EZARA 9:8 - Khumi Common Language Bible

⁸ Aw kaichi i Areng Tameuh, nang ly kaichi ai pahen nai deaungkho y, cheng takhrachi kiu i nai lawi hai iy, vai ly tahm asang parai nai kachai meingtym y, neng maidenreichy sala y phrumai by y pa-rei awm ai nai pei bo. Nang ly kaichi ai miseaungra i nai alaw hai iy khumi kangtha lawm ai nai pei bo.

EZARA 9:8 ပူးပေါင်းရင်းမြစ်များ

2 ARENG KEH 19:4

Asuria empara samrang ly tavailu areng keh ai pato iy, Tameuh kangheng ai thui tamawn nai leu thui hai bo. Nang i Areng Tameuh ly huni leu thai iy, huna nai thui nai khumichi ai kamngo pajeng na sy. Hunai deaungkho y dei kamthum khumichi i vui Tameuh teng y chiu so pi ba,” napi.

EZARA 9:9

Kaichi ly miseaung achei i py, nang ly kaichi ai miseaung ne i py khai su y leang. Nang ly Pasia empara i mo y kaichi ai meimai nga hai iy tlang heng ai nai hawi, phra seaungkhrang nai Achura yhm sa palum teang ai nai nga nai hawi, Juda pri Jerusalem mary y phrumai by y pa-rei awm ai nai pei nai ne.

NEHEMIA 1:11

Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

NEHEMIA 9:31

Na i py pahen naira len parai nai hawimy, nang ly nichi ai khai su y nai ne; Phra naira hawi tama naira y tym hai y. Nang ly tamen iy pahen naira hawi angym nai keung Tameuh ne na a!

JOBA 33:30

Mymy ly khumi i hengra ai atleu iy, ni ai amo theu naimy heng ai nai pei bo.

SAM 13:3

Aw kai i Areng Tameuh, kaimy kang palau nai khala, khen iy pathang pi ba. Kai ai atho angym hai aliteang kyh ba; kai ai dei hai moh kyh ba.

SAM 13:4

Kai i paleung ka-echi my, “Achi ly ni ai pajau bo,” nanai thui ai nai pei moh kyh ba. Nichi teng y kai i atlym nai molam y, amo theu ai nai pei moh kyh ba.

SAM 138:7

Kai ai patang nairachi my ang taki meuh nai neng khala malawn py, nang ly kai ai ama hai bo. Nang ly kai i paleung ka-echi kado theu nai paka iy, sa thai naira hawimy kai ai atleu bo.

SAM 34:5

Ana naira avum nai khumichi ly mymy ai angdeang iy amo theu bo. Nichi ly mana khala py, paleung phra u ai ny y.

SAM 85:6

Kaichi ai atho kangtha pei kyh ba; hunaibaly nang i khumi lawm nai kaichi ly nang ai kang palo u ai.

LEU KACHENG 29:13

Kamawncho hawi ni ai ana nai khumi nini ly atawm nai sai harei awm. Huni ly Areng my nini leaung nyhrei ai mei kangvang pei nai ne.

Parip nai leu 12:11

Khumi kachengchi i leu ly beramchi typ nai beram typ keung i cheaungvawi kamsui hawi atawm iy, nichi i pateung achu nai thui achi nai leuchi py, khaw parai pa-rei tahen typ nai sengmochi kamta khaw typ jo. Huni leuchi ly achi bawibawi i vui y leaungrei awm khyh nai beram typ keung kalen keh, napi nai Tameuh my ang pei nai ne.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

ISAIA 14:3

Areng ly Israela chengchi ai, mychi avum nai patang naira hawi ngari kamtangchira i nai py, kalop karam sa naichira i nai py, alawra pei ai.

ISAIA 56:5

kai teng i dengdairei cho chanauchi tleaung y hawi keh nai amtheaung naira nga u ai. Kai i Achura yhm y py, kai i khumichi theung y py, tami pajau y nai amyn nga ai. Khumichi ly nangchi ai mana khala py tami ai ny y,” napi.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 6:13

Huni pri y khumi chungphy horei vi awm ai khyh na lawh teu i py, huni khumichi ly myh kang u ai nai ne. Huni khumichi ly paliu vui nai ngopraibiu keungchi i miukhiuchi hawi atawm ai,” napi. (Dengkeaung miukhiuchi ly Tameuh i khumichi deung kangtha amteaung nai sai pany hai nai ne.)

