EZARA 1:5 - Khumi Common Language Bible

⁵ Huna nai khala Juda hawi Benjamin cheng nupaichi ai lu sa naichi, pathyp pi nai keungchi, Levi theaungchi hawi Tameuh teng y paleung apei nai khumi bawibawichi ly Jerusalem mary y chei u iy, Areng Tameuh i Achura yhm sa palum teang ai nai angvei u rym bo.

EZARA 1:5 ပူးပေါင်းရင်းမြစ်များ

2 NENG SATANG 36:22

Pasia empara samrang Kurumy peang nai angchei saneng y, Areng my ni teng y leu pei nai cha patheu hai iy, ni i empara pri verei y phain hai nai ne. Hina nai sa nai ly amo Jeremia dengdairei, Areng my leu pei nai kamta tym hai ai nai ne.

EZARA 1:1

Pasia samrang Kuru ly empara samrang lawm nai angchei i saneng y, Areng ly ni i paleung y pacheang nai deaungkho y, empara pri verei y satang ahei hai ai nai cha patheu bo. Hina nai sa nai ly amo Jeremia molam y Areng my amteng hai nai hawi vanrei atiti tym hai ai nai ne.

EZARA 1:2

Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

EZARA 1:4

Pri pala nai cho Tameuh i khumichi vawi ali teang ai nai i vui y kasabawmra ngai lawh teu baly, tengpang sahawi y awm nai hunira i khumichi my sabawm ai nai tla. Nichi ly muku, tangka, cha nei ateaung alangchi, vawn tang nai tawnbawichi khyh chang y i, Jerusalem mary y awm nai Tameuh i Achura yhm i vui apathyp ai nai katalamrachi py pei pi ai nai tla,” napi.

NEHEMIA 2:12

huni bo y kai ly Jerusalem mary ai mana kasa ai mo, nanai Tameuh my kai teng y pany hai nai saichi ly ami teng y py kathui pi y naimy vum anenghyh khala ang thau i, ahawi phyreichi ai palau iy mary angam mang y theu bo. Kaichi ly kaimy i atang nai keaungngo kano kasau bo baly, ati sai py syn y nai ne.

LEU KACHENG 16:1

Khumi ly amy i paleung y dawn tau naichi sa pajau; na i py kangkhym y ly Tameuh i kangai naini lawm ai nai tla.

HAKAI 1:14

Areng ly Juda samrang i bangtang kalen Shaltiel i chapo Zerubabela, pathyp pi nai keung kalen keh Jehizada i chapo Josua hawi pri palara i vawi u teang nai khumi bawibawichi ai, Achura yhm sa naira y paleung apei hai bo. Nichi ly mychi i Areng, ati cheaungkhang sa thai nai Tameuh i Achura yhm sa nai ly

II KORINTH 8:16

Na i py Tameuh teng y ly kawn nai leu tym sy. Mymy ly kai i nangchi i tlang tleaung y hawihai palai kry nai sai kamta ly Tita i paleung ai dawn hai bo.

PHILIPI 2:13

Ati mana nai mo nabaly nangmychi ai mymy i kawn ai naira vui y ngai ai nai hawi sa ai nai, nangmychi ai sa hai nai keung ly Tameuh ne.

III JOHAN 1:11

Ngai parai nai awi, kamngo ly amtiu moh ly, kahawi phai amtiu. Atiti kahawi sa nai keung ly Tameuh teng i nai ne; atiti kamngo sa nai keung ly Tameuh ai niu vai y leang.