Ezekiela 10:9 - Khumi Common Language Bible

^9-10 Huni heng nai amjychi sahawi y ka-ri amlira kheu awm akyhkyh nai ai py, kai ly kaniu bo. Huni amlira kheuchi ly vang kateng lengseaungchi kamta kangvang sadi na. Hunichi ly katheang kalen atawm riri iy amlira kheu tleirei y takhra amlira kheu harei my taki kataw, kah khangpa nai ne.

Ezekiela 10:9 ပူးပေါင်းရင်းမြစ်များ

1 ARENG KEH 7:30

Ka-ri hareira y kheupaja hawi sa nai amlira kheu palyhrei hawi, kheupaja kaleaungchi py tai; ka-ri i taki palyhrei ra y rahum khai ai nai i vui y, kheupaja tawira palyh awm. Huni tawirachi py seaunglawi mynchi thiu iy, ka-pu sa pi nai ne.

Ezekiela 10:8

Heng nai amjychi i pakhichi anui y khumi i kiu hawi atawm nai kiu harei awm akyhkyh nai py kaniu.

DANIELA 10:6

Ni i tlang ly lengseaung vang kateng kamta, angvang teaung na. Ni i meimai ly amlosadi kamta angvang na i, ni i meichi ly mai kamta sangso theu. Ni i kiu kheuchi ly kachi pyn nai kheupaja kamta angvang iy, ni i raawi ly khumi mipuichi i aeu nai katyn hawi atawm.

AMTENG HAI NAI 21:20

tariu i nai ly sardion lengseaung ne; saryh i nai ly kruso lengseaung ne; taja i nai ly birula lengseaung ne; takaw i nai ly topazi lengseaung ne; horei i nai ly krusopra lengseaung ne; holai harei i nai ly huakintho lengseaung ne; holai nyhrei i nai ly amethusto lengseaung ne.