EZARA 6:5 - Khumi Common Language Bible

⁵ Samrang Nebukhadnezar my Jerusalem mary Achura yhm i nai Babulon mary y syn vui nai muku, tangka ateaung bawibawichi py, mymychi i mary Jerusalem Achura yhm y tha pi ali teang ai nai tla,” nanai abawi nai ne.

EZARA 6:5 ပူးပေါင်းရင်းမြစ်များ

2 ARENG KEH 24:13

Achura yhm hawi samrang yhm theung i, vang kateng bawibawichi ai Babulon pri mang y syn pawn nai ne. Areng my thui pi yb nai kamta, Nebukhadnezar ly Achura yhm y teaung ai nai samrang Solomon i sa nai, muku ateaung bawibawichi ai kheaung pawn bo.

2 NENG SATANG 36:10

Kanipui theu nai khala y samrang Nebukhadnezar ly Jehojakhin ai patiu iy Babulon pri y hawi vui bo. Samrang yhm i yhmtheaung katuichi py la pi pawn nai ne. Naibaly Nebukhadnezar ly Jehojakhin i ampochy Zedekiah ai Juda samrang y palyn i, Jerusalem mary y peang hai bo.

2 NENG SATANG 36:18

Babulon samrang ly Achura yhm theung i ateaungchi py, muku tangkachi py, samrang hawi miteaung kehchi i muku tangka ngiereichi py, la pi pawn bo.

EZARA 5:14

Huni samrang ly Jerusalem mary Achura yhm theung i Nebukhadnezar my la vui iy, Babulon mary tameuh yhm y khai vui nai muku, tangka ateaungchi pei ali teang nai ne.

JEREMIA 27:16

Naibaly kai ly Areng i thui pi nai leu ai, pathyp pi nai keungchi hawi khumichi teng y amti pi bo. Areng my, “Achura yhm i yhmtheaung katuichi ly kra y naimy Babulon pri i dengdairei ang tym ali teang ai, nanai thui nai amochi i leu tangai u moh. Nichi ly nangchi ai ang tapawp nai teu.

JEREMIA 52:19

Mai-aichi syn nai khala teaung nai sora chychi hawi seng-y-kang pangdaichychi, tawnbawi thi kadeng nai rahumchi, maidym khauchi, maisi yhm panuirachi, mui katuichi leng patlum naira khauchi, kreip hang katalamra y teaung nai khauchi napi nai muku, ti y baly tangka hawi sa nai vawnsai ngiereichi py syn u be nai ne.

DANIELA 1:2

Areng ly Nebukhadnezar teng y samrang Jojakim ai patiu ai nai hawi, Achura yhm i yhmtheaung ateaung phyrei ai, la pi pawn ai nai pei. Nebukhadnezar ly langheng hawi naichi ai, Babulon pri y awm nai my i tameuh yhm mang y hawi iy, la pi vui nai yhmtheaung ateaungchi ai, my i tameuh ai chiu nai yhm i vawn khai nai meingtymra y khai bo.

DANIELA 5:2

Huna nai nei u nai thym khala y, amposamrang Nebukhadnezar my Jerusalem mary Achura yhm i syn vui nai muku khau hawi tangka khauchi mymy teng y jeu hai ai nai leu pei bo. Mymy hawi vanrei bangtangchi, samrang i ajuchi hawi samrangnu i aheaung apaichi kreip hang nei ai nai, huni khauchi la ai nai leu pei nai ne.