EZARA 7:21 - Khumi Common Language Bible

²¹ “Kai samrang Artazeret ly kani pri mang y awm nai Tameuh i Reita leu kawp nai pathyp pi nai keung hawi khumi kacheng Ezara i hnei nai bawibawi ai pei u kaliki ai nai Euphrat tavo pui nidym ka-peang i, tangka kry keung bawibawichi teng y leu kang pei.

EZARA 7:21 ပူးပေါင်းရင်းမြစ်များ

EZARA 4:16

Huna nai y hini mary hawi apaichi sa palum nai pajau vui lawh baly, samrang nang ly Euphrat tavo pui nidym ka-peang y peang pajau ai ny y leang bo, nanai kang pany hai nai ne,” napi.

EZARA 4:20

Phum-ang len nai samrangchi ly huni mary y peang iy, Euphrat tavo pui nidym ka-peang verei y kahm tangka cheaung nai ne.

EZARA 6:6

Empara samrang Dari my pathang pi nai cha pei pi nai ly: “Euphrat tavo pui nidym ka-peang samrang i bangtang kalen Tatenai, Shetha Bozenai hawi, Euphrat tavo pui nidym ka-peang y awm nai nangchi i kalop sa ahawi nai miteaung kehchi awi, “Nangchi ly Achura yhm sahawi y ahai u moh;

EZARA 7:1

Saneng neangneang kra nai khala Pasia empara samrang Artazeret deung y, Ezara napi nai khumi leaungrei awm. Ni ly pathyp pi nai keung kalen keh Aron i kangpreang ne; hunichi ly: Ezara i ampo ly Seraiah, Seraiah i ampo ly Azariah, Azariah i ampo ly Helkia,

EZARA 7:22

Nangchi ly tangka kaji sie 5,208 rei, chohpui chomaw teaung 1,333 rei, kreip hang palang 3,300 rei, olive asitui palang 3,300 rei hawi, palawi ly ngai nai ryrei pei pi u na sy.

EZARA 7:6

Ezara ly Israela chengchi i Areng Tameuh my Mosi teng y pei nai Reita leu angym pa-rei kawp nai khumi kacheng ne. Ezara ly my i Areng Tameuh teng i amtheaung naira nga nai khumi ne nai deaungkho y, samrang ly ni i hnei nai ngiereichi pei pi nai ne. Ezara ly pathyp pi nai keungchi, Levi theaungchi, Achura yhm katyn kapau beu kawp naichi, Achura yhm tamcheaungchi hawi kalop sa naira y abawi nai Israela chengchi hawi vanrei, empara samrang Artazeret my peang nai saryh saneng y Babulon mary i dengdairei Jerusalem mary y jeu nai ne.

EZARA 8:36

Khumichi ly mymychi teng y samrang i leu pei nai cha ai Euphrat tavo pui nidym ka-peang samrang i bangtang kalenchi hawi, miteaung kehchi teng y pei pi nai khala y, nichi ly mipuichi hawi Achura yhm y chiu sa naira y sabawm u bo.

NEHEMIA 2:7

Naibaly kai ly khuleaungra y aly ngai nai kasabawmra nga ai nai molam, Euphrat tavo pui nidym khu ka-peang samrang i bangtang kalenchi teng y pei ai nai cha hawi,

SAM 119:4

Aw Areng, nang ly nangmy i Reita leuchi ai kaichi teng y pei iy, hunichi ai sai py takhawi y pa-rei, sa patawm ai nai leu pei bo.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.