JEREMIA 42:2

kai teng y, “Kaichi i takeng nai so pi kyh ba! Kaichi i Areng Tameuh teng y kaichi i vui chiu so pi kyh. Heng jo rai nai kaichi bawibawi i vui chiu so pi. Vaichi khala ly kaichi py vuikanai nawi parai. Na i py vai ly nang i niu nai kamta, kaichi ly maidenrei chy khyh bo.

JEREMIA 44:14

Aikupta pri y awm ai nai Juda pri i dengdairei theu u nai khumichi theung i ami py, huni ka-jeira i nai tleaung u ai ny y. Dei y nai ami py awm ai ny y. Nangmychi awm ali teang ai nai athang khai naimy kadeaung nai Juda pri y, nichi leaungrei py vawi u ali teang ai ny y. Ngari kamtang avum nai khumi phyrei ny y baly, ami py vawi ali teang ai ny y,” napi.

Ezekiela 14:22

Huni pajeng naira i law tleaung nai cho chanau awm iy nichi ly nangchi teng y ang tym u nai khala, nichi i amhi amtlau nai khen iy Jerusalem mary y kaimy pajeng nai ngiereichi py, teng nanai hawihai pany ai;

HOSEA 6:2

Achi ai kani nyh, kani thomrei sala y atho awm iy ham hai teang ai i, mymy i mei keung y awm hai ai.

HABAKKUK 3:2

AwAreng, nang i sa nai leaungsaichi kai thai bo i, kai ly jei hyn naimy lyh na bo. Nang i sa nai nang parai nai saichi ly kaichi i deung y py, so pi teang kyh ba. Nang kado theu nai neng khala y py, pahen pi kyh ba.

ZEPHANIAH 3:12

Paleung apanem, neaung hawi nai khumichi ai, huni meingtym y kaimy khai ai. Nichi ly kai teng y jeu iy, abyh u ai.

ZEKHARIAH 10:4

Kai i khumichi ai peang ai nai nichi theung i dengdairei samrangchi, lu sa naichi, tavailu areng napi nai khumichi amthawn ai.

ZEKHARIAH 8:12

Nichi ly mychi i amti amjangchi tlamsa naimy pati u ai. Nichi i kreip keungchi ly athaichi pasu ai. Khaileaung ly amti amjangchi thawn hai iy, kani my py khri pa-rei nai hai ai. Awm rai nai kai i khumichi teng y, hini amtheaung nairachi kapei pi ai.

ZEKHARIAH 8:6

“Hinichi ly vai, awm jo nai Juda chengchi i vui ne, nanai thui khyp pajau y teu i py kai, ati cheaungkhang sa thai nai Areng i vui ly avo pajau nai ne.

ROM AVANGCHI TENG Y PAWLA I CHA PA NAI 9:27

Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.

AMTENG HAI NAI 3:12

Pajau nai keung ai ly kai i Tameuh i achura yhm y ly yhmmawm kapalawn ai i, ni ly hu i dengdairei ly tlen py theu bi ai ny y; naibaly ni tleaung y kai i Tameuh amyn hawi, kai i Tameuh teng i nai satla kathiu nai Jerusalem kangtha i amyn hawi, kaimy i amyn kangtha py katajiu ai.

1 SAMUELA 14:27

Na i py Jonathan ly ampo i pasawi kheih nai ly thai y; huna nai y ni ly cheaungkau hawi khawiphi thun iy pajawp, khawi bym phyrei py cha. Naibaly ni ly vaimy khesere nai ne.

1 SAMUELA 14:29

Jonathan my, “Achi cheng theaungchi i vui y, ngaai i sa nai kalop ly pipi teng y nai ne; khawi hang maidenrei kacha nai y, mana tanrei khesere na mo, nanai khen u cham!