Ezekiela 13:5 - Khumi Common Language Bible

⁵ Huni amochi ly mary apaichi anawi nai kry y; mary apaichi py pathyp u teang y. Hunai deaungkho y Areng i kani y tavai atiu u nai khala, Israela pri ai ama hai pajau ai ny y.

Ezekiela 13:5 ပူးပေါင်းရင်းမြစ်များ

JOBA 40:9

Nang ly kai kamta sa thai naira awm a? Nang teng y kai i raawi kamta, kani pajyh nai katyn ka-tawm katyn awm a?

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

SAM 76:7

Na i py aw Areng, nang ai khumi bawibawichi ly jei u nai ne; Nang kado theu nai khala y ami py nang i mo y angdo vam y nai ne.

ISAIA 13:6

Ati cheaungkhang sa thai nai keung ly ka-jeira tym hai ai nai neng kani napi nai, Areng i tara chih nai neng kani ang tym hai ai mang.

ISAIA 13:9

Kapahenra by y nanai kado katheu pajengra avum u ai nai neng kani napi nai, Areng i tara chih nai neng kani ang tym ai. Khaileaung ly khumi angso by y nai meingtym lawm ai. Kamngo sa nai khumi ngiereichi py, tamyh pawn naira avum u ai.

ISAIA 2:12

Huni neng khala y ati cheaungkhang sa thai nai keung Areng ly sa thai naira len nai khumi, amlyh am-e nai khumi hawi paleung len nai khumi bawibawichi ai tahm panem pi vui ai.

ISAIA 27:4

Kreip akho ai ly kai kado theu y leang bo. Aleng keung cheaungkhang prau lawh teu i khyly, kaimy tiu iy hunichi ai mai hawi leng pawn ai.

ISAIA 34:8

Hini neng ly Zion mary ai Areng my atleu iy, huni mary i paleung ka-echi ai vawitheung tha ai nai neng ne.

ISAIA 58:12

Nangchi i khumichi py, phra seaungkhrang joja nai yhm hlauchi ai langdeng kangngymchi salo y sa u teang ai. Nangchi ly phra seaungkhrang nai mary apaichi sa palai iy, anawi seaungkhrang nai yhm hlauchi hawi lamchi py, sa palai teang nai khumichi, nanai palau nai avum u ai,” napi.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

JEREMIA 27:18

Huni khumichi ly amo tatangchi ne iy, kai i leu nga nai keungchi ne lawh teu baly, Jerusalem mary Achura yhm hawi samrang yhmchira i awm asai rai nai yhmtheaung katuichi ai Babulon pri mang y tawn vui y ai nai, ati cheaungkhang sa thai nai keung kai, Areng teng y takeng u na sy,”

Ezekiela 13:4

Israela chengchi awi, nangchi i amochi ly phra seaungkhrang nai maryra i khivachi kamta ati sai py ny y.

Ezekiela 22:30

Kai ly kaimy i khumichi awm nai pri y kado theu nai hawimy taphra ai nai tau nai khala, huni pri y lengseaung apai tapang pajau nai keung hawi, mary apai sa naira y angdo iy amtang pajau nai keung ai kahau cham bo. Na i py leaungrei ai py avum y.

Ezekiela 30:3

Areng my bawi la ai nai kani ly kasa bo; khupanymchi my khiu ai nai kani, khumi cheng cheaungkhangchi patang ai nai kani kasa bo.

Ezekiela 7:19

Nichi ly mychi i muku, tangkachi ai anyn angso kamta, lamchira y hei u pawn ai. Ati mana nai mo na baly Areng i kado theu nai neng khala nichi i muku, tangkachi ly mymychi ai atleu pajau y nai deaungkho y ne. Nichi ly mymychi kajeu kanglam dam ai nai hawi mychi i kajeu apakawi ai nai molam py, muku tangkachi pasum thai y; muku tangkachi ly mymychi ai kamngo sa hai bo.

JOELA 1:15

Areng i tara chih ai nai neng kani ly kasa bo. Huni neng khala, ati cheaungkhang sa thai nai keung my, khri pa-rei ka-jeira tym hai ai. Huni kani ly jei ai nai khri pa-rei hawi ai na a!

JOELA 2:1

Tameuh i nang parai nai mawi napi nai Zion mawi salo y baw eng u; pany hai nai katyn pei u. Juda khumichi awi, kaso tahyn theu u! Areng i neng kani ly kra y naimy tym ai.

JOELA 2:31

Areng i ka-jei awm nai neng kani tym y rai khala, kanito ly veng ai. Lo py thi kamta pasen vui ai.

JOELA 3:14

Khumi sang neangneangchi ly tara chih nai leaunghawira y awm u bo. Huni leaunghawira y Areng i neng kani ly kra y naimy ang tym ai.

MALAKHI 1:9

Nangchi pathyp pi nai keungchi awi, achi ai hawi naira pei ai nai vai, Tameuh teng y hnei u cham. Mymy ly nangchi i chiu sa nai tangai pi ai ny y. Huna nai tym nai py nangmychi i kamngo nai deaungkho y ne.

MALAKHI 4:5

“Na i py khri pa-rei ka-jei awm nai neng kani tym y rai khala, kai ly amo Elija ai nangchi teng y kang pato ai.

I THESALONIKA 5:2

Areng i kani ly vum y kangviu kamta ly tym ai, nanai ly nangmychi kypkyp my chai pyn pa-rei my pany u veng bo.

II PETERA 3:10

Na i py Areng i kani ly kangviu khumi kamta ang tym takengkei ai; huni neng y ly kani ly khrikhri pa-reityn naimy tama ai i, atiti pakeungchi ly khri pa-rei angngo nai mai y kang nai tama ai, khaileaung hawi huni theung y atiti sa naichi ly mai y kang hai bebe ai.

AMTENG HAI NAI 16:14

nichi ly vawinamchi i phailo, atiti ka-ma-ra sa naichi ne; nichi ly Atiti py Sa Thai Nai Tameuh i kani len parai nai i atiura y pahawi achu ai nai, khaileaung pri bawibawi i samrangchi teng y chei u nai ne.

AMTENG HAI NAI 6:17

nini i kado theu naira kani aly len parai nai ang tym nai bo he; hunaibaly ami angdo pajau ai mo?” napi.

1 SAMUELA 12:23

Kai ly nangchi i vui chiu so pi y nai awm vai y leang; huni molam y Areng my pajeng moh sy; kai ly nangchi ai hawi naira naini kang thui pi ai.