Ezekiela 13:4 - Khumi Common Language Bible

⁴ Israela chengchi awi, nangchi i amochi ly phra seaungkhrang nai maryra i khivachi kamta ati sai py ny y.

Ezekiela 13:4 ပူးပေါင်းရင်းမြစ်များ

Solomon i khulym 2:15

Pauchi amthym mang nai ani i kreip akho y khivachi hawi, khivachochi my taphra y rai khala y nichi ai patiu ba.

TANGAM NAI LEU 5:18

Zion mawi ly khumi angso by y nai deaungkho y, khivachi ly mary kaphrara y aki aleaung nai ne.

Ezekiela 13:3

Sa thai naira awm nai Areng my, “Hini amo ka-khumchi ly taham si! Nichi ly kai i phailo my pany hai nai ngo y naimy, mymychi paseng amang iy thui u bo.

Ezekiela 13:5

Huni amochi ly mary apaichi anawi nai kry y; mary apaichi py pathyp u teang y. Hunai deaungkho y Areng i kani y tavai atiu u nai khala, Israela pri ai ama hai pajau ai ny y.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MIKHA 3:5

Paisa tangka pei pajau nai khumichi teng y tlamsa ai nanai py, paisa tangka pei pajau y nai khumichi teng y, tavai takai patang naira tym hai ai nanai py, thui reng nai amochi i li-tapawp nai ly kai i khumichi avum u bo. Areng my, huna nai amochi teng y,

MATTHAI 7:15

“Amo tapawp naichi teng y ly amkym u; hunichi ly beram peih akhiu iy nangchi teng y ang jeu i, nichi i theung mang y ly kasui hyn parai nai ne.

ROM AVANGCHI TENG Y PAWLA I CHA PA NAI 16:18

Hunai kamta khumichi ly achi i Areng Isu Krista i kalop so y naimy, mymychi i kajeu i kalop sa u lawh; naibaly mymychi i leu kahawi hawi leu kakawp nai my ly cheng y naichi i paleung y tapawp lawh.

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.

EPHESI 4:14

hunaibaly teng y naira y vam naira parawi nai kamta, achi ly cheng tapawp nai khumi i tapawp amang nai, patiu naira ali cheaungkhangra y hi mang py hu mang py pachaw iy hm ryry nai deungdi ny y ai bo.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.