EZARA 10:1 - Khumi Common Language Bible

¹ Ezara ly Achura yhm mo y lu meung naimy vo iy, kamngo ahui i chiu sa nai thym khala y, Israela neampacho, neampachy, deaungdichi abawi nai khumi mipuichi ly vo nai tarawi y ni teng y angym u bo.

EZARA 10:1 ပူးပေါင်းရင်းမြစ်များ

1 ARENG KEH 8:30

Hini meingtym mang y mo tha naimy kai hawi nang i khumichi chiu sa nai khala y tangai pi kyh ba. Nangmy i awm nai kani pri mang dengdairei, kaichi i hnei takeng naichi tangai pi iy, kaichi i kamngo py pahen kyh ba.

1 ARENG KEH 9:3

Areng my ni teng y, “Kai ly nang i chiu sa nai thai bo; kai ai chiu jojo nai meingtym lawm ai nai, nang i sa nai hini Achura Yhm ai kaimy khai takhra pi bo. Hini Achura Yhm ai kaimy avawrei kang khen pi ai.

2 NENG SATANG 20:13

Juda neampacho bawibawichi ly mymychi i aju chanauchi hawi vanrei, Achura yhm mo y angdo u bo.

2 NENG SATANG 20:9

Tavai ka-jeira, chym thai nai no mi ka-jeira, takang ka-jeirachi napi nai, mani ka-jeira py ne sy, tym nai thym khala nichi ly nang ai chiu ai nai Achura yhm mo jeu iy angdo naimy chiu sa baly, nang ly tangai pi iy, nichi ai atleu pi ai, nanai kaichi ym.

EZARA 10:6

Naibaly ni ly Achura yhm mo i nai ang thau iy Eliashib i chapo Jehohanan i takun mang y chei iy, pri palara i vawi ali teang nai khumichi i leu atangai y nai molam y, vumtorei ati sai py cho y naimy tangam bo.

NEHEMIA 1:4

Huni satangchi thai nai khala y kai ly ateh iy kavo bo. Kai ly kani neangneang vo tangam naimy biu kahai chum baly,

NEHEMIA 1:6

Aw Areng, kaichi ai khen ly nang i miseaung Israela chengchi i vui, vum kanithun kai i chiu sa hnei takeng nai tangai pi kyh ba. Israela chengchi ne nai kaichi ly kamngo sa tamang nai khumichi ne, nanai kai my ahui bo. Kaichi i amsi pajochi hawi kai ly kamngo sa bo.

NEHEMIA 10:28

Achi i pri y awm nai cheng takhrachi hawi amprei u nai Israela chengchi, pathyp pi nai keungchi, Levi theaungchi, Achura yhm tamcheaung typ nai risachi, Achura yhm y katyn kapau beu kawp naichi, Achura yhm y kalop sa naichi hawi kaichi ly kaimychi i ajuchi, tleaungri acheang nai cho chanauchi hawi vanrei,

NEHEMIA 8:9

Nichi ly Reita leu pei nai theung i dawn hai naichi thai nai khala y, paleung ama nai vo u bo. Naibaly samrang i bangtang kalen Nehemia, Reita leu kawp nai pathyp pi nai keung Ezara hawi Reita leu pei nai cha-iu i awm nai sai thui pachai nai Levi theaungchi my, “Vaini ly nangchi i Areng Tameuh i kani kachai ne. Hunai deaungkho y nangchi ly paleung ama nai vo tangam u moh.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 32:5

Huna nai khala y kai ly kaimy i kamngochi ai, nangmy teng y pany hai bo. Kai i sa tamang naichi ai nang teng y apha y leang bo. Hunichi ai nang teng y ahui ai nai, kai i paleung y dawn yb veng bo. Nang ly kai i sa tamang nai ngiereichi, kamngo palawi pi bo.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

DANIELA 9:20

Kai ly chiu sa bi i, kaimy i kamngochi py, kaimy i khumi Israela chengchi i kamngochi py, ahui naimy nang i chai parai nai Achura yhm sa palum teang ai nai, kai i Areng Tameuh teng y hnei takeng nai ne.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

MATTHAI 3:6

mymy teng y chei u iy mymychi i kamngo ahui u nai Jordan tavo y mymy teng y baptisma nga u bo.

LUKA 19:41

Naibaly tym ai nai takengkei khala ly avang niu i vo hai i,

AMTAW 10:30

Naibaly kornelia my ly, “Vaini kani palyhrei awm bo, vai hini neng khala y khrairei kaimy i yhm y choh amang neng kha y chiu sa i, khen cham, khumi leaungrei kanih angvang parai nai akhiu i kai i mo y angdo iy,

AMTAW 21:5

Naibaly huni neng chi bo nabaly kaichi theu i chei bi bo, nichi bawibawi ly, mymychi i aju chanauchi hawi apai ngam y khrairei pavum; naibaly pangli peang y kheukhu di iy kaichi chiu sa;

ROM AVANGCHI TENG Y PAWLA I CHA PA NAI 9:2

kai i paleung y khrikhri pa-rei patang naira hawi paleung mawn naira y rym pajau y nai awm, nanai Phailo Kachai y ly kai i hawi nai hawi y nai pany naira my ly kai ai ang pany hai.

Leu Thui Nai 31:12

Neampacho, neampachy, deaungdi hawi nangchi i marychi theng y awm nai cheng takhra khumichi raurei, khumi bawibawichi palau achu iy nichi ly huni reita leu pei naichi thai ai i, nangchi i Areng Tameuh ai tahm khai jei kaji naimy leu pei naichi ai paleung hawi verei patawm u ai.

JOSUA 7:6

Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.

JOSUA 8:35

Josua ly neampachy hawi deaungdichi, nichi hawi vanrei awm nai cheng takhrachi raurei, Israela cheng bawibawichi i mo y, Mosi my pei nai Reita ngiereichi phain pi nai ne.