Ezekiela 13:2 - Khumi Common Language Bible

² Mymy ly “Nang khumicho awi, Israela chengchi i amochi ai thui tamawn ba; leu pei naichi ai mymychi naimy phym iy thui naichi teng y, Areng i leu pei nai tangai ai nai thui pi,” napi.

Ezekiela 13:2 ပူးပေါင်းရင်းမြစ်များ

1 ARENG KEH 22:19

Mikha my Ahab teng y thui pi bi nai ly “Vai ly Areng i leu pei nai tangai ba! Areng ly kani pri mang y awm nai mymy i atehra tleaung y ateh nai ai py, mymy i sahawi y kani pri amtaw thau naichi angdo nai ai py kaniu bo.

ISAIA 1:10

Aw Jerusalem mary, nang ai peang nai samrangchi hawi nang i mary khumichi ly Sodom mary hawi Komora mary i khumichi hawi atawm. Nang ai Areng my leu pei nai tangai ba. Achi i Tameuh my parip nai tangai ba.

ISAIA 28:14

Vai, Jerusalem mary y hini khumichi ai peang nai, nangchi amlyh am-e nai khumichi awi, Areng my leu pei nai tangai u.

ISAIA 9:15

Lu, napi nai ly saneng kanaing len iy tahm awm nai khumichi ne; kalawi, napi nai ly ka-chawi thui reng nai amochi ne.

JEREMIA 23:2

Mymy i khumichi ai kry ai tla nai samrang kangsochi teng y, Israela chengchi i Areng my, “Nangchi ly kai i khumichi ai khen y; kai i khumichi ai patheu iy ahei hai bo. Huna nai nangchi i hawi y sa nai molam y, nangchi ai pajeng ai.

JEREMIA 27:14

Babulon samrang i miseaung y awm y ai nai, nang ai ang thui pi nai amochi i leu tangai moh. Nichi ly nang ai ang tapawp nai leu thui nai teu.

JEREMIA 27:18

Huni khumichi ly amo tatangchi ne iy, kai i leu nga nai keungchi ne lawh teu baly, Jerusalem mary Achura yhm hawi samrang yhmchira i awm asai rai nai yhmtheaung katuichi ai Babulon pri mang y tawn vui y ai nai, ati cheaungkhang sa thai nai keung kai, Areng teng y takeng u na sy,”

JEREMIA 37:19

Babulon samrang ly nang ai py, hini pri ai py tiu ai ny y, nanai ang thui pi nai keung nang i amochi ly ma mang y awm u pawn mo?

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

TANGAM NAI LEU 4:13

Na i py huna nai tiu naimy kun nai ly tym chum veng bo. Ati mana nai mo na baly mary i amochi hawi pathyp pi nai keungchi ly kamngo sa tamang u iy, kamngo by y naichi dei u nai deaungkho y ne.

Ezekiela 13:1

Areng i leu ly kai teng y tym.

Ezekiela 13:17

Areng my, “Nang khumicho awi, nang i chengchi theung y leu pei naichi ai phym amang iy thui u nai neampachychi ai khen cham; nichi ai thui tamawn ba.

Ezekiela 13:3

Sa thai naira awm nai Areng my, “Hini amo ka-khumchi ly taham si! Nichi ly kai i phailo my pany hai nai ngo y naimy, mymychi paseng amang iy thui u bo.

Ezekiela 16:35

Nang bima Jerusalem mary awi! Areng my leu pei nai tangai.

Ezekiela 22:25

Nichi i lu sa naichi theung y amkawm paviu naichi awm. Nichi ly amso mawichi ai kei nai bo y hang nai khrangsichi hawi atawm. Nichi ly khumichi ai padei iy nga thai nai ngierei tangka hawi vawnsaichi la u nai ne. Huna nai padei nai deaungkho y neampachy neangneangchi ai lumai lawm hai bo.

Ezekiela 22:28

Amochi ly lengseaung apaira y theung kangleung pajui nai khumichi kamta, huni kamngochi apha hai u bo. Nichi ly paleung mei y niu naira teng y naichi ai niu iy teng y nai leuchi thui pi pateang bo. Nichi my mymychi ly sa thai naira angym nai Areng i leu kathui u nai ne, na u teu i py, huni leuchi ly khumichi teng y kathui pi vai y.

Ezekiela 34:7

“Nangchi beram typ nai keungchi awi, vai kai, Areng i leu pei nai tangai u.

Ezekiela 34:9

Hunai deaungkho y nangchi beram typ nai keungchi awi, kai i leu tangai u.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 3:6

“Amochi awi, nangchi i vui neng kani ly dym en bo, kani ly dym ai bo. Nangchi ly atiti amteng hai naichi niu ai ny y leang bo. Mo mang i satang thui thai nai sa thai naira awm ai ny y,” napi.

ZEPHANIAH 3:4

Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.