Ezekiela 13:3 - Khumi Common Language Bible

³ Sa thai naira awm nai Areng my, “Hini amo ka-khumchi ly taham si! Nichi ly kai i phailo my pany hai nai ngo y naimy, mymychi paseng amang iy thui u bo.

Ezekiela 13:3 ပူးပေါင်းရင်းမြစ်များ

LEU KACHENG 15:14

Cheng naira awm nai khumichi ly amtiu ai nai ngai u reng; na i py khumi hawi y naichi ly cheng naira by y nai hawimy, paleung tienem iy awm u reng.

LEU KACHENG 15:2

Cheng nai khumichi i leu ly pany thai nai cheng nai kamlau katheu reng; na i py khumi ka-khum i labeaung ly ka-ym by y nai leuchi katheu reng nai ne.

JEREMIA 23:1

Mymy i khumichi ai taphra iy ahei hai phro nai peang nai keungchi i tlang tleaung Areng my khai yb nai tara chih naira ly mana tanrei jei ai hawi na mo ly!

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

JEREMIA 23:9

Amochi i molam y hina nai thui pi bo. Kai i paleung ly ama i, kai i hiuchi ly kaso theu naimy awm bo. Areng deaungkho y py, mymy i leu pei nai kachaichi deaungkho y py, kai ly kreip hang nei ala iy pavui nai khumi hawi atawm nai ne.

JEREMIA 28:15

Hunaibaly kai ly ananiah teng y, “ananiah awi, tangai ba! Areng ly nang ai ang pato nai ny y. Nang ly hini khumichi ai, nangmy ka-chawi leu ym ai nai sa nai ne i,

TANGAM NAI LEU 2:14

Nang i amochi ly ka-chawi leu ny y baly, nang teng y takhra leu thui u thai y leang. Nichi i thui nai ngiereichi ly nang ai li-tapawp nai teu; nang i kamngo mana khala py, amteng hai y nai deaungkho y, nang ly uikheih ai nai aly ngai y, nanai athang khai nai ne.

Ezekiela 13:18

Naibaly sa thai naira angym nai Areng my leu pei nai nichi teng y thui pi ai nai ly: “Neampachychi awi, nangchi ly taham si na a! Khumi takhrachi ai deaung kamta man vui pajau ai nai, khumi luteng i vui sa thai naira nga hai ai nai atam kakawp my sa yb nai kiukhenchi hawi, lu akawmra sambynchi py sa pi bo. Nangchi ly nangmychi i vui hawi ai nai kai i khumichi tlang tleaung y deira hawi hengra peang ai nai ngai u nai ne.

Ezekiela 13:4

Israela chengchi awi, nangchi i amochi ly phra seaungkhrang nai maryra i khivachi kamta ati sai py ny y.

Ezekiela 34:2

Mymy ly “Nang khumicho awi, Israela chengchi i beram typ nai keungchi ai thui tamawn ba. Nichi teng y sa thai naira angym nai kai, Areng i leu pei nai thui pi ai nai ly nangchi Israela chengchi i beram typ nai keungchi awi, nangchi ly taham si. Nangchi ly nangmychi ai apacho apanei teu i py, beramchi ai ly kry u y.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

ZEKHARIAH 11:15

Areng my kai teng y, “Nang ly vai tlenrei beram typ nai keung kamta so bi rai; vai i ly hawi y nai beram typ keung kamta ne.

LUKA 11:40

Vang y naichi awi, salo mang sa nai keung my ly theung mang y so y a?

LUKA 11:52

Nangchi Reita pany nai keungchi awi, nangchi ly taham si! Cheng naira saw ly nangchi my la vui iy, nangmychi py kun y pasi lawh i, kun ai naichi ai py kam veng lawh,” napi.

I KORINTH 9:16

Satang Kahawi thui pi i py kapalo naira ha py by y; kai i tlang tleaung y aly aeang nai amtei bo; Satang Kahawi kathui pi y baly kai ly sum ryp bo.

I TIMOTHEI 6:4

ni ly am-e i, ati sai py pany y; huni tleaung y ly aei nai hawi leu aly y naira y ly pathu nai kamta ne;

II TIMOTHEI 3:9

na i py nichi ly huni tleaung y katlen y ai, ati mana nai mo nabaly nini i pathu nai sai amteng nai kamta, nichi i pathu nai sai ly khumi bawibawichi teng y amteng lawh makho ai.