi ly nangmychi i khujyh y nangchi ai tara kangchih nai deaungkho y my, ‘Pri palara avum nai khumichi ly tavai keung y dei u ai. Huna nai khala kai ly Areng ne, nanai khumi lutengchi my pany u ai.

Ezekiela 12:20

Khumi angso bi-ai nai mary puichi ai kataphra ai i, pri verei y khumi angso savai tlang nai daichi ka-vym lawm hai ai. Huna nai khala kai ly Areng ne, nanai nichi pany u ai,” napi.

Ezekiela 13:14

Sangum langdengchi amteng seaungkhrang hai ai nai patyp naimy, kai ly amochi my theung kangleung pajui nai apaichi panawi pawn ai. Mary apai anawi nai khala, nangchi ai ang ti iy dei u ai. Huna nai khala kai ly Areng ne, nanai nangchi pany u ai.

Ezekiela 13:23

Hunai deaungkho y nangchi ly teng y nai paleung mei y niu naichi ai, niu u ali bi ai ny y; lam tamang naira y tym hai nai leuchi thui u bi ai ny y. Kai ly Areng ne, nanai nangchi pany thai ai nai kai i khumichi ai, nangchi kiu i nai kaimy atleu ai,” napi.

Ezekiela 20:38

Nangchi theung i tiu nai khumichi hawi kamngo awm nai khumichi ai nawi su ai. Nichi ai mymychi vai awm nai pri i nai theu hai pawn ai. Na i py Israela pri y vawi ali teang ai nai pei ai ny y. Huna nai khala kai ly Areng ne, nanai nangchi pany u ai,” napi.

DANIELA 12:1

Ateaung kanem amthyp nai kani pri amtaw thau naimy, “Huni neng khala y tahm asang parai nai kani pri amtaw thau nai Mikhaela ly amteng ai. Ni ly nang i chengchi ai kry nai keung ne. Naibaly khumi neangneangchi awm angchei khala i dengdairei, mana khala py avum vai y nai ngari kamtang avum nai neng tym ai. Huni neng tym nai khala y Tameuh i cha-iu theung y amyn abawi yb nai khumi, nang i cheng bawibawichi ly law tleaung naira nga u ai.

HOSEA 4:5

Nangchi ly vum, kanithun tamang u nai ne. Amochi py huna nai kamta ne teang. Kai ly nangchi i amhm lawm nai Israela pri taphra ai.

HOSEA 9:3

Israela khumichi ly Areng i pri y awm ai nai ngo y i, Aikupta pri mang y vawi u ali teang ai nai tla ai. Asuria pri y py cho ngau y nai teicha teinei cha u ai.

MIKHA 3:5

Paisa tangka pei pajau nai khumichi teng y tlamsa ai nanai py, paisa tangka pei pajau y nai khumichi teng y, tavai takai patang naira tym hai ai nanai py, thui reng nai amochi i li-tapawp nai ly kai i khumichi avum u bo. Areng my, huna nai amochi teng y,

MIKHA 3:6

“Amochi awi, nangchi i vui neng kani ly dym en bo, kani ly dym ai bo. Nangchi ly atiti amteng hai naichi niu ai ny y leang bo. Mo mang i satang thui thai nai sa thai naira awm ai ny y,” napi.

LUKA 10:20

Na i py vawinamchi ai ly nangmychi my nga ngai sa pajau nai deaungkho y kawn u moh; kani pri mang y naini nangchi i amyn tajiu nai deaungkho y kawn u,” napi.

PHILIPI 4:3

Ne, nang, kai i paleang savan apatli ahawi tatang nai ai py kang takeng, tuni neampachy nini ai ly sabawm ba; nini ly Satang Kahawi y kai hawi sa ahawi reng, Klementa hawi, kai i sa ahawi nai takhra, hengra cha-iu y amyn awm naichi py.

HEBRAI 12:23

chanau chalau kani mang y amyn atheung nai palau takhra kamkawm teng y hawi, khumi bawibawichi ai tara chih nai keung Tameuh teng y hawi, angym hai chum nai khumi kahawichi i phailo teng y hawi,

AMTENG HAI NAI 13:8

Naibaly khaileaung pri y awm nai bawibawichi khaileaung palum angchei khala y tleh nai Beram Cho i heng naira cha-iu y amyn tajiu y nai ngiereichi ly ni ai chiu u ai.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.

AMTENG HAI NAI 20:12

Naibaly khumi kadeichi, katheang py kalen py huni areng atehra mo y angdo nai kaniu; naibaly cha-iuchi paeaung iy, cha-iu takhra harei, heng naira cha-iu napi nai ly paeaung teang: naibaly huni cha-iuchi y tajiu nai kamta mymychi i atiti sa naichi kamta khumi kadeichi ai tara chih pi bo.

AMTENG HAI NAI 20:15

Naibaly ami i amyn ly heng naira cha-iu y tajiu angchi nai niu y baly mymy ai ly mai ang y aphi vui teang.