EZARA 9:4 - Khumi Common Language Bible

⁴ Dym mang apathyp ai nai neng tym i, khumichi ly kai teng y jeu u achu nai ryrei, kai ly paleung si nai hawimy huni meingtym y ateh jo rai; nichi ly pri palara i vawi ali teang nai khumichi i kamngo nai molam y, Israela chengchi i Tameuh my leu pei nai deaungkho y jei hyn nai khumichi ne.

EZARA 9:4 ပူးပေါင်းရင်းမြစ်များ

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

EZARA 10:3

Vai kaichi ly huni neampachychi hawi cho chanauchi ai khai su ai, nanai kaichi i Tameuh teng y vaineng adeu u ai. Tameuh i leu pei naichi tahm khai u nai, nang hawi takhra khumichi my tau pei nai kamta, kaichi kasa u ai. Kaichi ly Tameuh i Reita leu kamta sa khyp ai mang.

EZARA 10:9

Juda hawi Benjamin khu ka-peang theung y awm nai neampacho bawibawichi ly kani thomrei sala y my, takawrei lo kani apomrei kani y Jerusalem mary Achura yhm ly-um y jeu u achu bo. Huna nai khala y khri pa-rei kani taawi. Khumichi ly kani hawi y nai hawi aly len nai meeting molam y py kaso theu u nai ne.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

THEU NAI 29:39

Khawn mang y harei, dym mang y harei apathyp ai tla.

THEU NAI 29:41

Dym mang y pa-nyh i beram cho talam; khawn mang y talam nai tako dei, olive asitui, kreip hang neh nai jirei, dym mang py talam; Hini ly kai Areng ai kawn hai nai mui kahawi katalamra ne.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

ISAIA 66:5

Mymy ai jei kaji naimy leu tangai nai khumichi awi, nangchi ly Areng i leu pei nai tangai u. Nangchi ly kai i tlang tleaung y ka-ym awm u nai deaungkho y, nangchi i cheng phyreichi ly nangchi ai niu ngai y iy ang paleang u parutu nai ne. Nichi ly nangchi ai panui hai iy, “Kaichi ly nangchi amo theu nai kaniu u ai nai ngai. Hunai deaungkho y Areng ly sa thai naira nang parai nai patei iy atleu pi na sy,” napi u. Na i py huni khumichi ly kangji kangai nga u ai!

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

DANIELA 10:2

Naibaly kai, Daniela ly kani apom phai ha ryrei, paleung si vo tangam bo.

DANIELA 9:21

Kai ly huna nai kamta chiu sa nai thym khala y, vaichi khala amteng hai naira y niu nai Kabriela ly kai i awm naira y angkheang kathiu bo. Huni neng ly dym mang i apathyp nai neng ne.

Kati Nai 25:6

Mosi hawi Israela cheng bawibawichi ly Areng i awmra Tabynako katheu pa-khora y paleung si vo tangam nai thym khala, Israela neampacho leaungrei ly Mosi hawi mipuichi i mei ka-niu y my, Midian neampachy leaungrei ai mymy i tai theung y pahawi jo nai niu u.

AMTAW 3:1

Naibaly Petera hawi Johan ly cho amang neng iy chiu sa ai nai neng khyp khala y ly, achura yhm kalen pui y kun ai nai kalau.