Ezekiela 11:21 - Khumi Common Language Bible

²¹ Na i py kai ly amso ngai hawi nai mynchi mang y paleung apei naichi ai ly kapajeng ai,” napi. Hini ly sa thai naira angym nai Areng i leu pei nai ne.

Ezekiela 11:21 ပူးပေါင်းရင်းမြစ်များ

Ezekiela 9:10

Na i py kai ly nichi ai kapahen ai ny y, kangheng patleaung ai ny y. Huni khumichi my khumi takhra ai sa nai kamta nichi ai kaimy kasa ai,” napi.

Parip nai leu 11:9

Nangchi thawndeang deaungdichi awi, hawi thym khala amo theu naimy awm u; saneng theang nai thym khala amo theu nai awm u; sa ai ngai naichi sa naimy, amy i paleung kangai su u. Na i py Tameuh ly nangchi i sa nai saichi molam y, nangchi i tlang tleaung y tara ang chih ai, nanai pany u jo ba.

Ezekiela 22:31

Hunai deaungkho y kai ly kado theu naira tym hai iy nichi i tlang tleaung y kado katheu mai kangveaung kamta tym hai ai. Nichi i sa nai saichi molam y nichi i lu tleaung y tym hai ai,” napi. Hini ly sa thai naira angym nai Areng i pei nai leu ne.

Ezekiela 11:18

Nichi ly tym u ali teang nai khala, mymychi i avum nai ngiereichi, amso ngai hawi nai mynchi khai u su ai.

JEREMIA 1:16

Hina nai kamta kai ly kamngo sa tamang nai khumichi, kai ai khai su nai khumichi, tameuh takhrachi teng y mui katuichi leng patlum nai khumichi hawi, mychi i sa nai mynchi ai chiu nai khumichi ai ly kapajeng ai.

JUDA 1:19

Hunichi ly akhawi hai takhra naichi ne, tlang mang y asa nai, Phailo by y naichi ne.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”

Ezekiela 20:38

Nangchi theung i tiu nai khumichi hawi kamngo awm nai khumichi ai nawi su ai. Nichi ai mymychi vai awm nai pri i nai theu hai pawn ai. Na i py Israela pri y vawi ali teang ai nai pei ai ny y. Huna nai khala kai ly Areng ne, nanai nangchi pany u ai,” napi.

Ezekiela 20:31

Nangchi ly vaini khrairei nichi i talam nai kapathyprachi talam naimy, mynchi teng y mymychi i cho chanauchi ai leang patlum nai kapathypra talam iy, amymy ai chai hai y bo. Nangchi Israela chengchi awi, nangchi ly kai teng y jeu iy kai i kangai deng u bo. Kai ly heng nai Areng Tameuh ne nai deaungkho y, mana mo i py nangchi ai leu deng ai nai kang pei y.

Ezekiela 16:43

Nang ly nangmy deaungdi khala i satang ai tami veng iy, hawi y naira cheaungkhangchi sa nai ly kai ai kado theu hai nai ne. Huna nai y huni leaungsaichi molam y, kai ly nang ai kang pajeng ai. Nang ly hawi y nairachi sa nai bo y, takhra amso ngai hawi naichi ai ati mana nai sa panawi bi lawh mo?,” napi. Hini ly sa thai naira angym nai Areng i thui nai leu ne.

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

JEREMIA 2:20

Ati cheaungkhang sa thai nai Areng my, “Aw Israela, nang ly jangni i ka-so kai i sa thai naira ai khai su iy, nang ly kai i leu tangai y, kai ai py chiu y. Mawi ka-sang tleirei y py, apu parai nai dengkeaung tleirei anui y py, bima kamta sa u lawh bo.

JEREMIA 16:11

Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

Ezekiela 7:4

Kai ly nang ai kangheng kang patleaung ai ny y. Mana mo i py kang pahen ai ny y. Nangmy i sa nai amso ngai nairachi molam y kai ly nang ai kang pajeng ai. Huna khala naini kai ly Areng ne, nanai nang pany ai,” napi.

Ezekiela 20:16

Huna nai vaineng ka-beu nai ly nichi ly mymychi i myn chiu ai nai ngai u keh i, kai i leu pei naichi khai su iy kai i Reita ai py taphra; Anawn kani ai py tahm khai u y nai deaungkho y ne.

Ezekiela 7:3

Aw Israela pri awi, nang i phra ai nai neng tym bo. Nang i sa naichi molam y kai ly nang ai tara kang chih bo i, nang ly kai i kado theu naira avum ai. Nangmy i sa nai amso ngai naichi vawilai ly nang ai vawitheung kang tha ai.

Ezekiela 7:8

“Kra y naimy nang ly kai i khri pa-rei kado theu nai kawi angym na pa-rei nang i tlang tleaung y kang leih ai. Kai ly nangmy i sa naichi molam y nang ai tara chih ai. Nangmy i sa nai amso ngai naichi vawilai ly nang ai vawitheung kang tha ai.

Ezekiela 14:3

Mymy ly “Nang khumicho awi, hini khumichi ly mynchira y paleung apei u nai y, huni mynchi my nichi ai tamang hai bo. Nichi ly kai teng i leu pathang nai nga u ai nai athang khai u a?