Ezekiela 11:13 - Khumi Common Language Bible

¹³ Kai ly huni leu pei naichi thui pi nai thym khala y, Benaiah i chapo Pelatiah ly atlym i dei bo. Huna nai khala kai ly khaileaung y tabiu naimy ambeu vui iy, “Aw sa thai naira angym nai Areng! Nang ly awm rai nai Israela cheng ngiereichi ai tamyh pawn ai bo a?,” nanai aeu naimy thui pi nai ne.

Ezekiela 11:13 ပူးပေါင်းရင်းမြစ်များ

1 ARENG KEH 13:4

Samrang Jeroboam ly huni leu thai nai khala, amo ai kiu takhi iy, “Huni khumi ai patiu u!” nanai leu pei bo. Naibaly ni i kiuban ly vaimy dei vui i, pakhym ali teang thai y bo.

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

SAM 119:120

Nang ai jei nai deaungkho y kai ly khuma phau na bo; nang i tara chih nai saichi molam y kai ly jei na bo.

LEU KACHENG 6:15

Hunai deaungkho y khri pa-rei ka-jeira ly pany pacha y naimy tym i, nichi ly phra u ai.

Ezekiela 11:1

Tameuh i phailo ly kai ai ang kateang kalau iy Achura yhm nisi katheu pa-kho mang y ang hawi jo. Katheu pa-kho sahawi y pri i luchi napi nai Azura i chapo Jaazaniah hawi Benaiah i chapo Pelatiah nini abawi rau nai khumi leaung apom phai pangreichi ai kaniu bo.

Ezekiela 11:14

Areng i leu ly kai teng y ang tym.

Ezekiela 20:17

“Na i py kai ly nichi ai pahen i, daichi ka-vym y tama hai ai nai kaso y.

Ezekiela 37:7

Hunai deaungkho y kai ly mymy i leu pei nai kamta thui bo. Huna nai thui nai thym khala, tyn rumsum nai katyn thai nai ne. Naibaly hiuchi ly ha harei hawi amtawn u amteaung nai ne.

Ezekiela 7:2

Mymy ly “Nang khumi cho awi, Israela pri mipuichi teng y kai, Areng my leu pei nai ly pri verei phra ai nai neng tym bo!

Ezekiela 9:8

Huna nai nichi my tleh u nai thym khala kai ly kaimy tlairei kaawm jo nai ne. Kai ly khaileaung y tabiu iy ambeu naimy, “Aw sa thai naira awm nai Areng, nang ly Israela pri y awm rai nai khumi ngiereichi ai padei hai ai nai pa-rei, Jerusalem mary y kado theu hai na bo a?,” nanai aeu naimy katakeng bo.

HOSEA 6:5

Naibaly kai ly amochi ai pato iy, nangchi ai tara chih ai nai satang hawi, taphra ai nai satang thui hai nai ne. Nangchi teng i kai aly ngai nai ly rai y.

AMOS 7:2

Huni akhutamachi ly pri verei i sai kangpho ngiereichi cha pawn nai kaniu. Naibaly kaimy, “Aw sa thai naira angym nai Areng, nang i khumichi i kamngo pahen pi kyh ba! Nichi ly mana heng ai mo? Nichi ly atho di parai na a!” kana pi.

AMOS 7:5

Naibaly kaimy, “Aw sa thai naira angym nai Areng, anawn rai! Hini pajeng naira ai khumichi ly mana kham pajau ai mo? Nichi ly mana heng ai mo? Nichi ly atho di parai na a!” kana pi.

AMTAW 13:11

Naibaly vai ly khen cham, nang i tlang tleaung y Areng i kiu ang tym nai bo he, nang ly mei paju ai i, kani kangvang niu y ai rai,” napi. Hunaibaly tamai hawi kaveng my mymy ai ly tabawm praw i, kiu y pahawi ai nai keung hau nai aleaung ryry.

AMTAW 5:10

Naibaly tlenrei khyh my ni ly mymy i kheu keung y atlym praw i dei teang bo, naibaly thawndeangchi ly kun iy dei nai niu i, angjeaung iy juvo i ahawi y up teang bo.

AMTAW 5:5

Naibaly Anania ly huni leu thai bo nabaly atlym i dei ryp; naibaly huni thai nai ngierei ly khrikhri pa-rei jei na.

Leu Thui Nai 7:4

ati mana nai mo na baly nangchi i chaniuchi ly Areng ai hi vui iy, tameuh takhrachi chiu ai nai, nichi my pahawi vui lawh na. Huna nai khala Areng ly kado theu iy, tlenrei khyhmy nangchi ai tamyh pawn ryp ai.