EZARA 6:3 - Khumi Common Language Bible

³ Huni cha aeangra y ly “Empara samrang Kuru my mymy i peang nai angchei saneng y kapathyprachi talam ai nai hawi kapathyprachi leng patlum nai meingtym lawm ai nai molam y, Achura yhm sa palum teang ai nai tla, nanai leu pei nai awm.

EZARA 6:3 ပူးပေါင်းရင်းမြစ်များ

2 NENG SATANG 2:3

Solomon ly Turu samrang teng y savai pato iy leu pei nai ly “Nang ly kai i ampo samrang Davida teng y samrang yhm sa ai nai molam saitleang keungchi jo pi nai kamta, kai hawi py ka-jo ka-van so sina.

2 NENG SATANG 2:6

Tameuh i vui ly ami py Achura yhm so pi pajau y leang. Ati mana nai mo na baly temripma pany y na pa-rei kau nai kani khusang malawn py, Tameuh i vawi ly amchei asai rai. Hunai deaungkho y kai ly Tameuh i vui rimui patawi naira Achura yhm naini kasa ai.

2 NENG SATANG 36:22

Pasia empara samrang Kurumy peang nai angchei saneng y, Areng my ni teng y leu pei nai cha patheu hai iy, ni i empara pri verei y phain hai nai ne. Hina nai sa nai ly amo Jeremia dengdairei, Areng my leu pei nai kamta tym hai ai nai ne.

EZARA 1:1

Pasia samrang Kuru ly empara samrang lawm nai angchei i saneng y, Areng ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y Areng my amteng hai nai hawi vanrei atiti tym hai ai nai ne.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

EZARA 3:7

Khumi mipuichi ly lu sa kawp naichi hawi lasamachi ai pei ai awm nai tangkachi sabawm u nai ne. Lebanon daichi i saitleang keungchi ai pangli dengdai Joppa tuivum y tym pa-rei pathui hai ai nai Turu hawi Sidon mary i khumichi teng y teicha teinei, kreip hang hawi olive asituichi tha pi; hunichi ly Pasia empara pri peang nai samrang Kuru my leu pei nai ne.

EZARA 6:14

Juda miteaung kehchi ly amo Hakai hawi Zekhariah nini my atho pei nai deaungkho y, Achura yhm sa nai kalop hawihai palai sa u bo. Nichi ly Israela chengchi i Tameuh my leu pei nai hawi, Pasia empara samrang Kuru, samrang Dari, samrang Artazeretchi i leu pei nai molam y Achura yhm cheang pa-rei sa u.

SAM 122:4

Hini mary ly Areng my leu pei nai kamta, mymy ai kawn naimy palo ai nai Israela cheng theaungchi angym achu nai meingtym ne.

AMTENG HAI NAI 21:16

Naibaly avang pui ly ahilum nai ne; jeng ly ka khyrei awm teang: mymy ly huni cheaungvawi hawi avang pui pata i, hlau meaungkateaungrei bo y sang nyhrei awm: jeng ka hawi kasang py vanrei angeng khyp nai ne.