Ezekiela 11:12 - Khumi Common Language Bible

¹² Kai ly Areng ne, nanai py, saleaung deaungpa prichi i tara leu py patawm iy, kai i reitachi hawi leu pei naichi ai taphra nanai py, nangchi pany u ai,” nanai kai teng y leu pei bo.

Ezekiela 11:12 ပူးပေါင်းရင်းမြစ်များ

1 ARENG KEH 11:33

Kaimy hina nai kamta sa nai ly Solomon ly kai ai khai su iy cheng takhrachi i tameuh, Sidon tameuh nu Asetare, Moba khumichi i tameuh Khemosa hawi Ammon khumichi i tameuh Mole ai chiu vui lawh nai deaungkho y ne. Solomon ly kai i leu pei naichi akhi vui bo. Ni ly hawi y naichi sa iy kai i reitachi hawi leu pei naichi ai, ni i ampo Davida i leu tangai nai kamta tangai y lawh.

2 ARENG KEH 16:3

Israela samrangchi i sa nai kamta sa. Ni ly Israela chengchi my tavai tiu nai thym khala, Areng my patheu pi vui nai khumichi i amso ngai hawi nai reitachi kamta sa iy, amy i chapo ai malawn py leng patlum nai kapathypra palawn nai mynchi teng y talam bo.

2 ARENG KEH 18:12

Samari mary jum nai ly Israela chengchi mymychi i Areng Tameuh i leu tangai y naimy, mymy i sa nai leu maikawm ai taphra iy Areng i miseaung Mosi my pei nai Reitachi teaung patawn u y nai deaungkho y ne. Nichi ly leu tangai y, leu pei naichi py patawm u y.

2 ARENG KEH 21:2

Manase ly kanan pri y Israela chengchi kun nai thym khala, Areng my patheu nai khumichi i amso ngai nai reitachi teaung iy, Areng i tlang tleaung y kamngo sa nai ne.

2 ARENG KEH 21:22

My i amsi pajochi i Areng Tameuh ai khai su iy, Areng i leu pei naichi tangai y nai ne.

2 ARENG KEH 21:9

Na i py Juda khumichi ly Areng i leu tangai u y; mymy i khumichi ai, kanan pri y Israela chengchi kun u nai thym khala, Areng my patheu pawn nai khumichi tleaung y py, hawi y keh nai kamngo sa hai ai nai Manase ly lam patei nai ne.

2 NENG SATANG 13:9

Nangchi ly Aron i kangpreang pathyp pi nai keungchi hawi Levi theaungchi ai patheu pawn iy, nichi i meingtym y cheng takhra khumichi i reita teaung iy, khumi takhrachi ai pathyp pi nai keung y khai u lawh bo. Ami py ne sy, si katai amairei, ti y baly beram amai saryhrei syn baly, nangchi i chiu nai tameuhchi i pathyp pi nai keung nga pajau lawh nai ne.

2 NENG SATANG 28:3

Hinnom leaunghawira y mui katuichi leng patlum bo. Ni ly Israela chengchi tavai amsa u nai khala, Areng my patheu nai khumichi i, amso ngai hawi nai reitachi kamta sa iy, my i chapochi ai malawn py leng patlum nai kapathypra palawn nai, mynchi teng y talam.

2 NENG SATANG 36:14

Juda chengchi ai lu sa naichi, pathyp pi nai keungchi hawi mipuichi py, mymychi saleaung deaungpa khumichi i sa nai kamta mynchi chiu iy, mymy i kachai khai takhra nai Achura yhm y chai hai y bo.

EZARA 9:7

Amsi pajochi deung i dengdai vaini khrairei, nang i khumi kaichi ly khri pa-rei kamngo sa tamang u bo. Huni kamngochi molam y kaichi i samrangchi hawi pathyp pi nai keungchi ly cheng takhra samrangchi kiu tleaung y tym hai nai, acho akei tamo tym hai nai, lawm vui nai, langheng hawi nai, vai i kamta pipi tahm by y nai hinichi avum hai bo.

NEHEMIA 9:33

Kaichi i tlang tleaung y nangmy pajengra tym hai nai ly hawi khyp nai bo; kaichi ly kamngo sa tamang u teu i py, nang ly ka-ym awm nai ne.

