EZARA 6:22 - Khumi Common Language Bible

²² Nichi ly kani saryh ryrei tako angbo abawi y nai pawi ai amo theu parai naimy sa u bo. Israela chengchi i Tameuh i vui Achura yhm sa naira y abawi ai ngai nai paleung ly Suria empara samrang teng y Tameuh my pakun pi bo. Hunai deaungkho y nichi ly khri pa-rei amo theu u nai ne.

EZARA 6:22 ပူးပေါင်းရင်းမြစ်များ

2 ARENG KEH 23:29

Samrang Joseah i peang nai thym khala y Aikupta samrang Neko ly Asuria empara samrang ai sabawm ai nai tavaimichi hawi Euphrat tavo mang y amsa bo. Samrang Joseah ly Mekido mary y Aikupta tavaimichi ai paka ai nai atho sa i, tavai keung y dei nai ne.

2 NENG SATANG 23:18

Jehojada ly pathyp pi nai keungchi hawi Levi theaungchi teng y, Achura yhm i kalopchi sa ai nai khai. Nichi ly samrang Davida my khai pi yb nai kalopchi sa iy, Mosi i Reita cha-iu theung y tajiu nai kamta, leng patlum nai kapathyprachi Areng teng y talam u. Nichi ly katyn kapau beu nai hawi pawi sa nai kalopchi py sa u ai tla.

2 NENG SATANG 29:30

Samrang Hezekia hawi mipuichi ai lu sa naichi ly Levi theaungchi ai Davida hawi amo Asap nini my tajiu pi yb nai palo nai khulymchi thui hai nai ne. Hunai deaungkho y nichi ly amo theu parai naimy khulym thui u iy, kheukhu di naimy Tameuh ai chiu u bo.

2 NENG SATANG 30:21

Jerusalem mary theung y awm angym nai khumichi ly khri pa-rei amo theu parai naimy, tako angbo abawi y nai pawi kani saryhrei sa u nai ne. Levi theaungchi hawi pathyp pi nai keungchi ly kani tlei tleirei, ham parai naimy Areng ai palo u bo.

2 NENG SATANG 33:11

Hunai deaungkho y Areng ly Asuria tavaimi kamkawm hawi tavai luchi ai, Juda pri y kun ai nai pei bo. Nichi ly Manase ai patiu i tamo leangkhawn hawi ve iy, sengkry hawi pakheng naimy Babulon mary mang y hawi jo nai ne.

2 NENG SATANG 35:17

Huni meingtym y awm u nai Israela khumi bawibawichi ly Katlen Vui nai Pawi hawi tako angbo abawi y nai pawi kani saryhrei sa u bo.

EZARA 1:1

Pasia samrang Kuru ly empara samrang lawm nai angchei i saneng y, Areng ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y Areng my amteng hai nai hawi vanrei atiti tym hai ai nai ne.

EZARA 6:1

Hunaibaly empara samrang Dari ly Babulon mary y khai nai samrang yhm recordchira y hau ai nai leu pei bo.

EZARA 7:27

Ezara my, “Achi i amsi pajochi i Areng Tameuh ai ly palo u! Mymy ly empara samrang teng y Jerusalem mary y awm nai Areng Tameuh i Achura yhm ai, hina nai tahm khai ai nai paleung pei pi lawh bo.

NEHEMIA 13:6

Hina nai thym khala y kai ly Jerusalem mary y by y; Babulon samrang Artazeret i peang nai saneng 32 rei neng khala y, kai ly sa nai saichi amti pi ai nai kachei nai neng ne. Neng kra y nai sala y kai ly samrang teng i leu nga nai deaungkho y,

LEU KACHENG 16:7

Areng my kawn hai ai nai asa nai khumi ly my i paleung ka-e ai malawn py, ahawi ka-dawi lawm hai pajau ai.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.

Ezekiela 23:23

Babulon hawi Khalide khumichi, Pekod, Shoa, Koa mang i khumichi hawi, Asuria pri i khumi bawibawichi py palau pi ai. Nichi bawibawi ly mo-cha hawi iy, hawithym nai samrang i bangtangchi, keaungngo ka-ri kamkawm miteaung kehchi, tahm asang nai keaungngo atang nai tavaimi luchi ne.

MATTHAI 26:17

Naibaly tako angbo abawi y nai pawi angchei i kani y ly abangnaichi ly Isu teng y chei u iy, “Katlen Vui nai pawi cha ai nai ma mang y pawi pi ai nai ngai mo?” napi.

JOHAN 19:11

Isu my pathang i, “Salo mang i dengdairei ang pei nai ny y baly kai i tlang tleaung y nang sa pajau ai naira ha py nga ai ny y leang; hunai deaungkho y kai ai nang teng y au nai keung ly kamngo len ra bo,” napi.