EZARA 6:6 - Khumi Common Language Bible

⁶ Empara samrang Dari my pathang pi nai cha pei pi nai ly: “Euphrat tavo pui nidym ka-peang samrang i bangtang kalen Tatenai, Shetha Bozenai hawi, Euphrat tavo pui nidym ka-peang y awm nai nangchi i kalop sa ahawi nai miteaung kehchi awi, “Nangchi ly Achura yhm sahawi y ahai u moh;

EZARA 6:6 ပူးပေါင်းရင်းမြစ်များ

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

ATITI AWM ANGCHEI NAI 43:14

Benjamin hawi Simeon nini ai ang pei teang ai nai, ati cheaungkhang sa thai nai keung Tameuh my huni khumi i paleung ai py so pi sy; nangchi i amjo hawi Benjamin ai py vawi hai teang ai nai ang pei ai mang. Kai i chapochi tama lawh teu i py tamo teu jau sy,” napi.

EZARA 4:9

“Samrang i bangtang kalen Rehum, ka-peang secretary Shimashai hawi nini i ahawichi, tara chih nai keungchi, Erech mary, Babulon mary hawi Elam pri Susa mary mang i jeu iy kalop sa nai miteaung kehchi,

EZARA 5:3

Euphrat tavo pui nidym ka-peang samrang i bangtang kalen Tatenai, Shetha Bozenai hawi nini i ahawi kamkawm miteaung kehchi ly Jerusalem mary y chei u praw iy, “Hini Achura yhm sa palum teang ai nai nangchi ai ami my leu ang pei mo?” nanai deng u.

EZARA 5:6

Nichi ly empara samrang teng y pany hai nai cha pei pi nai ly:

EZARA 6:13

Naibaly samrang i bangtang kalen Tatenai, Shetha Bozenai hawi nini i ahawi kamkawm miteaung kehchi ly samrang i leu pei nai kamta takhawi y naimy sa u.

EZARA 6:7

Achura yhm sa nai kalop ai py paka u moh. Juda samrang bangtang kalen hawi Juda miteaung kehchi teng y, Tameuh i Achura yhm ai meingtym kangngymra y sa teang ai nai pei pi u.

NEHEMIA 1:11

Kai i chiu sa nai py, nang ai tahm khai nai nang i miseaungchi i chiu sa nai ai py, tangai pi kyh ba; vaini kai ai eaung ai nai pei ba. Empara samrang my kai i tlang tleaung y pahen ai nai ka-dawn so pi ba,” nanai kai ly chiu kasa. Huni neng khala y kai ly empara samrang teng y kreip hang talam pi nai keung ne.

SAM 76:10

Khumichi i kado theu nai ly nang ai palo tleaung palora naira lawn hai ai; tavai keung y dei y naimy heng rai naichi ly nang i pawi sa naichi typ u ai.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

ISAIA 27:8

Areng ly mymy i khumichi ai pri pala iy pajeng nai ne. Mymy ly nichi ai nisi mang dengdairei aho nai ali kamchai theung y pakheang vui nai kamta, mychi pri dengdairei kamlo y tha vui bo.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?