Ezekiela 10:19 - Khumi Common Language Bible

¹⁹ Nichi ly mymychi i pakhichi kadai iy kai i mei ka-niu y my, khaileaung i nai salo mang y akheang kalau. Huna nai khala amlira kheuchi py abawi rau. Heng nai amjychi ly Achura yhm nisi mang i katheu pa-khora y anawn u bo. Israela chengchi i Tameuh i nang parai nai kangvang py nichi i tlang tleaung y awm nai ne.

Ezekiela 10:19 ပူးပေါင်းရင်းမြစ်များ

Ezekiela 10:1

Kai ly heng nai amjychi lu salo i takhuru nai amjy ai khen nai khala, nila lengseaung hawi sa nai areng atehra hawi atawm nai kaniu.

Ezekiela 11:1

Tameuh i phailo ly kai ai ang kateang kalau iy Achura yhm nisi katheu pa-kho mang y ang hawi jo. Katheu pa-kho sahawi y pri i luchi napi nai Azura i chapo Jaazaniah hawi Benaiah i chapo Pelatiah nini abawi rau nai khumi leaung apom phai pangreichi ai kaniu bo.

Ezekiela 43:1

Huni khumi ly kai ai nisi ngan mang y mo tha nai katheu pa-kho mang y hawi jo nai ne;

Ezekiela 43:2

hu y ly Israela chengchi i Tameuh i kangvang nang parai nai ly nisi mang dengdairei theu nai kaniu. Tameuh i raawi ly pangli tui kamsau katyn hawi atawm. Khaileaung pri py mymy i nang parai nai hawimy angvang na bo.

Ezekiela 43:4

Nang parai nai kangvang ly nisi katheu pa-kho dengdairei, Achura yhm theung mang y kun jo nai ne.

Ezekiela 8:16

Hunai deaungkho y mymy ly kai ai Achura yhm apai theung y anghawi. Achura yhm y kun nai pa-kho sahawi i maicham hawi dangkhung sala y khumi leaung apom phai pangrei awm. Nichi ly Achura yhm y nithun thun u iy nisi mang y mo tha naimy kani si nai ai chiu u nai ne.