EZARA 6:16 - Khumi Common Language Bible

¹⁶ Naibaly Israela mipuichi, napi nai pathyp pi nai keungchi, Levi theaungchi hawi, pri palara i vawi u ali teang nai khumi bawibawichi ly amo theu parai naimy Achura yhm khai takhra u bo.

EZARA 6:16 ပူးပေါင်းရင်းမြစ်များ

1 ARENG KEH 8:62

Naibaly samrang Solomon hawi mipui bawibawichi ly Areng teng y kapathyprachi talam u bo.

1 ARENG KEH 8:63

Samrang ly si 22,000 rei hawi beram 120,000 reichi ai amkawm nai kapathypra talam bo. Hunai kamta samrang hawi mipui bawibawichi ly Achura Yhm khai takhra nai ne.

1 NENG SATANG 15:28

Huna nai kamta Israela cheng bawibawichi ly amo theu parai naimy aeu iy, bawchi, sa-rachi hawi tarochi beu naimy, Jerusalem mary mang y Leu Maikawm Pawm angjeaung u nai ne.

1 NENG SATANG 9:2

Mymychi amsi pajochi i saleaung khuteng ra y tym angchei nai khumichi theung y, Israela cheng amlawn naichi, pathyp pi nai keungchi, Levi theaungchi hawi Achura yhm y kalop sa nai khumichi abawi nai ne.

2 NENG SATANG 29:30

Samrang Hezekia hawi mipuichi ai lu sa naichi ly Levi theaungchi ai Davida hawi amo Asap nini my tajiu pi yb nai palo nai khulymchi thui hai nai ne. Hunai deaungkho y nichi ly amo theu parai naimy khulym thui u iy, kheukhu di naimy Tameuh ai chiu u bo.

2 NENG SATANG 30:23

huni bo y pawi kani saryhrei sa bi ai nai leu pacheang u i, amo theu parai naimy pawi sa u bi nai ne.

2 NENG SATANG 30:26

Jerusalem mary i khumichi ly Davida i chapo samrang Solomon deung i dengdai vaini khrairei, hina nai pawi so u vai y nai deaungkho y, khrikhri pa-rei amo theu u bo.

2 NENG SATANG 7:5

Samrang ly si 22,000 rei hawi, beram 120,000 reichi ai amkawm nai kapathypra palawn iy talam. Hina nai kamta samrang hawi mipui bawibawichi ly Areng ai chiu nai Achura yhm khai takhra nai ne.

EZARA 4:1

Pri palara i nai vawi ali teang nai khumichi ly Israela chengchi i Areng Tameuh i Achura yhm sa palum teang bo, nanai Juda hawi Benjamin nupaichi i paleung ka-echi my thai u bo.

EZARA 6:22

Nichi ly kani saryh ryrei tako angbo abawi y nai pawi ai amo theu parai naimy sa u bo. Israela chengchi i Tameuh i vui Achura yhm sa naira y abawi ai ngai nai paleung ly Suria empara samrang teng y Tameuh my pakun pi bo. Hunai deaungkho y nichi ly khri pa-rei amo theu u nai ne.

NEHEMIA 12:27

Jerusalem mary apai khai takhra nai khala y, Levi theaungchi ly amo theu parai naimy kawn nai leu thui nai khulymchi thui iy, sa-ra hawi tarochi beu naimy abawi u ai nai, nichi awm nai meingtymchira i dengdairei hawi u bo.

NEHEMIA 12:43

Huni kani y kapathyprachi neangneang talam u bo. Tameuh my amo theu ai nai pei nai deaungkho y, khumichi ly amo theu u nai ne. Nichi hawi vanrei, neampachychi hawi deaungdichi py abawi u i, nichi i amo theu nai raawi katyn ly kamlo mang my py thai nanai ne.

NEHEMIA 7:73

Pathyp pi nai keungchi, Levi theaungchi, Achura yhm tamcheaung typ nai risachi, katyn kapau beu kawp naichi, mipui neangneangchi, Achura yhm y kalop sa nai khumichi, napi nai Israela cheng bawibawichi ly mary katheang kalenchira y khuteng chah u nai ne.

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

SAM 122:1

Nichi my, “Achi ly Areng i yhm y chei u sina,” nanai thui nai khala y, kai ly amo theu parai nai ne.

DANIELA 5:13

Nichi ly Daniela ai samrang i mo y tym hai praw i, samrang my Daniela teng y, “Nang ly Juda pri i dengdairei, kai i ampo samrang my hawi nai, Juda cheng langheng leaungrei Daniela napi nai khumi ne a?

JOHAN 10:22

Naibaly Jerusalem avang y Khai Takhra nai pawi awm: huni ly kaseih kha y.

Leu Thui Nai 12:7

Nangchi i Areng Tameuh ly nangchi ai amtheaung hai nai deaungkho y, nangchi kalop sa iy nga nai teicha teineichi ai nangchi hawi vanrei, nangmychi i yhm dengtheungchi ly huni meingtym mymy i mo y amo theu parai naimy cha u ai nai tla.

PHILIPI 4:4

Areng y ly kawn u jojo; kang napi bi ai kawn u.