EZARA 2:58 - Khumi Common Language Bible

⁵⁸ Pri palara i vawi ali teang nai Solomon i miseaungchi hawi Achura yhm y kalop sa naichi i katu chanau bawibawichi ly leaung 392 reichi ne.

EZARA 2:58 ပူးပေါင်းရင်းမြစ်များ

1 ARENG KEH 9:20

Solomon ly kanan pri ai Israela chengchi my peang nai thym khala, padei be y nai kanan cheng khumichi ai miseaung kamta kalop sa naira y teaung nai ne. Nichi theung y Amori, Hiti, Perizi, Hivit hawi Jebusi chengchi py abawi u. Nichi i katu chanauchi ly vaini khrairei miseaung y awm jo nai ne.

1 NENG SATANG 9:2

Mymychi amsi pajochi i saleaung khuteng ra y tym angchei nai khumichi theung y, Israela cheng amlawn naichi, pathyp pi nai keungchi, Levi theaungchi hawi Achura yhm y kalop sa nai khumichi abawi nai ne.

EZARA 2:59

Tel Melah, Tel Hasha, Kheru, Adan hawi Immera marychi ra i dengdai theu u nai Delaiah, Tobiah hawi Nekoda nupaichi ly leaung 652 reichi ne. Na i py nichi ly Israela cheng theung i kangpreangchi ne, nanai mymychi naimy thui khyp pajau y.

NEHEMIA 7:60

Pri palara i vawi teang nai theung i Achura yhm y kalop sa naichi hawi Solomon i miseaungchi dengdairei angpreng nai khumi vuikanai ly 392 rei awm nai ne.

Parip nai leu 2:7

Kai ly miseaung neangneang kavan bo. Naibaly kai i yhm theung y miseaung chochi py tapen mang. Kai ly Jerusalem mary y awm vai nai amichi tleaung y malawn py, tawnbawichi kanang nai ne.

JOSUA 9:21

Nichi ai law tleaung naira pei u sina. Na i py nichi ai achi i vui tui deu, theng ei kalopchi sa hai ai nai tla,” nanai tau pei nai kamta, Israela chengchi ngai u nai ne.

JOSUA 9:23

Huni katamang molam y, Tameuh ly nangchi ai kamngo vang pajeng bo. Hunai deaungkho y kai i Tameuh yhm i vui nangchi ly tui deu, theng ei kalopchi sa iy, miseaung y awm u jojo ai nai tla,” napi.

JOSUA 9:27

Tlenrei khyhmy nichi ai miseaung palawn i, Israela chengchi hawi Areng i vui tui deu, theng ei nai kalop sa hai bo. Vaini khrairei nichi ly Areng my vawi patyp nai, chiu sa nai meingtymra y tui deu, theng ei kalop sa ai nai tla u jojo nai ne.