EZARA 8:21 - Khumi Common Language Bible

²¹ Tameuh ly achi i khuleaung amla naira lam patei pi iy, achi hawi vanrei cho chanauchi hawi yhmtheaung katuichi ang kry pi ai. Huni molam y achi bawibawi ly mymy i mo y paleung apanem parai naimy biu hai ai nai, hini Ahava tuilam sahawi y kaimy leu pei nai ne.

EZARA 8:21 ပူးပေါင်းရင်းမြစ်များ

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

2 NENG SATANG 20:4

Juda pri mary tleirei i khumichi ly Areng i lam patei nai hnei takeng ai nai, Jerusalem mary y tym u bo.

EZARA 8:15

Kai ly huni khumichi ai Ahava mary mang y leaung nai tuilam sahawi y angym hai iy, huni meingtym y kaichi ly kani thomrei jei bo. Huni khumichi theung y pathyp pi nai keungchi abawi i py, Levi theaungchi ai ly niu y nai deaungkho y,

EZARA 8:31

Angchei lo kani holai nyhrei kani y kaichi ly Ahava tuilam dengdairei Jerusalem mary mang y tako u bo. Tameuh ly kaichi hawi vanrei awm nai deaungkho y, kaichi ai paleung ka-echi teng i nai py, ka-deng mang amo yb iy ang tiu ai naira i nai py ama hai nai ne.

NEHEMIA 9:1

Huni lo kani 24rei kani y Israela chengchi ly mymychi i kamngo molam y, paleung si nai ka-ma-ra paisiuchi amchiu u iy, lu y spryh aphui u; naibaly nichi ly mymychi i kamngo hawi amsi pajochi i kamngochi pany hai iy uikheih u bo.

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

SAM 137:1

Zion mary ai adawn nai thym khala y, kaichi ly Babulon pri i tavo micheaungchi peang y ateh naimy kavo u bo.

SAM 5:8

Aw Areng, kai i paleung ka-echi ly khri pa-rei nawi parai! Nang i kangai sa ai nai kai ai lam patei pi kyh ba. Nangmy kai ai tako hai ai ngai nai lam ly thleaungthlang hai kyh ba.

SAM 5:9

Kai i paleung ka-echi i leu ai ly mana khala py ym ai nai ngo y. Nichi teng y taphra ai ngai nai paleung naini awm khyh. Nichi i labeaung ly am-eaung yb nai tavau pa-kho hawi atawm; nichi i palai py jypjyp naimy tapawp paryp reng nai ne.

SAM 8:2

Huni khulym ai ly deaungdichi hawi deaungdi chymplei naichi my thui u. Mymy ly paleung ka-echi kiu i nai lawira nga bo. Mymy ai ka-jo hau naichi ai paka nai ne.

LEU KACHENG 3:6

Nang i sa naira tleirei y, Areng ai pany jo ba; huna baly mymy ly nang ai lam kateng ang patei ai.

ISAIA 30:21

Langvawi mang y, ti y baly lamtang mang y nangchi lam tamang u nai khala y, “Lam kateng ly hini ne; hini lam kataw tako u,” nanai nangchi nithun mang mymy i leu pei nai raawi thai u ai.

ISAIA 35:8

Huni meingtym y, “Meingtym kachai mang y chei nai lam,” nanai amyn pathi nai lam manglai pui amteng ai. Kamngo sa nai khumi ngiereichi ly huni lam tako ai nai nga u ai ny y. Khumi ka-khum ngiereichi ly huni lam tako nai khumichi ai lam tamang hai pajau ai ny y.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 49:10

Nichi ly mana khala py, teicha teinei avaw ai ny y. Nichi ly mymychi ai tamen nai keung i lam patei nai avum iy, kanito hawi speung kangngo molam y, patang naira avum ai ny y. Mymy ly nichi ai tui sampumchi awm naira mang y pahawi ai.

ISAIA 58:3

Huni khumichi my, “Areng ly achi ai mana khala py niu y lawh baly, achi ly ati mana nai y biu hai u ai bo? Mymy ly achi i tahm apanem nai ai pany pi y lawh baly, ati mana nai achi ly biu hai patang atyhtyh ai mo?,” napi. Areng my nichi teng y, “Meitang khyp nangchi ly biu hai nai thym khala, amy i vui kamran hau iy, nangmychi i vui kalop sa nai khumichi ai ana u bo.

