EZARA 4:15 - Khumi Common Language Bible

¹⁵ Naibaly nang i amsi pajochi my khai pi nai cha-iu theung y hau baly, hini mary ly atiu reng nai hawi jangni dengdairei khu ka-peangchi ai peang nai samrang hawi samrang i bangtang kalenchi ai, rai naira tym hai reng nai py niu ai mang. Hini mary i khumichi ai peang nai ly rai jojo; huni molam y hini mary ly taphra naira avum nai ne.

EZARA 4:15 ပူးပေါင်းရင်းမြစ်များ

2 ARENG KEH 24:20

Areng ly Jerusalem mary i khumichi hawi Juda pri i khumichi ai, khri pa-rei kado theu nai deaungkho y, mymy mei ka-niu i nai patheu pawn nai ne.

2 ARENG KEH 25:4

Huna nai khala tavaimi risa bawibawichi ly mary apai taphra iy, vum y preang u. Nichi ly samrang i akho bai lam mang tako prei nai, mary apai nyhrei sala i katheu pa-kho mang theu u iy, Jordan leaunghawi mang y angpreng u.

EZARA 4:12

“Nang parai nai keung awi, nang i takhra khu ka-peangchi mang i hi y jeu u nai Juda chengchi ly Jerusalem mary y khuteng sa iy huni hawi y parai nai, atiu reng nai mary ai palum u nai ne, nanai nang teng y kang pany hai nai bo. Nichi ly mary apaichi sa amteaung u bo i, kra y nai sala y pajau ai bo.

EZARA 4:14

Kaichi ly nang i pahen nai anui y awm naichi ne i, huna nai kahm tangka di vui ai nai ngai hai y.

EZARA 4:16

Huna nai y hini mary hawi apaichi sa palum nai pajau vui lawh baly, samrang nang ly Euphrat tavo pui nidym ka-peang y peang pajau ai ny y leang bo, nanai kang pany hai nai ne,” napi.

NEHEMIA 2:19

Naibaly huni satang ai Sanbala, Tobiah hawi Arab cheng Keshemchi my thai u nai khala y, kaichi ai ang panui hai nai tarawi y nichimy thui nai ly “Nangchi i katau ly ati mo? Nangchi ly empara samrang ai tiu u nai a?,” ang napi u.

NEHEMIA 6:6

Cha i leu saichi ly “Nang hawi Juda chengchi ly tavai thau ai nai tau nai ka-dawn y mary apai sa u nai ne, nanai tengpang sahawi i khumichi my thui pi nai satang ai, Keshem teng i nai kai ly thai bo. Nang ly samrang sa ai nai ngai nai deaungkho y,

ESTHER 2:23

Huni molam chih nai khala, Modekai my pei nai satang ly teng, nanai pany nai deaungkho y, huni leaung nyhrei ai akaeu naira y padei vui nai ne. Samrang ly hini molam y empara pri cha-iu theung y tajiu hai typ bo.