EZARA 7:6 - Khumi Common Language Bible

^6-7 Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

EZARA 7:6 ပူးပေါင်းရင်းမြစ်များ

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

EZARA 5:5

Na i py Tameuh ly Juda lu sa naichi ai awm hai nai deaungkho y, Pasia miteaung kehchi ly empara samrang Dari teng y satang thai hai ai nai hawi, huni samrang teng i leu pei nai sai sairei ngo teang y ryrei ly ati sai py so u y ai nai leu pacheang bo.

EZARA 6:22

Nichi ly kani saryh ryrei tako angbo abawi y nai pawi ai amo theu parai naimy sa u bo. Israela chengchi i Tameuh i vui Achura yhm sa naira y abawi ai ngai nai paleung ly Suria empara samrang teng y Tameuh my pakun pi bo. Hunai deaungkho y nichi ly khri pa-rei amo theu u nai ne.

EZARA 7:21

“Kai samrang Artazeret ly kani pri mang y awm nai Tameuh i Reita leu kawp nai pathyp pi nai keung hawi khumi kacheng Ezara i hnei nai bawibawi ai pei u kaliki ai nai Euphrat tavo pui nidym ka-peang i, tangka kry keung bawibawichi teng y leu kang pei.

EZARA 7:28

Tameuh i saho y kai ly samrang hawi vanrei ni ai tau pei nai keungchi, sa thai naira awm nai miteaung kehchi i mo y, meimai nga bo. Kai i Areng Tameuh ly kai teng y sorai paleung ang pei nai deaungkho y, kai ly Israela cheng theaung i miteaung keh neangneangchi ai, kai hawi vanrei abang ai nai kapahawi pajau nai ne,” napi.

EZARA 7:5

Buki i ampo ly Abishua, Abishua i ampo ly Phineha, Phineha i ampo ly Eleaza, Eleaza i ampo ly Aron ne.

EZARA 8:1

Empara samrang Artazeret my peang nai deung y, Babulon pri dengdairei Jerusalem mary y Ezara my hawi nai pri pala nai cho nupaichi ai lu sa nai khumichi i amyn vuikanai ly hinichi ne:

EZARA 8:18

Nichi ly Tameuh i pahen nai saho y Mahli nupai theung i Levi theaung sa thai naira angym nai keung Sherebiah ai, kaichi teng y ang pato nai ne. Ni i chapo hawi amjo amnau leaung holai tajareichi py, vanrei abang u bo.

EZARA 8:22

Achi i Tameuh ly mymy ai ym nai khumi bawibawichi ai amtheaung naira pei iy, mymy ai nithun thun nai khumichi ai ly niu ngai y iy pajeng reng, nanai samrang teng y amti pi bo. Huna nai y kai ly khuleaung lam y paleung ka-echi ai paka pi ai nai samrang teng i keaungngo tavaimi kasabawmra hnei ai nai ly kaji ai nai hawi parai.

EZARA 8:31

Angchei lo kani holai nyhrei kani y kaichi ly Ahava tuilam dengdairei Jerusalem mary mang y tako u bo. Tameuh ly kaichi hawi vanrei awm nai deaungkho y, kaichi ai paleung ka-echi teng i nai py, ka-deng mang amo yb iy ang tiu ai naira i nai py ama hai nai ne.

NEHEMIA 12:26

Hini khumi bawibawichi ly Jehozada i katu, Josua i chapo Jojakim, samrang i bangtang kalen Nehemia, Reita leu pei nai ai kawp nai pathyp pi nai keung Ezara i deung y awm u naichi ne.

NEHEMIA 12:36

Ni i nithun y ly my i nupai Shemaiah, Azarela, Milalai, Kilalai, Maai, Nethanela, Juda hawi Hananichi ly Tameuh i khumi samrang Davida my beu nai katyn kapau ateaungchi syn iy abang u. Reita leu kawp nai Ezara my, hini khumichi amki naira y lu sa.

NEHEMIA 2:12

huni bo y kai ly Jerusalem mary ai mana kasa ai mo, nanai Tameuh my kai teng y pany hai nai saichi ly ami teng y py kathui pi y naimy vum anenghyh khala ang thau i, ahawi phyreichi ai palau iy mary angam mang y theu bo. Kaichi ly kaimy i atang nai keaungngo kano kasau bo baly, ati sai py syn y nai ne.

NEHEMIA 2:18

Tameuh my kai ai ang awm hai iy kai ai sabawm nai sai py, kai ai empara samrang my ati mana leu ang pei mo, nanai py amti pi bo. Naibaly nichi my, “Sa palum teang ai nai achi amteaung u sina!” nanai thui u i, kalop amteaung ai nai angvei u rym bo.

NEHEMIA 2:8

Achura yhm angdeangra apai katheuchi, mary apaichi hawi kaimy awm ai nai yhm i vui py, dengkeaung pei ai nai samrang i daichi peang nai keung Asaph teng y cha patheu pi ai nai takeng. Tameuh ly kai hawi vanrei awm nai deaungkho y, empara samrang ly kai i hnei nai bawibawichi ang pei.

NEHEMIA 4:15

Paleung ka-echi ly mychi i tau nai saichi ai achi my pany pi veng bo, nanai thai u nai khala y, nichi i tau nai saichi ai Tameuh my taphra pi veng bo, nanai pany u nai ne. Naibaly kaichi bawibawi ly mary apai sa nai kalop sa veangveang bo.

