EZARA 1:6 - Khumi Common Language Bible

⁶ Nichi i tengpang y awm nai khumichi ly muku, tangka, cha nei ateaungchi, vawn tang nai tawnbawichi, takhra vang kateng vawnsaichi hawi Achura yhm i vui apathyp ai nai kapathyprachi sabawm u.

EZARA 1:6 ပူးပေါင်းရင်းမြစ်များ

1 NENG SATANG 29:9

Nichi ly paleung kangai hawi Areng teng talam u nai ne i, mymychi hina tanrei pei talam u nai molam y, amo theu u bo. Samrang Davida py khri pa-rei amo theu nai ne.

EZARA 1:4

Pri pala nai cho Tameuh i khumichi vawi ali teang ai nai i vui y kasabawmra ngai lawh teu baly, tengpang sahawi y awm nai hunira i khumichi my sabawm ai nai tla. Nichi ly muku, tangka, cha nei ateaung alangchi, vawn tang nai tawnbawichi khyh chang y i, Jerusalem mary y awm nai Tameuh i Achura yhm i vui apathyp ai nai katalamrachi py pei pi ai nai tla,” napi.

EZARA 8:33

Naibaly palyh kani Achura yhm y chei i muku tangka hawi ateaung alangchi neh iy, Uriah i chapo pathyp pi nai keung Meremoth i kiu y pei pi bo. Ni hawi vanrei Phineha i chapo Eleaza hawi, Levi theaung Jeshua i chapo Jozaba hawi Binnui i chapo Noadiah nini leaung nyhrei py awm.

NEHEMIA 6:9

Mary apai sa nai kalop anawn hai vui ai nai nichi bawibawi ly kaichi ai pajei nai ne. Na i py, “Aw Tameuh, vai, kai teng y atho ham naira pei kyh ba,” nanai chiu kasa.

SAM 106:46

Mymy ly nichi ai ana patang hai nai khumichi i paleung theung y pahen thai nai ka-dawn pakun pi bo.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

THEU NAI 12:35

Israela chengchi ly Mosi my thui pi nai kamta Aikupta chengchi teng i muku ateaung, tangka ateaung hawi kanih ateaungchi hnei u bo.

THEU NAI 12:36

Aikupta chengchi my Israela chengchi ai tahm khai ai nai Areng my sa pi nai deaungkho y, nichi hnei nai ngierei pei pi u bo. Hina nai kamta nichi ly Aikupta chengchi i yhmtheaung katuichi syn u bawn nai ne.

ISAIA 35:3

Atho bai nai kiuchi py, atho di ahyn nai kheukhuchi py, atho pei pi ai

II KORINTH 9:7

Khumi leaung leaungrei ly pei ei a y iy, pei ai tla nai kamta ny y naimy, amymy i paleung y tau nai kamta pei bawibawi sy; Tameuh ly amo theu parai naimy pei nai keung ai ly tamen.