Ezekiela 11:22 - Khumi Common Language Bible

²² Heng nai amjychi ly akheang u amteaung nai khala amlira kheuchi py abawi rau nai ne. Israela chengchi i Tameuh i nang parai nai kangvang ly nichi i tlang tleaung y tym bo.

Ezekiela 11:22 ပူးပေါင်းရင်းမြစ်များ

Ezekiela 1:28

Huna nai ang teaung nanai kangvang sangso ly khupanymra y tla reng nai seaungjai hawi atawm. Hini ly Areng i nang parai nai ai amteng hai nai kangvang sangso ne. Kai ly hina nai niu nai khala khaileaung y angbeu naimy atlym vui bo. Hunaibaly raawi harei my,

Ezekiela 10:19

Nichi ly mymychi i pakhichi kadai iy kai i mei ka-niu y my, khaileaung i nai salo mang y akheang kalau. Huna nai khala amlira kheuchi py abawi rau. Heng nai amjychi ly Achura yhm nisi mang i katheu pa-khora y anawn u bo. Israela chengchi i Tameuh i nang parai nai kangvang py nichi i tlang tleaung y awm nai ne.

Ezekiela 10:4

Areng i nang parai nai kangvang ly huni heng nai amjychi salo y angteang kalau iy, Achura yhm y kun nai pa-kho mang y asyh vui bo. Naibaly Achura yhm ly khupanym my kawi na i, apai ly Areng i nang parai naira hawi angvang phang nai ne.

Ezekiela 43:2

hu y ly Israela chengchi i Tameuh i kangvang nang parai nai ly nisi mang dengdairei theu nai kaniu. Tameuh i raawi ly pangli tui kamsau katyn hawi atawm. Khaileaung pri py mymy i nang parai nai hawimy angvang na bo.

Ezekiela 9:3

Huna nai khala y Israela chengchi my chiu nai Tameuh i nang parai nai kangvang ly mymy i awm nai kherubenchi mang my angteang kalau iy, Achura yhm y kun nai pa-kho mang y asyh vui bo. Areng ly kanih mai ka-syn amthyp iy cha tajiura syn nai khumi ai palau i,