EZARA 7:14 - Khumi Common Language Bible

¹⁴ Kai, samrang hawi kai ai tau pei nai leaung saryhreichi my ly nang ai Jerusalem mary hawi Juda pri i awm nai sai pany ai nai kang pato bo. Nang ly nang teng y ang au nai Tameuh i Reitachi ai, khumichi my mana tanrei tangai u mo, nanai satang lo ba.

EZARA 7:14 ပူးပေါင်းရင်းမြစ်များ

EZARA 1:3

Tameuh ly mymy i khumichi hawi vanrei awm hai sy; nangchi ly Juda pri Jerusalem mary y chei iy huni mary y chiu nai Tameuh, napi nai Israela chengchi i Areng Tameuh i Achura yhm sa palum teang ai nai tla.

EZARA 5:8

“Kaichi ly Juda pri y kachei u i, nang parai nai Tameuh i Achura yhm ly lengseaung puichi hawi sa iy lengseaung dengpangchi salo y dengkeaung tapang pakau naimy sa nai kaniu u bo, nanai samrang nang teng y kang pany hai nai ne. Kalop sa nai sai atyp parai nai deaungkho y amcheang u.

EZARA 6:12

Jerusalem mary ly mymy ai chiu ai nai meingtym vawi takhra nai Tameuh my hini leu pei nai tangai y nai, Jerusalem mary Achura yhm taphra ai nai atho sa nai mani samrang py ne sy, mani khumi py ne sy, nichi ai ly Tameuh my pajeng sy; hini ly kai empara samrang Dari i leu pei nai ne, leu pei nai kamta tangai u,” nanai tajiu bo.

EZARA 6:8

Sa palum teang nai kalopra y nichi ai sabawm ai nai, vai nangchi teng y kaimy leu kang pei bo. Nichi i sa nai kalop avawby y ai nai pasum nai chareichi ly Euphrat tavo pui nidym mang y cheaung nai kahm tangka, samrang i peang nai tangka-yh theung i pei pi u praw.

EZARA 7:15

Nang ly Jerusalem mary Achura yhm theung y awm nai, kai hawi kai ai tau pei nai keungchi my Tameuh teng y talam nai muku hawi tangka syn ba.

EZARA 7:28

Tameuh i saho y kai ly samrang hawi vanrei ni ai tau pei nai keungchi, sa thai naira awm nai miteaung kehchi i mo y, meimai nga bo. Kai i Areng Tameuh ly kai teng y sorai paleung ang pei nai deaungkho y, kai ly Israela cheng theaung i miteaung keh neangneangchi ai, kai hawi vanrei abang ai nai kapahawi pajau nai ne,” napi.

EZARA 8:25

samrang hawi ni i bangtangchi, miteaung kehchi hawi Israela chengchi my Achura yhm y teaung ai nai talam nai muku, tangka hawi ateaung alangchi ai neh iy, huni pathyp pi nai keungchi teng y au pi bo.

ESTHER 1:14

Samrang i adeng ahui nai nawikeh naichi ly Pasia hawi Medi bangtang leaung saryhreichi napi nai Kashina, Shetha, Adamatha, Tarshish, Miret, Masena hawi Mamukanchi ne. Nichi ly pri theung y tahm asangkeh nai meingtym nga nai khumichi ne.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

DANIELA 2:47

Samrang my, “Nang ly hini thiu parai nai saichi ai thui pachai pi pajau nai deaungkho y, nang i Tameuh ly tameuhchi bawibawi tleaung y len keh nai ne. Samrang bawibawichi ai peang nai keung, thiu parai nairachi ai pany hai pi nai keung ne,” napi.

DANIELA 6:20

Khrangsi angawm y tym nai khala, paleung mawn nai raawi hawimy, “Tameuh kangheng i miseaung Daniela awi! Nang i ka-ym awm naimy chiu nai Tameuh ly nang ai khrangsichi teng i nai atleu pi pajau a?” nanai deng.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

ZEKHARIAH 6:10

Mymy ly “Pri pala naira avum nai Heladai, Tobijah hawi Jedaih kangpreangchi i pei nai langseaungchi la iy, Zephaniah i chapo Josia i yhm y chei hai praw; hunichi bawibawi ly Babulon pri y pri palara i dengdairei vawi u naichi ne.