EZARA 3:11 - Khumi Common Language Bible

¹¹ Nichi my Areng ai palo u nai ly “Areng ly hawi, mymy i tamen naira ly Israela chengchi i vui deungtasarei ne,” nanai khulym thui anawira anawira iy Areng ai palo u. Achura yhm leng amteaung chum nai deaungkho y khumi bawibawichi ly Areng ai aeu naimy palo u nai ne.

EZARA 3:11 ပူးပေါင်းရင်းမြစ်များ

1 NENG SATANG 16:34

Areng ly hawi nai deaungkho y, kawn naimy palo u. Mymy i tamen nai ly deungtasarei ne.

1 NENG SATANG 16:41

Areng i tamen nai ly deungtasarei ne nai deaungkho y, palo nai khulym hawi mymy ai palo ai nai vawi takhra nai khumi Heman, Jeduthun hawi takhra khumichi py, huni meingtym y pathyp pi nai keungchi hawi vanrei awm u bo.

2 NENG SATANG 7:3

Israela chengchi ly kani khusang mang dengdairei mai tla iy, Achura yhm ly phum-ang kangvang hawi kawi nanai niu nai khala, angsaveaung paichira ambeu naimy, “Nang ly hawi nai ne iy, tamen naira ly deungtasarei ne,” nanai Areng ai palo u bo.

NEHEMIA 12:24

Hashabiah, Sherebiah, Jeshua, Binnui hawi Kamielachi i lu sa nai anui y awm nai Levi theaungchi ly kamkawmchi phy iy, kalop sa u. Nichi ly Tameuh i miseaung Davida my lam patei nai kamta, tlenreira y kamkawm nyh nyhreichi ly Tameuh ai palo naimy kawn nai leu thui u bo.

NEHEMIA 12:40

Hunaibaly Tameuh teng y kawn nai leu thui nai khumi kamkawm nyhrei ly Achura yhm ka-peangra y tym u nai ne. Kai hawi vanrei abang nai luchi khyh chang y naimy,

SAM 100:5

Areng ly hawi nai ne; mymy i tamen nai ly deungtasarei khaw iy, mymy i ka-ym awm nai sai py, deung bawibawi tym pa-rei awm jojo ai.

SAM 103:17

Na i py Areng ai jei naimy tahm khai naichi i vui y, mymy i tamen nai ly deungtasarei khaw jo nai ne.

SAM 106:1

Areng ai ly palo u! Areng ly hawi nai deaungkho y kawn nai leu thui u; mymy i tamen nai ly deungtasarei ne.

SAM 107:1

“Areng ly hawi nai deaungkho y kawn naimy palo u; mymy i tamen naira ly deungtasarei ne!,” nanai

SAM 118:1

Areng ly hawi nai ne i, tamen naira ly deungtasarei awm nai deaungkho y, mymy ai kawn nai palo u.

SAM 131:1

Aw Areng, kai ly paleung len amlyh nai ai khai su bo; tahm apasang nai py khai su nai ne. Kai ly khri pa-rei kalop kalenchira py, pany ai nai rai parai nai leaungsaichira py, paleung apei y leang bo.

SAM 135:3

Areng ly hawi nai deaungkho y mymy ai palo u; mymy ly pahen nai deaungkho y, mymy i amyn palo nai khulym thui u.

SAM 47:1

Khumi cheng cheaungkhangchi awi, amo theu nai kiu tabeang u! Tao pajeng parai naimy khulym thui iy, Tameuh ai palo u!

SAM 47:5

Tameuh ly mymy i atehra bailang mang y lyn kalau bo; Areng lyn kalau nai khala, amo theu aeu nai raawichi hawi baw eng nai katynchi thai u nai ne.

THEU NAI 15:21

Mariam my, “Areng ai ly palo u, ati mana nai mo nabaly mymy i nang parai nai hawi eaung naira nga hai nai ne; mymy ly tavai keaungngochi hawi keaungngo atang nai risachi ai pangli tui y anum hai chauchau bo,” nanai khulym adi iy thui nai ne.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

ISAIA 6:3

Nichi ly “Ati cheaungkhang sa thai nai Areng ly Kachai, Kachai, Kachai ne! Khaileaung pri ly mymy i nang parai nai hawimy kawi be bo,” nanai aeu u.

JEREMIA 33:11

amo theu nai raawichi hawi, apom nai pawira i amo theu nai katyn kapauchi thai u ali teang ai. Khumichi ly kawn nai katalamrachi kai i Achura yhm y syn nai tarawi y khulym thui u nai raawichi, nangchi thai u ai. Nichi my, ‘Ati cheaungkhang sa thai nai Areng teng y, kawn nai leu thui u; ati mana nai mo nabaly mymy ly hawi nai ne iy tamen naira ly deungtasarei awm jojo nai deaungkho y ne,’ nanai thui u ai. Kai ly hini pri ai jangni khala i kamta, nang chawn hai teang ai. Hini ly kai Areng i thui nai leu ne,” napi.

HAKAI 2:3

“Vaichi khala i Achura yhm ly mana tanrei apu parai na mo, nanai pany nai khumi nangchi theung y awm a? Vai ly hini Achura yhm ai, nangchi ati mana niu u mo? Huni ly ati sai py ny y nai kamta lawm ai.

ZEKHARIAH 4:7

Mawichi kamta khri pa-rei rai nairachi ly nang i mo y tama vui ai. Nang ly Achura yhm sa palum teang ai. Yhm taki i lengseaung tleangleang nai sa chum nai khala y, mipuichi my, ‘Apu parai na a, apu parai na a!’ nanai aeu u ai,” napi.

ZEKHARIAH 9:9

Zion mary i khumi bawibawichi awi, amo theu u, amo theu u! Nangchi Jerusalem mary i khumichi awi, amo theu naimy aeu u! Khen u; nangchi i samrang ly nangchi teng y ang jeu bo! Huni samrang ly eaung naira nga i, atleu ai nai ang jeu nai ne i py, paleung apanem naimy keaungngo kano kasau nu i cho, keaungngo kano kasau cho tleaung y, atang naimy ang jeu bo.

LUKA 1:50

Mymy ai tahm khai naichi ai ly deung kangthau khrairei ang pahen jojo ai.

JOSUA 6:10

Josua my khumi bawibawichi teng y, “Kaimy leu pei y rai khala, amimi py aeu moh, leu py katheu moh,” nanai thui pi yp bo.

JOSUA 6:16

Mary ai tlen saryhrei taki thym nai, pathyp pi nai keungchi baw eng ai yh yh nai khala, Josua ly khumi bawibawichi teng y, “Tao pajeng parai naimy aeu u; Areng my nangchi teng y mary ang pei nai bo!

JOSUA 6:5

Naibaly pathyp pi nai keungchi ly baw raawi pajeng parai naimy tlenrei eng u ai nai tla. Huni baw katyn thai nai khumi bawibawichi ly tao pajeng parai naimy aeu u ai nai tla. Huna nai khala mary apai anawi ai i, tavaimi risa bawibawichi ly mychi awmra dengdairei, rai y nai my mary theung y kun ai nai nga u ai,” nanai leu pei bo.