EZARA 1:4 - Khumi Common Language Bible

⁴ Pri pala nai cho Tameuh i khumichi vawi ali teang ai nai i vui y kasabawmra ngai lawh teu baly, tengpang sahawi y awm nai hunira i khumichi my sabawm ai nai tla. Nichi ly muku, tangka, cha nei ateaung alangchi, vawn tang nai tawnbawichi khyh chang y i, Jerusalem mary y awm nai Tameuh i Achura yhm i vui apathyp ai nai katalamrachi py pei pi ai nai tla,” napi.

EZARA 1:4 ပူးပေါင်းရင်းမြစ်များ

1 NENG SATANG 29:17

Nang ly khumi lutengchi i paleung khen iy, khumi meitangchi ai nang ly tamen, nanai kaichi pany. Kai ly paleung ka-dawn kahawi hawimy, hini vawnsaichi nang teng y kang talam bo. Hini meingtym y awm achu nai nang i khumichi py, nang teng y talam ai nai nga nai deaungkho y, mana tanrei amo theu u na mo, nanai kai ly niu bo.

1 NENG SATANG 29:3

Kai ly hini katalamra vawnsai bawibawichi bo y, kaimy i muku hawi tangka py katalam nai ne. Ati mana nai mo na baly kai ly Tameuh i Achura yhm ai khri pa-rei khrei nai deaungkho y ne.

1 NENG SATANG 29:9

Nichi ly paleung kangai hawi Areng teng talam u nai ne i, mymychi hina tanrei pei talam u nai molam y, amo theu u bo. Samrang Davida py khri pa-rei amo theu nai ne.

2 NENG SATANG 31:14

Levi theaung Imanah i chapo, nisi katheu pa-kho typ nai keung Kore ly pei talam nai vawnsaichi kry nai hawi paji nai keung ne.

EZARA 1:3

Tameuh ly mymy i khumichi hawi vanrei awm hai sy; nangchi ly Juda pri Jerusalem mary y chei iy huni mary y chiu nai Tameuh, napi nai Israela chengchi i Areng Tameuh i Achura yhm sa palum teang ai nai tla.

EZARA 1:5

Huna nai khala Juda hawi Benjamin cheng nupaichi ai lu sa naichi, pathyp pi nai keungchi, Levi theaungchi hawi Tameuh teng y paleung apei nai khumi bawibawichi ly Jerusalem mary y chei u iy, Areng Tameuh i Achura yhm sa palum teang ai nai angvei u rym bo.

EZARA 9:15

Aw Israela chengchi i Areng Tameuh, nang ly leu meitang teaung nai keung ne. Na i py nang ly kaichi ai heng ai nai pei bo. Kaichi ly kaimychi i kamngo nai y ahui u bo. Hini kamngo nai deaungkho y nang i mo y jeu vam ai nai leaungrei py by y,” nanai takeng nai ne.

THEU NAI 35:29

Mosi teng y Areng my leu pei nai kamta Israela neampacho neampachy bawibawichi ly paleung ngai parai naimy, mymychi i atiti katalamrachi Areng teng y talam u bo.

ISAIA 10:21

Israela khumi phyreichi py, mychi i sa thai nai keung Tameuh teng y vawi u ali teang ai.

AMTAW 24:17

“Naibaly saneng kra parai nai bo y ly kai i chengchi teng y atiti pei ai naichi hawi, talam ai naichi syn iy kang tym:

KALATIA 6:2

Nangchi i myn kaji pho nai ly alawn u, hunaibaly nangchi ly Krista i reita patawm u nai keung lawn ai.