ISAIA 58:5

Nangchi ly biu hai iy kanireichy nangmychi tahm apanem nai ly kang kawn pi ai, nanai athang khai u a? Kamtang kham iy acha keungchi kamta lu meung naimy, nangmychi ateh ai nai maidym tleaung y paisiu kanih bai u reng nai ne. Hina nai sa nai ly biu hai nai ne, nanai nangchi thui u ai a? Huna nai nangchi sa nai neng kani ai kaimy kang kawn pi ai, nanai nangchi athang khai u a?

JEREMIA 10:23

Aw Areng, amimi py amy i khym taham ly so thai y, nanai kai pany. Amimi py amy i hengra ai peang pajau y.

JEREMIA 42:3

Kaichi ly ati lam tako iy ati kasa u ai nai avo mo, nanai lam patei pi ai nai, kaichi i Areng Tameuh teng y chiu so pi,” nanai takeng u nai ne.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

JOELA 1:14

Biu hai ai nai leu pei nai ahei hai ly mipui achu nai pawi harei so u! Nangchi i Areng Tameuh i Achura yhm y Juda mipuichi hawi lu sa naichi ai angym hai chum baly, mymy teng y vo naimy aeu u.

Levi 16:29

Nangchi ly hini reitachi ai nangmychi deungrei teaung patawm jojo ai nai tla. Saryh lo, kani horei kani y, Israela chengchi hawi nichi theung y awm nai cheng takhrachi py, biu hai iy atiti kalopchi sa ai nai avo y.

Levi 16:31

Huni kani ly khri pa-rei chai nai kani ne; huni kani y mani mo kalop py sa ai nai avo y. Hini reita ai katu chanau deung khrairei teaung patawm jojo ai nai tla.

Levi 23:29

Huni kani y teicha teinei sai sairei cha nai khumi ai ly Tameuh i khumichi theung i nai nyn va vui ai.

JONA 3:5

Ninevi mary i khumichi ly Tameuh i leu pei nai ym u bo. Hunai deaungkho y uikheih nai ka-ma-ra hawi, kamawn, areng takhawi y naimy biu hai iy paisiu amchiu u ai nai leu pacheang u.

JONA 3:7

Naibaly Ninevi samrang ly mary i khumichi teng y satang thai hai ai nai leu pei. Ni i leu pei nai ly “Hini leu ly samrang hawi bangtangchi i leu pei nai ne. Amimi py teicha teinei cho moh sy. Khumi bawibawichi hawi sichi py, beramchi py, teicha cho moh sy, tui py nei moh sy.

Kati Nai 14:3

Areng ly ati mana nai y kaichi ai, huni pri mang y pahawi lawh mo? Kaichi ly tavai keung y kadei u ai bo he. Kaichi i aju chanauchi ly paleung ka-echi my patiu vui ai. Lu sa nai keung vawi iy Aikupta pri y vawi ali teang nai ly hawi khere y a?,” nanai josei u bo.

Kati Nai 14:31

Nangchi i cho chanauchi ai paleung ka-echi my patiu ai, nanai nangchi thui u bo; na i py kai ly nangchi chei ai ngai y nai pri y nangchi i cho chanauchi ai kapahawi ai i, nichi ly huni pri y awm u ai.

AMTAW 2:39

Ati mana nai mo nabaly hini adeu nai ly nangchi i vui py, nangchi i chanauchi i vui py, kamlo parai ra i khumi bawibawichi i vui py, Areng achi i Tameuh my mymy teng y palau nai ngiereichi i vui py ne,” napi.

TARA CHIH NAI KEUNGCHI 20:26

Huna nai khala Israela cheng bawibawichi ly Bethela mary y chei iy vo u. Nichi ly Areng i mo y ateh iy, kani dym nai pa-rei biu hai u bo. Nichi ly Areng i mo y amkawm nai kapathypra hawi leng patlum nai kapathyprachi talam u.

1 SAMUELA 7:6

Naibaly nichi bawibawi ly Mizapa mary y angym u iy, tui maidenreichy deu i, Areng teng y talam nai lei i, huni kani khengrei biu hai u bo. nichi my, “Kaichi ly Areng ai kamngo kasa u lawh bo,” napi u. (Mizapa mary i dengdairei Samuela ly Israela chengchi ai peang nai ne.)