EZARA 8:33 - Khumi Common Language Bible

³³ Naibaly palyh kani Achura yhm y chei i muku tangka hawi ateaung alangchi neh iy, Uriah i chapo pathyp pi nai keung Meremoth i kiu y pei pi bo. Ni hawi vanrei Phineha i chapo Eleaza hawi, Levi theaung Jeshua i chapo Jozaba hawi Binnui i chapo Noadiah nini leaung nyhrei py awm.

EZARA 8:33 ပူးပေါင်းရင်းမြစ်များ

EZARA 10:23

Levi theaungchi Jozaba, Shimei, Kelaiah (ti y baly Kelita), Pethahiah, Judah hawi Elieza

EZARA 2:40

Pri palara i vawi ali teang nai Levi theaung nupaichi i vuikanai ly: Jesua hawi Kadamiela (Hodaviah i kangpreangchi ne) - 74 Achura yhm i katyn kapau beu naichi (Asah i kangpreangchi ne) - 128 Achura yhm tamcheaungchi (Shalum, Ata, Talamon, Akub, Hatita hawi Shobaichi i kangpreangchi ne) - 139

EZARA 8:25

samrang hawi ni i bangtangchi, miteaung kehchi hawi Israela chengchi my Achura yhm y teaung ai nai talam nai muku, tangka hawi ateaung alangchi ai neh iy, huni pathyp pi nai keungchi teng y au pi bo.

EZARA 8:26

Nichi teng y kai i au naichi ly: Tangka kaji sie 21,527 rei Tangka ateaung 100 rei, tangka kaji sie 105 rei Muku kaji sie 5,207 rei Muku khau 20 rei, muku kaji sie 12 rei Muku khau hawi vang atawm nai kheupaja tangcheng khau 2 rei

EZARA 8:29

Nangchi Achura yhm y tym y ryrei ly huni vawnsaichi kry iy pathyp pi nai keungchi i takun theung y neh u ly pathyp pi nai keung luchi, Levi theaung luchi hawi, Jerusalem mary i Israela mipui lu sa nai keungchi teng y au pi u,” nanai taviu bo.

EZARA 8:30

Huna nai y pathyp pi nai keungchi hawi Levi theaungchi my, muku tangka hawi ateaung alangchi ai Jerusalem mary Achura yhm y tha pi ai nai ka-vo sa u nai ne.

EZARA 8:34

Kaichi ly awm nai vawnsai bawibawichi kati chum, neh chum baly vuikanai theung y tajiu typ bo.

NEHEMIA 10:9

Levi theaungchi: Azaniah i chapo Josua, Henada nupai lu Binnui, Kadmiela, Shebaniah, Hodiah, Kelita, Pelaiah, Hanan, Mika, Rehob, Hashabiah, Zakura, Sherebiah, Shebaniah, Hodiah, Bani hawi Beninu.

NEHEMIA 3:21

Huni bo i phyrei ai Hako i katu, Uriah i chapo Meremoth ly Eliashib i yhm kachawn ryrei sa nai ne.

NEHEMIA 3:24

Henada i chapo Binnui ly huni bo i phyrei ai, Azariah i yhm dengdai mary taki ryrei sa.

NEHEMIA 3:4

Huni bo i mary apai phyrei ly Hako i katu, Uriah i chapo Meremoth my sa i, huni bo i phyrei ai ly Meshezabela i katu, Berekhiah i chapo Meshulam my sa. Huni bo i phyrei ai Baana i chapo Zadok my sa.

NEHEMIA 8:7

Naibaly khumichi ly mymychi meingtym i nai ang thau iy angdo u. Hunaibaly nichi teng y Levi theaung Jeshua, Bani, Sherebiah, Jamin, Akub, Shabethai, Hodiah, Maaseiah, Kelita, Azariah, Jozaba, Hanan hawi Pelaiahchi my Reita leu cha-iu i awm nai sai thui pi pachai.