EZARA 9:1 - Khumi Common Language Bible

¹ Hini kalop bawibawichi sa pajau nai khala y Israela cheng miteaung keh phyreichi ly kai teng y ang jeu u iy, “Mipuichi, pathyp pi nai keungchi hawi Levi theaungchi ly mymychi tengpang y awm nai Ammon pri, Moba pri hawi Aikupta pri i khumichi hawi py, Kanani cheng, Hiti cheng, Perizi cheng, Jebusi cheng, Amori chengchi hawi py awm takhra u y; nichi ly huni khumichi i sa nai kamta amso ngai naichi sa u teang.

EZARA 9:1 ပူးပေါင်းရင်းမြစ်များ

ATITI AWM ANGCHEI NAI 15:16

Nang ly kangpreang deung palyhrei nai bo y hini pri y tym teang ai; ati mana nai mo nabaly Amori chengchi ly khumi aso y nai molam y pajeng naira avum nai khala, nichi ai hini pri i nai kaimy patheu vui ai nai deaungkho y ne,” napi.

1 ARENG KEH 11:1

Solomon i khrei nai cheng takhra neampachy neangneang awm. Ni ly Aikupta samrang i chaniu khyh chang y i, Hiti neampachy, Moba neampachy, Ammon neampachy, Edom neampachy hawi Sidon neampachychi ai py aju palawn.

2 NENG SATANG 33:2

Areng my mymy i khumichi hini pri y kun nai thym khala, patheu pi pawn nai khumichi i reita tanynchi mang y Manase ly abang iy, mymy i tlang tleaung y kamngo sa bo.

2 NENG SATANG 8:7

Solomon ly Israela chengchi my Kanan pri y peang ai nai tiu nai thym khala, padei y naimy awm rai nai Kanan khumichi i kangpreangchi ai, my i kalop ram ra teaung bo. Hunichi theung y Amori cheng, Hiti cheng, Perizi cheng, Hivit cheng hawi Jebusi chengchi abawi u bo. Huni khumichi i kangpreangchi ly vaini khrairei miseaung y awm u jo nai ne.

EZARA 10:2

Huna nai khala y Elam nupai theung i Jehiela i chapo Shekaniah my Ezara teng y, “Kaichi ly cheng takhra neampachychi hawi apom iy Tameuh i leu tangai y bo. Na i py Israela chengchi i vui athang khai naira awm rai nai ne.

EZARA 10:8

Tym angym y nai khumichi ly nichi teng i awm nai vawnsaichi la pi pawn veng iy, Israela cheng theaung theung i nai py pala vui ai, nanai Jerusalem mary hawi Juda pri verei y satang ahei hai bo.

NEHEMIA 13:23

Huni neng khala y Juda cheng neangneangchi malawn py Ashado, Ammon, hawi Moba cheng neampachychi hawi apom u nai py kai avum nai ne.

NEHEMIA 4:3

Ni i sahawi y angdo nai Tobiah my, “Nichi ly mana nai mary apai sa u pajau ai mo? Nichi i apai ly khiva ajijaw nai hawimy anawi ryp ai!,” nanai leu pajeaung bo.

NEHEMIA 4:7

Sanbala, Tobiah hawi Arab cheng, Ammon cheng, Asadod chengchi ly Jerusalem mary sa palum nai kalop amcheang nai satang hawi, mary apai phra nairachi pathyp dudu nai satang py, thai u nai deaungkho y khri pa-rei kado theu u.

SAM 106:35

huni khumichi hawi apom u iy, nichi i reita tanynchi teaung u bo.

THEU NAI 13:5

Areng ly Kanan cheng, Hiti cheng, Amori cheng, Hivit cheng hawi Jebusi chengchi awm nai pri nangchi teng y pei ai, nanai nangchi i amsi pajochi hawi leu adeu hai typ bo. Mymy pahawi iy nangchi ly cha nei ai nai takang y iy, paitiu khuta hawi nai pri y tym u nai khala, saneng tleirei angchei i lo tleaung y, hini ly sa u jojo ai nai tla.