NEHEMIA 9:34

Kaichi i amsi pajochi, samrangchi, lu sa naichi hawi pathyp pi nai keungchi ly nang i Reita leu pei nai ai patawm u y nai ne. Nichi ly nang i leu pei naichi, pany hai naichi tangai u y.

SAM 78:10

Nichi ly Tameuh hawi asa nai Leu Maikawm ai atyp u y; nang i reita leu pei naichi tangai akhi u bo.

JEREMIA 10:2

Mymy ly “Nangchi ly cheng takhrachi i reita lam y abang u moh. Kani khusangra niu nai ka-ma-rachi molam khumi cheng cheaungkhangchi ly angtheng u teu i py, nangchi ly angtheng u moh.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

Ezekiela 11:21

Na i py kai ly amso ngai hawi nai mynchi mang y paleung apei naichi ai ly kapajeng ai,” napi. Hini ly sa thai naira angym nai Areng i leu pei nai ne.

Ezekiela 18:8

Ni ly kamran nga ai nai tangka paseng y. Hawi y naichi ai amkyn iy ka-jo ka-thuira y py kahawi padyh padawi pi.

Ezekiela 18:9

Ni ly leu pei naichi tangai iy kai i Reita leu pei naichi py hawihai palai sa patawm. Huni khumi ly khumi kahawi ne nai deaungkho y heng ai, nanai sa thai naira angym nai Areng my leu pei nai ne.

Ezekiela 20:16

Huna nai vaineng ka-beu nai ly nichi ly mymychi i myn chiu ai nai ngai u keh i, kai i leu pei naichi khai su iy kai i Reita ai py taphra; Anawn kani ai py tahm khai u y nai deaungkho y ne.

Ezekiela 20:21

“Na i py huni khumi kangpreangchi py kai ai amtang u nai ne. Kai i leu pei nai tangai nai ngireichi ly heng u ai napi i py, nichi ly kai i Reita taphra iy kai i leu pei naichi py khai u su bo. Anawn kani py pipi tahm khai u y. Nichi ai daichi ka-vym y dei hai ai nai, kai ly kaimy i kado theu naira nichi i tlang tleaung y tym hai iy, pajeng naira avum hai ai, nanai kadawn bo.

Ezekiela 20:24

Huna nai kasa nai ly nichi kai i leu pei naichi khai su iy, kai i Reita py taphra; Anawn kani ai tahm khai y iy amsi pajochi chiu nai mynchi chiu lawh nai deaungkho y ne.

Ezekiela 5:6

Na i py huni Jerusalem mary i khumichi ly kai i leu pei naichi tangai y iy, cheng takhrachi tleaung y malawn py hawi y keh bo. Nichi ly tengpang sahawi prichira i khumichi tleaung y py, kai i reita ai akhi u bo. Jerusalem mary i khumichi ly kai i leu pei naichi khai su iy, kai i reita py patawm u y.

Ezekiela 8:10

Hunaibaly kai ly theung mang y kun iy khen bo. Apai dengpangra y pavuichi, takhra chai y nai tawnbawi mynchi hawi, Israela chengchi my chiu nai takhra mynchi kaniu.

Ezekiela 8:14

Hunaibaly kai ai Achura yhm tosyh ngan katheu mang y anghawi. Naibaly Tamuza tameuh dei nai molam y vo hai u nai neampachychi ai patei bo.

Ezekiela 8:16

Hunai deaungkho y mymy ly kai ai Achura yhm apai theung y anghawi. Achura yhm y kun nai pa-kho sahawi i maicham hawi dangkhung sala y khumi leaung apom phai pangrei awm. Nichi ly Achura yhm y nithun thun u iy nisi mang y mo tha naimy kani si nai ai chiu u nai ne.

DANIELA 9:10

Aw kaichi i Areng Tameuh, nang ly kaichi ai nangmy i miseaung amochi dengdairei pei nai reitachi kamta, tangai ai nai leu pei teu i py, kaichi ly tangai u y nai ne.

Levi 18:3

Nangchi awm vai nai Aikupta khumichi i sa reng nai saichi py, nangchi ai vai kaimy pahawi iy awm ai nai kanan pri khumichi i sa reng nai saichi py so u moh.

Levi 26:40

“Na i py nangchi i kangpreangchi ly nichi i kamngo hawi amsichi i kamngochi ahui u ai. Nichi i amsi pajochi ly kai ai ka-awi sa iy tiu u i,