EZARA 9:12 - Khumi Common Language Bible

¹² Nichi nang chawn ai nai molam ly mana khala py sabawm u moh,’ nanai nang i miseaung amochi dengdairei leu pei naichi ai kaichi tangai u y.

EZARA 9:12 ပူးပေါင်းရင်းမြစ်များ

1 NENG SATANG 28:8

“Hunai deaungkho y kai ly Tameuh i khumi mipuichi mo y py, mymy i khumi napi nai Israela khumi mipuichi i mo y py, nangchi ai kalop kang pei nai ne. Nangchi ly achi i Areng Tameuh my leu pei nai ngiereichi ai, hawihai palai tangai u. Huna khala naini nangchi ly hini pri kahawi amtym u jojo iy, nangmychi i kangpreangchi teng y pei pateang bi pajau ai,” napi.

2 NENG SATANG 19:2

Hanani ni i chapo amo Jehu ly samrang teng y chei i ni teng y, “Samrang nang ly khumi hawi y naichi ai sabawm lawh a? Areng ai niu ngai y nai khumichi hawi ahawi ka-dawi asa lawh a? Hunichi molam y Areng i kado theu nai ly nang i tlang tleaung y tym nai bo.

EZARA 9:2

Juda chengchi ly cheng takhra neampachychi hawi yhmtheaung sa u nai deaungkho y, Tameuh i khai takhra nai khumichi ly amso ngai veng bo. Hini kamngochi sa naira y lu sa naichi hawi miteaung kehchi ly ty keh nai ne,” napi u.

THEU NAI 23:32

Huni khumichi hawi py, huni khumichi i tameuhchi hawi py, Leu Maikawm aso u moh.

LEU KACHENG 13:22

Khumi kahawi ly my i katu chanauchi i vui y yhmtheaung khai pi pajau ai; na i py kamngo sa nai khumichi i yhmtheaung katuichi ly khumi kahawichi i kiu y tym vui ai.

LEU KACHENG 20:7

Neaung hawi nai ly kateng sa reng. Ni i katu chanauchi ly taham hawi.

ISAIA 1:19

Nangchi ly kai i leu tangai lawh teu i khyly, khaileaung i theu nai amti amjang kahawichi cha ai nai nga u ai.

Leu Thui Nai 23:6

Nangchi i pri khaw jo nai ryrei ly huni khumi chengchi i vui hawi ai nai hau u moh, sabawm py sabawm u moh.

Leu Thui Nai 23:7

“Edom chengchi ly nangchi i amjy ne nai deaungkho y, nichi ai niu ngai y nai awm u moh. Aikupta khumichi ai py niu ngai y nai awm u moh. Nangchi ly vaichi khala nichi i pri y awm u vai nai ne.

Leu Thui Nai 7:3

Nichi hawi vuinai alo moh; nangchi i chaniuchi ai py, nichi hawi apom hai moh;