Ezekiela 11:5 - Khumi Common Language Bible

⁵ Areng i phailo ly kai i tlang tleaung y ang tym. Areng my, “Aw Israela chengchi awi, nangchi katheu u nai leuchi hawi nangchi i dawn naichi kai pany.

Ezekiela 11:5 ပူးပေါင်းရင်းမြစ်များ

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

SAM 50:21

Nang ly hini leaungsaichi sa teu i py, kai ly kang thui y leang; Hunai deaungkho y kai ai nang hawi atawm, nanai dawn u bo. Na i py vai, kai ly nang ai kang thui kang parip ai. Nang i kamngo ai paleung theung y khai y naimy kang pany hai ai.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

ISAIA 28:15

Nangchi ly dei areng hawi amsawi amnai asa chum bo, nanai py, tavau pri hawi ka-ly nga bo, nanai py, amlyh u reng. Nangchi ly li-tapawp nairachi ai a-ym naimy chymme naira hau nai deaungkho y, ka-jeira tym nai khala py tlang hengra nga ai, nanai ym u cheng nai ne.

ISAIA 58:1

Areng my, “Baw katyn pajeng thai ryrei eng nai kamta aeu! Kai i khumichi teng y mychi i kamngo nai sai thui pi!

JEREMIA 11:20

Huna nai khala kai ly “Ati cheaungkhang sa thai keung Areng awi, “Nang ly leu meitang naimy tara chih reng nai keung ne. Khumichi i sa ai tau nai hawi paleung ka-dawnchi ai py, chih reng nai keung ne. Kai ly kaimy i sa naichi ai nang i kiu y kang-au bo. Hunai deaungkho y nichi ai nangmy vawitheung tha nai ly kai ai patei kyh ba,” nanai chiu kasa bo.

JEREMIA 16:17

Nichi i sa nai kalopchi ai kai niu; kai niu pajau y nai ati sai py by y. Nichi i kamngo sa naichi ly kai i mei ka-niu y aheu thai y.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

Ezekiela 2:2

Huni leu raawi thai nai thym khala y my Tameuh i phailo ly kai teng y kun iy, kai ai sabawm nai angdo hai bo. Naibaly raawi theu bi i,

Ezekiela 2:7

Nichi tangai i py ne sy, tangai y i py ne sy, kai i leu pei nai ngiereichi thui pi ai nai tla. Nichi ly atiu ham, nanai pany jo ba.

Ezekiela 20:32

Nangchi ly pri takhrachi kamta py, pri takhra y awm u nai khumichi kamta py, dengkeaung keungchi, lengseaungchi ai chiu u ai, nanai dawn tau u bo. Na i py huni katau ly amcheang ai ny y.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

Ezekiela 29:3

Sa thai naira angym nai Areng my ati mana leu pei mo, nanai Aikupta samrang Pharao teng y amti pi ai nai ly: tavo theung i atho len parai nai satam pui awi, kai ly nang i paleung ka-e ne. Naing tavo ai ly nangmy peang, huni tavo ai nangmy palum nai ne, nanai nang ly thui bo.

Ezekiela 3:11

Naibaly pri palara avum nai nang i chengchi teng y chei ba. Nichi ly nang i leu ai tahm khai i py ne sy, tahm khai y i py ne sy, kai, sa thai naira angym nai Areng my leu pei nai thui pi,” napi.

Ezekiela 3:24

Na i py Tameuh i phailo ly kai i taku theung y kun i, kai ai angdo hai bo. Areng my, “Nang ly nangmy i yhm y vawi iy yhm y aeung ba.

Ezekiela 3:27

Naibaly nang ai kaimy thui hai ali teang ai ngai nai khala y, nang ai leu katheu teang ai nai kang pei ai. Huna nai khala nang ly nichi teng y kai i sa thai naira angym nai Areng my hina nai ang thui pi, nanai amti pi ai nai tla ai. Phyrei khumichi ly nang i leu tangai iy, phyrei khumichi ly tangai y naimy awm u ai. Ati mana nai mo na baly nichi ly tiusi nai khumi cheng ne nai deaungkho y ne.

Ezekiela 8:1

Kaichi pri palara avum nai tariu saneng, tariu lo, pa-ngo kani y Juda cheng luchi ly kai i yhm y ateh u iy, kai hawi leu arum nai thym khala y sa thai naira awm nai Areng i sa thai naira ly vaimy kai i tlang tleaung y tym bo.

MARKA 2:8

Naibaly Isu ly nichi paleung y hunai kamta dawn u pasym, nanai mymy i paleung y pany praw i nichi teng y, “Hunichi ly ati mana nai nangchi i paleung y dawn u pasym lawh mo?

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

AMTAW 10:44

Naibaly Petera my huni leu thui nai thym khyp khala y, leu thai nai bawibawichi i tlang tleaung y ly Phailo Kachai tym ryp bo.

AMTAW 11:15

Naibaly kai ly leu thui amteaung khala y Phailo Kachai ly achi i tlang tleaung y ang tym angchei nai khala i kamta ly, mymychi i tlang tleaung y py tym bo.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

JAKOB 3:6

Naibaly palai ly mai ne; achi i tlang kangpreichi theung y hawi y reng naira ly palai ne:huni ly tlang bomrei chai hai y i, khaileaung pri ai kang hai, naibaly ngari angawm ly palai ai kang hai teang.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

1 SAMUELA 10:10

Sawla hawi miseaung ly Kibeah mary y tym hawi nai khala, amo kamkawm phyreichi my, nini ai lamchung bo. Tlenrei khyhmy Tameuh i phailo ly Sawla teng y tym nai deaungkho y, ni ly amochi hawi vanrei lam naimy aeu bo.

1 SAMUELA 10:6

Huna nai khala Areng i phailo ly nang teng y ang tym ai i nang ly nichi hawi vanrei lam naimy aeu iy, takhra vui nai khumi lawm ai.