EZARA 10:6 - Khumi Common Language Bible

⁶ Naibaly ni ly Achura yhm mo i nai ang thau iy Eliashib i chapo Jehohanan i takun mang y chei iy, pri palara i vawi ali teang nai khumichi i leu atangai y nai molam y, vumtorei ati sai py cho y naimy tangam bo.

EZARA 10:6 ပူးပေါင်းရင်းမြစ်များ

EZARA 10:1

Ezara ly Achura yhm mo y lu meung naimy vo iy, kamngo ahui i chiu sa nai thym khala y, Israela neampacho, neampachy, deaungdichi abawi nai khumi mipuichi ly vo nai tarawi y ni teng y angym u bo.

EZARA 10:7

Naibaly pri palara i vawi ali teang nai khumichi ly peang nai keungchi hawi mipuichi my leu pei nai kamta, kani thomrei sala y Jerusalem mary y tym angym ai nai tla.

EZARA 9:4

Dym mang apathyp ai nai neng tym i, khumichi ly kai teng y jeu u achu nai ryrei, kai ly paleung si nai hawimy huni meingtym y ateh jo rai; nichi ly pri palara i vawi ali teang nai khumichi i kamngo nai molam y, Israela chengchi i Tameuh my leu pei nai deaungkho y jei hyn nai khumichi ne.

NEHEMIA 12:10

Josua i chapo ly Jojakim, Jojakim i chapo ly Eliashib, Eliashib i chapo ly Jojada ne;

NEHEMIA 12:22

Pathyp pi nai keung kalen keh Eliashib, Jojada, Jonathan hawi Jaduachi i deung y Levi yhm dengtheungchi hawi pathyp pi nai keung yhm dengtheungchira y lu sa naichi i amyn vuikanai ly tajiu typ bo. Hini vuikanai ai ly Pasia empara samrang Dari deung y tajiu pajau nai ne.

NEHEMIA 13:28

Jojada ly pathyp pi nai keung kalen keh Eliashib i chapo ne. Na i py ni i chapo leaungrei ly Beth Horon mary i Sanbala i chaniu hawi yhmtheaung sa nai deaungkho y, kai ly Jojada ai Jerusalem mary i nai kapatheu vui bo.

NEHEMIA 13:5

cha nei katalamrachi, mui katuichi, Achura yhm i vui ateaung alangchi, pathyp pi nai keungchi i vui katalamrachi hawi Levi theaung Achura yhm katyn kapau beu nai keungchi, Achura yhm tamcheaung typ nai risachi i vui horei y harei talam nai choh, kreip hang hawi olive asituichi khai ai naini teaung nai takun kalen pui ly Tobiah ai teaung ai nai pei pi nai ne.

NEHEMIA 3:1

Mary apai palum teang nai sai ly hina nai ne: Pathyp pi nai keung kalen keh Eliashib hawi, ni i ahawi pathyp pi nai keungchi ly beram katheu palum teang iy khai takhra i, katheu dawnchi tai u bo. Nichi ly apai chungvai angdeangra hawi Hananela angdeangra y tym pa-rei sa u bo.

NEHEMIA 3:20

Huni bo i ka-hyhrei ai Zabai i chapo Baru ly pathyp pi nai keung kalen keh Eliashib i yhm apai pa-kho ryrei sa.

JOBA 23:12

Kai ly Tameuh my leu pei nai kamta, kasa jojo nai ne. Mymy i ngai nai kamta tako nai ne; kaimy i kangai tako y leang.

SAM 102:4

Kai ly acha keung kamta pakhau piupa nai avum iy, jeirawm naimy awm ai; kai ly teicha cha ai nai paleung by y na bo.

THEU NAI 34:28

Mosi ly ati sai py cho nei y naimy kani y kani vui palyhrei, vum y vum vui palyhrei, hu y Areng hawi vanrei awm nai ne. Ni ly lengseaung phei nyhrei tleaung y Leu Maikawm, napi nai Leu sai Horei tajiu typ bo.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

Leu Thui Nai 9:18

Nangchi ly Areng ai hi vui iy kado theu hai nai deaungkho y, kai ly kani vui palyhrei ati sai py cho nei y naimy khaileaung y ambeu iy kachiu bi nai ne.