EZARA 6:14 - Khumi Common Language Bible

¹⁴ Juda miteaung kehchi ly amo Hakai hawi Zekhariah nini my atho pei nai deaungkho y, Achura yhm sa nai kalop hawihai palai sa u bo. Nichi ly Israela chengchi i Tameuh my leu pei nai hawi, Pasia empara samrang Kuru, samrang Dari, samrang Artazeretchi i leu pei nai molam y Achura yhm cheang pa-rei sa u.

EZARA 6:14 ပူးပေါင်းရင်းမြစ်များ

EZARA 3:8

Hunai deaungkho y nichi ly Jerusalem mary Achura yhm sa nai meingtym y tym u ali teang nai saneng, pa-nyh lo y, Achura yhm sa nai kalop amteaung u. Zerubabela, Josua hawi amjo amnauchi, pathyp pi nai keungchi, Levi theaungchi dengdairei amteaung iy, Jerusalem mary y tym u ali teang nai pri pala nai cho bawibawichi ly sa amteaung nai kalopra y abawi u.

EZARA 4:24

Achura yhm sa nai kalop ly Pasia empara samrang Dari my peang nai pa-nyh saneng tym pa-rei anawn nai ne.

EZARA 4:3

Zerubabela, Josua nupaichi ai lu sa naichi my ly nichi teng y, “Kaichi ly kaimychi i Areng Tameuh i vui Achura yhm sa naira y nangchi i kasabawm aly ngai y leang. Pasia empara pri samrang Kuru i leu pei nai molam y, huni Achura yhm ai kaimychi naimy kasa u ai,” nanai pathang.

EZARA 5:1

Amo Hakai hawi Iddo i chapo amo Zekhariah nini ly Juda pri hawi Jerusalem mary y awm nai Juda khumichi teng y Israela chengchi i Tameuh my amteng hai nai leu thui pi u bo.

EZARA 5:13

Naibaly nichi my, “Babulon empara samrang Kuru ly mymy i peang nai angchei saneng y, Achura yhm sa palum teang ai nai leu pei bo.

EZARA 5:2

Sheltiel i chapo Zerubabela hawi Jehozada i chapo Josua nini ly hini amteng hai nai leuchi thai nai khala y, Jerusalem mary Achura yhm ai sa u amteaung teang bo. Amo leaung nyhrei ly nichi ai sabawm nai ne.

EZARA 6:3

Huni cha aeangra y ly “Empara samrang Kuru my mymy i peang nai angchei saneng y kapathyprachi talam ai nai hawi kapathyprachi leng patlum nai meingtym lawm ai nai molam y, Achura yhm sa palum teang ai nai tla, nanai leu pei nai awm.

EZARA 6:8

Sa palum teang nai kalopra y nichi ai sabawm ai nai, vai nangchi teng y kaimy leu kang pei bo. Nichi i sa nai kalop avawby y ai nai pasum nai chareichi ly Euphrat tavo pui nidym mang y cheaung nai kahm tangka, samrang i peang nai tangka-yh theung i pei pi u praw.

EZARA 7:1

Saneng neangneang kra nai khala Pasia empara samrang Artazeret deung y, Ezara napi nai khumi leaungrei awm. Ni ly pathyp pi nai keung kalen keh Aron i kangpreang ne; hunichi ly: Ezara i ampo ly Seraiah, Seraiah i ampo ly Azariah, Azariah i ampo ly Helkia,

EZARA 9:9

Kaichi ly miseaung achei i py, nang ly kaichi ai miseaung ne i py khai su y leang. Nang ly Pasia empara i mo y kaichi ai meimai nga hai iy tlang heng ai nai hawi, phra seaungkhrang nai Achura yhm sa palum teang ai nai nga nai hawi, Juda pri Jerusalem mary y phrumai by y pa-rei awm ai nai pei nai ne.

NEHEMIA 6:15

Kalop sa nai kani 52 rei awm nai khala y, Elula lo kani 25 rei kani y, mary apai sa nai anawn bo.

ISAIA 44:28

Kai ly Kuru samrang ai py, ‘Nang ly kai i jeng y peang ai nai keung ne. Nang ly kai i sa ai tau naichi sa ai nai tla, Jerusalem mary palum teang ai nai hawi Achura yhm langdengchi leng ai nai tla, nanai leu kang pei,” napi.

HAKAI 1:1

Pasia pri empara samrang Dari i peang nai pa-nyh saneng, tariu lo, kani harei kani y Areng my amo Hakai teng y pei nai leu ne. Huni leu pei nai ly Juda samrang i bangtang kalen Shealtiel i chapo Zerubabela hawi, pathyp pi nai keung kalen keh Jehizada i chapo Josuachi i vui ne.

HAKAI 1:8

Vaimy mawichi mang y chei u iy, dengkeaungchi lo u ly Achura yhm so u teang. Hunaibaly kai ly kawn ai; cheang baly avo nai kamta kai ai chiu u pajau ai.

ZEKHARIAH 1:1

Hini leu ly Pasia empara samrang Dari my peang nai pa-nyh saneng, tajarei lo theung y Areng my amo Zekhariah teng y pei nai leu ne. Zekhariah ly Iddo i katu, Berekhia i chapo ne.

ZEKHARIAH 1:16

Jerusalem mary ai pahen nai sai patei ai nai, kavawi ali teang nai ne. Kai i Achura yhm sa palum teang iy, Jerusalem mary pui ai py, sa palum u teang ai nai tla ai,” napi.

ZEKHARIAH 4:9

Mymy ly “Zerubabela ly Achura yhm leng nai amteaung chum bo. Ni ly huni yhm sa nai pajau ai bo. Huna nai pacheang chum nai khala y kai i khumichi my nichi teng y, nang ai pato nai keung ly ati cheaungkhang sa thai nai keung kai, Areng ne, nanai pany u ai.

ZEKHARIAH 8:9

“Sorai paleung awm u! Nangchi thai u nai leuchi ly kai i Achura yhm sa palum teang ai nai langdeng pala nai neng khala y, amochi thui nai leuchi ne.