NEHEMIA 8:1

Saryh lo tym nai khala y Israela chengchi ly mymychi i mary katheang kalenchira y khuteng chah u bo. Huni lo kani harei kani y nichi ly Jerusalem mary tuilam pa-kho theung mang i meingtymchyra y angym u. Nichi ly Israela chengchi teng y Mosi i dengdairei, Areng my pei nai Reita leuchi pany keh nai pathyp pi nai keung Ezara teng y, huni Reita leu cha-iu syn ai nai takeng u bo.

NEHEMIA 8:13

Huni bo i kani y nupai lu sa naichi ly pathyp pi nai keungchi, Levi theaungchi hawi vanrei, Reita leu amtiu ai nai Ezara teng y chei u nai ne.

NEHEMIA 8:4

Ezara ly huni neng i vui dengkeaung hawi sa yb nai chang salo y angdo iy Reita leu cha-iu phain pi nai ne. Abang nai Matithia, Shem, Anaiah, Uriah, Hilikiah hawi Maaseiahchi ly ni i lamtang mang y angdo u; Pedaiah, Mishaela, Malakhijah, Hashum, Hasabadana, Zekhariah hawi Meshulamchi ly ni i langvawi mang y angdo u nai ne.

NEHEMIA 8:9

Nichi ly Reita leu pei nai theung i dawn hai naichi thai nai khala y, paleung ama nai vo u bo. Naibaly samrang i bangtang kalen Nehemia, Reita leu kawp nai pathyp pi nai keung Ezara hawi Reita leu pei nai cha-iu i awm nai sai thui pachai nai Levi theaungchi my, “Vaini ly nangchi i Areng Tameuh i kani kachai ne. Hunai deaungkho y nangchi ly paleung ama nai vo tangam u moh.

NEHEMIA 9:13

Nang ly kani mang i dengdairei satla kathiu iy, Sinai mawi y nang i khumichi ai leu pei bo; nichi teng y hawi parai nai reitachi hawi, parip nai leu kahawichi pei pi nai ne.

SAM 109:27

Kai ai atleu nai keung ly nang ne, nanai paleung ka-echi ai pany hai ba.

SAM 147:19

Mymy ly mymy i leu ai mymy i khumichi teng y py, reita leaungsai hawi reita leu pei naichi ai Israela teng y py, pei pi nai ne.

SAM 45:1

Samrang i vui hini khulym katajiu nai thym y, kai i paleung ly taham hawi nai leuchi kawi na bo. Kai i labeaung ly cha tajiu keung kahawi leaungrei i cha kaleaung hawi atawm.

SAM 80:18

Kaichi ly nang teng i nai mana khala py, hi vui ai ny y; kaichi i tlang heng ai nai pei baly, kaichi ly nang ai palo ai.

LEU KACHENG 3:6

Nang i sa naira tleirei y, Areng ai pany jo ba; huna baly mymy ly nang ai lam kateng ang patei ai.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

ISAIA 59:1

Areng ly nangchi ai atleu pajau y na pa-rei atho di nai ny y. Nangchi kasabawmra nga ai nai aeu iy, hnei takeng nai raawi thai y na pa-rei kano pang y leang!

JEREMIA 8:8

Kai i reita pany iy nangchi ly khumi kacheng ne, nanai ati mana nai nangchi thui u thai ai mo? Leu meitang teaung y nai reita pany nai keungchi my, reita sa palai pawn nai ne.

MATTHAI 13:52

Nichi my ly mymy teng y, “Ne chy,” napi. Naibaly mymy ly nichi teng y, “Huna nai ne baly kani pri my peang nai i abang nai khumi ai palawn nai Reita patiu nai keung ngierei ly, yhmkeung my mymy i yhmtheaung dengdairei atiti kangthachi hawi atiti kangngymchi py patheaung nai kamta atawm,” napi.

MATTHAI 23:2

“Reita patiu nai keungchi hawi Pharisaichi ly Mosi i ateh naira y ateh u lawh,

MATTHAI 28:20

leu kang pei nai bawibawi tangai ai nai nichi ai patiu u. Naibaly khen cham, kaimy kypkyp ly neng tem pa-rei py nangchi teng y kang awm jojo ai,” napi.

I KORINTH 1:20

Khumi kacheng ly ma ma y mo? Reita patiu nai keung ly ma mang y mo? Hini khaileaung pri i cheng naira ai ly cheng y naira palawn nai ny y a?

I KORINTH 15:1

Naibaly amjo amnauchi awi, Satang Kahawi kang thui pi nai ly kang pany hai bi ai; nangchi ly huni ai kawn u nai, hunira y ly angdo u iy,

Leu Thui Nai 28:1

Nangchi ly nangmychi i Areng Tameuh i leu pei nai tangai iy, vaini kaimy kang thui pi nai reita leu pei nai bawibawichi ai paleung hawi verei patawm u baly, mymy ly nangchi ai khaileaung pri y awm nai khumi cheng bawibawichi tleaung y tahm pasang ai.

Leu Thui Nai 4:5

“Achi i Areng Tameuh my reita leu pei nai kamta kai ly huni leu pei nai bawibawichi ai nangchi teng y kang thui pi bo. Nangchi atiu iy peang ai nai pri y, huni leu pei naichi patawm u.