Ezekiela 12:16 - Khumi Common Language Bible

¹⁶ Nichi theung i khumi maidenreichi ai ly tavai takai y, tahum takang y hawi no kanghawichira i nai kapaheng ai. Huna khala y naini khumi cheng cheaungkhangchi theung y tym nai khumichi ly mymychi i sa nai leaungsaichi ly amso ngai hawi nai ne, nanai pany u vau iy, kai ly Areng ne, nanai py pany u ai”, napi.

Ezekiela 12:16 ပူးပေါင်းရင်းမြစ်များ

ATITI AWM ANGCHEI NAI 13:16

Naibaly nang i kangpreangchi ly khaileaung spryh kamta peung ai i, spryh ai kati pajau y nai kamta, nang i kangpreangchi ai ami py kati pajau ai ny y!

SAM 59:12

Nichi i labeaung, nichi i katheu nai leu ngierei molam y, kamngo sa u teang bo; nichi ly mychi i paleung len maimy patlai teang sy! nichi ly pasawi iy ka-chawi leu katheu u reng nai deaungkho y,

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 10:19

Dengkeaung keungchi maidenreichy awm ai khyh bo i, hunichi ai deaungdi my malawn py kati be pajau ai.

ISAIA 10:22

Vai i neng y Israela chengchi ly pangli spryh jirei vi nawi teu i py, phyreichi naini mymy teng y vawi u ali teang ai. Tameuh ly nichi ai tamyh ai nai paran yb nai ne. Nichi py huna nai tamyh ai nai ataing khyp bo.

ISAIA 24:13

Khaileaung pri verei i pri ngiereichira y, hina nai kamta tym ai. Hina nai kamta tym nai neng ly olive keung awm nai ngiereichi ra i athaichi pakhau pawn iy, kreip athai kamthumchi py, kreip angjynchira i jaw pajau nai neng, amti amjangchi pakym pajau nai neng hawi atawm ai.

ISAIA 6:13

Huni pri y khumi chungphy horei vi awm ai khyh na lawh teu i py, huni khumichi ly myh kang u ai nai ne. Huni khumichi ly paliu vui nai ngopraibiu keungchi i miukhiuchi hawi atawm ai,” napi. (Dengkeaung miukhiuchi ly Tameuh i khumichi deung kangtha amteaung nai sai pany hai nai ne.)

JEREMIA 30:11

Kai ly nangchi ai atleu ai nai kang jeu ai. Kaimy nangchi ai ahei hai nai prichi ai ly kaimy taphra ai. Na i py nangchi ai ly kang taphra ai ny y. Kai ly nangchi ai pajeng y naimy khai ai ny y; na i py pajeng nai khala ly hawi khypchy my kang pajeng ai. Hini ly kai, Areng i thui nai leu ne,” napi.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

Ezekiela 12:15

“Kai ly nichi ai pri tleirei hawi khumi cheng cheaungkhangchi theung y ahei hai nai khala, nichi my kai ly Areng ne, nanai pany u ai.

Ezekiela 12:17

Areng i leu ly kai teng y tym.

Ezekiela 14:21

Sa thai naira angym nai Areng my leu pei nai ly “Kai ly khumi hawi tawnbawichi tamyh ai nai tavai takai, tahum takang, mawi kasichi hawi no kanghawi napi nai, hawi y keh nai pajeng naira amjy palyhrei, Jerusalem mary y tym hai ai.

Ezekiela 36:20

Nichi i tym naira tleirei y khumichi my, ‘Hini khumichi ly Areng i khumichi ne; na i py mymy i pri i nai theu u ai nai tla,’ nanai thui u nai deaungkho y, kai i amyn kachai ly tahm by y na bo.

Ezekiela 36:31

Nangchi ly nangmychi i chai y nai sa nai saichi hawi, sa tamang naichi pany u ali teang ai. Nangmychi i kamngochi hawi, hawi y nairachi molam y nangmychi ai apaso u ai.

Ezekiela 7:15

Lamchira y atiu naichi awm; yhmchira y no naira hawi kajeu alam naichi py awm. Daichi avang y awm nai khumichi ly haisau tamo y dei u iy, mary theung y awm nai khumichi ly no kanghawi hawi, tahum takang y dei u ai.

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

MATTHAI 7:14

Heng naira y tym ai nai lam ly amchei i, katheu pa-kho py amchei teang, naibaly niu naichi ly maiden chy khyh.

ROM AVANGCHI TENG Y PAWLA I CHA PA NAI 9:27

Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.