EZARA 9:14 - Khumi Common Language Bible

¹⁴ Kaichi ly nang i reita leu pei naichi tangai y bi naimy, hini amso ngai nai khumichi hawi apom lawh bi baly, nang ly kaichi i tlang tleaung y khri pa-rei kado theu hai iy, leaungrei py tleaung y pa-rei tamyh vui ai ny y a?

EZARA 9:14 ပူးပေါင်းရင်းမြစ်များ

EZARA 10:10

Pathyp pi nai keung Ezara ly ang thau iy leu pei. Ezara my, “Nangchi ly leu atangai u y; cheng takhra neampachychi hawi apom u iy, Israela chengchi i tlang tleaung y kamngo tym hai bo.

EZARA 9:2

Juda chengchi ly cheng takhra neampachychi hawi yhmtheaung sa u nai deaungkho y, Tameuh i khai takhra nai khumichi ly amso ngai veng bo. Hini kamngochi sa naira y lu sa naichi hawi miteaung kehchi ly ty keh nai ne,” napi u.

EZARA 9:8

Aw kaichi i Areng Tameuh, nang ly kaichi ai pahen nai deaungkho y, cheng takhrachi kiu i nai lawi hai iy, vai ly tahm asang parai nai kachai meingtym y, neng maidenreichy sala y phrumai by y pa-rei awm ai nai pei bo. Nang ly kaichi ai miseaungra i nai alaw hai iy khumi kangtha lawm ai nai pei bo.

NEHEMIA 13:18

Nangchi i amsi pajochi ly huna nai kamngo sa u nai deaungkho y, Tameuh ly hini mary ai taphra hai nai hawimy, nichi ai pajeng nai ne. Vaini nangchi ly anawn kani chai hai y nai molam y, Israela chengchi tlang tleaung y Tameuh i kado theu naira ly khri pa-rei tym hai ra ai bo a?,” nanai thui.

THEU NAI 23:32

Huni khumichi hawi py, huni khumichi i tameuhchi hawi py, Leu Maikawm aso u moh.

THEU NAI 32:10

Kai ai paka moh; kai ly kado theu i, nichi ai katamyh pawn ai. Naibaly kai ly nang hawi nang i kangpreangchi ai khumi cheng kalen kang lawm hai ai,” napi.

ISAIA 1:9

Ati cheaungkhang sa thai nai keung Areng my naini, mary i khumi phyreichi ai dei kamthum khai pi mailai y lawh teu i khyly, Jerusalem mary ly Sodom mary hawi Komora mary kamta, taphra naira avum ai nai ne.

JEREMIA 44:9

Juda marychi hawi Jerusalem lamchi salo y nangchi i amsi pajochi, Juda samrangchi hawi ajuchi, nangchi hawi nangmychi i ajuchi my hawi y sa naichi ly tami u veng bo a?

JEREMIA 46:28

Kai ly nangchi teng y kang jeu iy nangchi ai atleu ai. Kaimy nangchi ai ahei hai nai pri cheaungkhangchi ai taphra ai. Na i py nangchi ai kang taphra y leang mang. Kai ly nangchi ai pajeng y naimy khai ai ny y teu i py, kang pajeng nai khala ly kamlau ryrei kang pajeng ai khyh. Hini ly kai Areng i thui nai leu ne,” napi.

Ezekiela 6:8

“Kai ly khumi phyreichi ai haisau tamo i nai tleaung hai iy, pri takhra tleirei y ahei hai ai.

Kati Nai 16:21

“Hini Khumi mipuichi i ka-khan y asyn hawi vui; kai ly nichi ai vaimy kataphra pawn ai,” napi.

Kati Nai 16:45

“Hini khumi mipuichi i ka-khan y asyn hawi veng. Kai ly nichi ai vaimy kataphra ai!” napi. Naibaly Mosi nini Aron ly khaileaung y ambeu hawi bo.

JOHAN 5:14

Huni bo y ly Isu ly mymy ai achura yhm kalen pui y niu i ni teng y, “Khen cham, nang hawi bo he; kamngo so bi moh, ti y baly nang i tlang tleaung y hawi y keh nai tym lawh na,” napi.

ROM AVANGCHI TENG Y PAWLA I CHA PA NAI 6:1

Hunaibaly achi ly ati thui ai mo? Pahenra ly peung ra peung ra thai ai nai achi ly kamngo sa veangveang ai a?

Leu Thui Nai 9:14

Amimi py nichi ai pany jo y ai nai kaimy nichi ai tamyh pawn ai i, kai ai kam moh. Naibaly kai ly nang ai nichi tleaung nawi iy sa thai naira awm nai khumi cheng i ampo lawm hai ai,’ napi.

Leu Thui Nai 9:8

Sinai mawi y my nangchi ly Areng ai kado theu hai u nai ly nangchi ai tama hai vui ai nai pa-rei mymy ai kado theu hai u bo.

TARA CHIH NAI KEUNGCHI 2:2

Nangchi ly hini pri y awm nai khumichi hawi mana khala py, leu maikawm aso moh. Nichi i maichamchi ai taphra vui ai nai tla, nanai nangchi ai leu kang pei bo. Na i py nangchi ly kai i leu pei nai tangai u y; ati mana nai y hina nai sa u lawh mo!