Ezekiela 13:10 - Khumi Common Language Bible

¹⁰ “Amochi ly cheaungkhangra y hawi angym bo, nanai thui iy kai i khumichi ai tapawp u bo. Ati cheaungkhangra y hawi angymbe y leang! Kai i khumichi ly angkadeng pajui y nai lengseaung mary apaichi sa i, amochi ly jeu iy theung kangleung pajui u bo.

Ezekiela 13:10 ပူးပေါင်းရင်းမြစ်များ

2 ARENG KEH 21:9

Na i py Juda khumichi ly Areng i leu tangai u y; mymy i khumichi ai, kanan pri y Israela chengchi kun u nai thym khala, Areng my patheu pawn nai khumichi tleaung y py, hawi y keh nai kamngo sa hai ai nai Manase ly lam patei nai ne.

2 NENG SATANG 18:12

Huni thym khala Mikaia ai palau nai samrang yhm i miteaung keh my Mikaia teng y, “Amo bawibawichi my samrang ly eaung ai, nanai thui u bo. Nang py hunai kamta thui teang ba,” napi.

LEU KACHENG 12:26

Khumi kahawi ly mymy i ahawi ka-dawi ai lam patei pi reng; na i py khumi hawi y nai ly ahawi ka-dawi ai lam tamang hai reng nai ne.

ISAIA 30:10

Amochi ai py awm u pypy ai nai thui pi u bo. Nichi my, “Kaichi teng y leu kateng thui pi u moh. Kaichi thai ai ngai nai leu thui pi u. Kaichi ai kaimychi i tamang nai ka-dawnchi hawimy awm hai jo teu sy.

ISAIA 57:21

Khumi hawi y naichi ly tlamsa naimy awm ai ny y, nanai kai i Areng my leu pei bo.

JEREMIA 14:13

Huna nai khala y kaimy, “Aw Areng, hini pri y tavai takai hawi takang theu nai ka-jeira tym ai ny y; tlamsa naira naini awm ai, nanai amochi my thui nai ly nangmy pany nai ne,” napi.

JEREMIA 23:17

Nichi ly kai i leu tangai ai nai akhi nai khumichi teng y, ‘Nangchi i vui atitichira y amsym ai, nanai,’ thui u jojo. Paleung tang naichi teng y py, ‘Nangchi i tlang tleaung y mana mo khala py, ka-jeira tym hai ai ny y,’ nanai thui u nai ne,” napi.

JEREMIA 23:32

Kai, Areng my leu pei naichi tangai u! Ka-chawi cheichei abawi nai mychi i amang satang thui nai amochi ai kai ly ka-awi sa ai. Nichi ly huni amangchi ai ka-chawi naimy amlyh iy thui nai deaungkho y, kai i khumichi ai lam tamang hai u nai ne. Kai ly nichi ai kapato y, chei ai nai py leu pei y. Hunai deaungkho y nichi ly khumichi i vui y, ati sai py hawi naira by y. Hini ly kai, Areng i thui nai leu ne,” napi.

JEREMIA 28:9

Na i py tlamsa naira awm ai, nanai thui akan yb nai amochi ly ni i leu thui nai tym khyp khala naini, ni ly Areng my pato angchi khyp nai amo ne, nanai palawn pajau ai,” napi.

JEREMIA 4:10

Huna nai khala kai ly “Aw Areng, nang ly Jerusalem mary i khumichi ai li-tapawp vui lawh ly! Tlamsa naira nga ai, nanai nangmy leu pei i py, vai ly nichi i kaneaung y haisau padawi lawh bo,” napi.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 50:6

“Kai i khumichi ly mawichira y beram typ keungchi my lam tama hai nai beramchi hawi atawm nai ne. Nichi ly mawichira y lyn kalau, ang vum kathiu naimy mychi i beram hai ai tami vui nai beramchi kamta, amki u bo.

JEREMIA 6:14

Nichi ly kai i khumichi i tamo kalemchi ai, tahm pateng pi y naimy hawi sa pi. ‘Ati mo ra py amsym y pui naimy, amsyn teu,’ napi u bo.

JEREMIA 8:11

Nichi ly kai i khumichi i tamo kalemchi ai tahm pateng pi y naimy hawi sa pi. ‘Cheaungkhangra y amsym y nai neng khala, cheaungkhangra amsyn bo’, nanai thui u bo.

JEREMIA 8:15

Achi ly tlamsa ai nai athang khai u teu i py, atyhtyh teu bo; noso aho ai nai athang khai u teu i py, ka-jeira naini nga u lawh nai ne.

Ezekiela 13:16

Jerusalem mary ly cheaungkhangra y hawi angym nai by y pui naimy, paleung mei y hawi angym naira niu bo, nanai thui u nai amochi ly mary apaichi kamta taphra u veng bo,” nanai nangchi teng y kang thui pi ai! Hini ly sa thai naira angym nai kai Areng i thui nai leu ne.

Ezekiela 22:28

Amochi ly lengseaung apaira y theung kangleung pajui nai khumichi kamta, huni kamngochi apha hai u bo. Nichi ly paleung mei y niu naira teng y naichi ai niu iy teng y nai leuchi thui pi pateang bo. Nichi my mymychi ly sa thai naira angym nai Areng i leu kathui u nai ne, na u teu i py, huni leuchi ly khumichi teng y kathui pi vai y.

Ezekiela 7:25

Nangchi jei hyn ai nai neng ly tym bo. Nangchi ly tlamsa naira hau i py avum u ai ny y.

HOSEA 9:7

Nichi i tlang tleaung y kamngo pajeng ai nai neng ly tym bo. Huni neng tym nai khala y Israela khumichi my pany u ai! Nangchi my, “Hini amo ly kamthu. Phailo nga nai khumi ly khumi ka-khum ne,” nanai thui u bo. Nangchi ly khri pa-rei kamngo sa u nai deaungkho y, kai ai pipi niu ngai u y bo.

MIKHA 2:11

“Nangchi theung y kreip hang hawi rah neangneang awm ai, nanai li-tapawp reng nai amochi ai, hini khumichi ly ngai u nai ne.

MALAKHI 3:15

Kaichi niu nai kamta paleung len amlyh nai khumichi ly taham hawi naichi ne. Khumi hawi y naichi ly nang chawn u bo. Huni khyh chang y rai; nichi ly Tameuh i neaung hawi nai sai ai cham u teu i py, ati patang naira py avum u y’, nanai thui u,” napi.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.

I TIMOTHEI 4:1

Na i py vai momang y ly phyrei khumichi ly ka-chawi thui naichi i tapawp naira deaungkho y tamang hai nai phailochi hawi,

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

I JOHAN 2:26

Nangchi ai ang tapawp ai tau nai keungchi i satang ly nangchi teng y katajiu nai ne.

AMTENG HAI NAI 2:20

Na i py kai ly sai sairei nang i tlang tleaung y thui ai nai awm: nang ly huni neampachy Jezebeli, amo angam nai ai ly ngai lawh nai ne; ni ly kai i miseaungchi ai angai ai nai hawi, myn y chiu nai apathyp nai mawi cha ai nai py ang patiu iy tapawp reng.