THEU NAI 23:23

Kai i angel ly nangchi i mo mang lu sa iy tako hai ai i, Amori cheng, Hiti cheng, Perizi cheng, Kanan cheng, Hevit cheng, Jebusi chengchi awm nai pri y tym pa-rei ang pahawi ai; huni pri i chengchi ai ly kaimy tamyh pawn ai.

THEU NAI 33:16

Nang ly kaichi hawi vanrei chei hai y lawh baly, nang ly nangmy i khumichi hawi kai ai paleung no, nanai ami pany thai ai mo? Nang ly kaichi hawi vanrei awm hai khala naini, kaichi ly khaileaung pri i cheng takhrachi hawi amtleh nai amny ai,” napi.

ISAIA 52:11

Achura yhm i ateaung khauchi syn u nai khumi bawibawichi awi, Babulon pri i dengdairei, vaimy jeu u! Paka nai atitichi ai kiu hawi py, abi u dei moh. Nangmychi ai apachai iy, mary i nai theu u.

JEREMIA 26:10

Juda miteaung kehchi ly huni atitichi tym nai thai u nai khala y, samrang yhm dengdairei jeu iy, Achura yhm katheu pa-kho kangthara y meingtym la u bo.

JEREMIA 26:16

Huna nai khala lu sa naichi hawi khumichi my pathyp pi nai keungchi hawi amochi teng y, “Hini khumi ly achi i Areng Tameuh i amyn y achi ai leu ang thui pi nai deaungkho y, ni ai padei ai nai avo y,” nanai thui u bo.

Levi 18:3

Nangchi awm vai nai Aikupta khumichi i sa reng nai saichi py, nangchi ai vai kaimy pahawi iy awm ai nai kanan pri khumichi i sa reng nai saichi py so u moh.

MALAKHI 2:11

Juda khumichi ly Tameuh hawi mychi i leu adeu nai taphra vui iy, Jerusalem mary hawi Juda pri verei y amso ngai nairachi sa u bo. Nangchi ly Areng i khrei nai Achura yhm ai amneaung hai u. Neampachochi py cheng takhra tameuhchi ai chiu nai neampachychi hawi apom u.

Kati Nai 23:9

Kai ly lengseaung puichi saleung mang nichi ai kaniu; kai ly mawi aheungchi mang nichi ai kaniu. Nichi ly mychi tlairei awm nai cheng vuijyn harei ne; Nichi ly khumi cheng bawibawichi tleaung y amtleh takhra nai khumichi ne. Takhra khumichi tleaung y malawn py amtheaungra nga keh naichi ne, nanai nichi apany u.

Kati Nai 25:6

Mosi hawi Israela cheng bawibawichi ly Areng i awmra Tabynako katheu pa-khora y paleung si vo tangam nai thym khala, Israela neampacho leaungrei ly Mosi hawi mipuichi i mei ka-niu y my, Midian neampachy leaungrei ai mymy i tai theung y pahawi jo nai niu u.

Leu Thui Nai 18:9

“Nangchi i Areng Tameuh my pei nai pri y tym nai khala, nangchi ly huni pri y awm nai cheng khumichi i amso ngai nai saichi amtiu u moh.

Leu Thui Nai 23:8

Nichi i kangpreangchi ly mo mang deung thom dengdairei, Areng i khumichi theung y tabawi pajau.

Leu Thui Nai 7:1

Nangchi i Areng Tameuh ly nangchi peang ai nai pri y nangchi ai pahawi nai khala, huni pri y awm yb nai khumi vuikanai nawi iy, haiho len nai Hiti cheng, Kirakashi cheng, Amori cheng, Kanan cheng, Perizi cheng, Hevit cheng hawi Jebusi cheng napi nai cheng saryhreichi ai paryh pi pawn ai.

JOSUA 23:12

Nangchi ly leu atangai y iy, nangchi teng y awm asai nai cheng takhra khumichi hawi amkawm naimy yhmtheaung sa u baly,