EZARA 1:2 - Khumi Common Language Bible

² Huni leu pei naira y, hini ly Pasia empara pri samrang Kuru i leu pei nai ne. Kani pri mang y awm nai Areng Tameuh ly kai ai khaileaung pri verei y peang hai iy Juda pri Jerusalem mary y Achura yhm sa ai nai ang au bo.

EZARA 1:2 ပူးပေါင်းရင်းမြစ်များ

1 ARENG KEH 8:27

“Na i py aw Tameuh, nang ly hini khaileaung salo y awm angchi khyp ai a? Kani pri verei malawn py nang awm ai nai meingtym kau y leang. Hunai deaungkho y kai i sa nai hini Achura Yhm ly nang awm ai nai mana kau ai mo?

2 NENG SATANG 2:12

Kani hawi khaileaung sa nai keung Israela khumichi i Areng Tameuh ai ly palo nai awm sy! Mymy ly Davida teng y cheng naira awm nai chapo leaungrei pei pi bo. Huni chapo ly vai, Areng i vui Achura yhm hawi mymy i vui samrang yhm sa ai nai paran bo.

EZARA 1:5

Huna nai khala Juda hawi Benjamin cheng nupaichi ai lu sa naichi, pathyp pi nai keungchi, Levi theaungchi hawi Tameuh teng y paleung apei nai khumi bawibawichi ly Jerusalem mary y chei u iy, Areng Tameuh i Achura yhm sa palum teang ai nai angvei u rym bo.

EZARA 3:7

Khumi mipuichi ly lu sa kawp naichi hawi lasamachi ai pei ai awm nai tangkachi sabawm u nai ne. Lebanon daichi i saitleang keungchi ai pangli dengdai Joppa tuivum y tym pa-rei pathui hai ai nai Turu hawi Sidon mary i khumichi teng y teicha teinei, kreip hang hawi olive asituichi tha pi; hunichi ly Pasia empara pri peang nai samrang Kuru my leu pei nai ne.

EZARA 4:3

Zerubabela, Josua nupaichi ai lu sa naichi my ly nichi teng y, “Kaichi ly kaimychi i Areng Tameuh i vui Achura yhm sa naira y nangchi i kasabawm aly ngai y leang. Pasia empara pri samrang Kuru i leu pei nai molam y, huni Achura yhm ai kaimychi naimy kasa u ai,” nanai pathang.

EZARA 5:15

Empara samrang Kuru ly mymy kalop pei nai samrang i bangtang kalen Shesabaza teng y huni ateaungchi au iy Jerusalem mary Achura yhm mang y syn hai i, huni Achura yhm ly meingtym kangngymra y sa teang ai nai leu pei bo.

EZARA 6:10

Jerusalem mary i pathyp pi nai keungchi my kani pri mang y awm nai Tameuh teng y leng patlum nai kapathyprachi talam ai aly ngai nai si katai beaungjeaung, beram, beramcho, chohpui chomaw, palawi, kreip hang hawi olive asituichi kani tlei tleirei avawby y pa-rei pei pi u.

EZARA 6:3

Huni cha aeangra y ly “Empara samrang Kuru my mymy i peang nai angchei saneng y kapathyprachi talam ai nai hawi kapathyprachi leng patlum nai meingtym lawm ai nai molam y, Achura yhm sa palum teang ai nai tla, nanai leu pei nai awm.

EZARA 7:12

“Empara samrang Artazeret teng i dengdairei kani pri mang y awm nai Tameuh i reita leu kawp nai pathyp pi nai keung Ezara teng y tajiu nai ly

NEHEMIA 1:4

Huni satangchi thai nai khala y kai ly ateh iy kavo bo. Kai ly kani neangneang vo tangam naimy biu kahai chum baly,

NEHEMIA 1:5

Tameuh teng y, “Aw kani pri mang y awm nai Areng Tameuh! Nang ly tahm asang nai deaungkho y kaichi ly jei kaji naimy tahm kang khai u nai ne; nang ly nangmy ai tamen iy leu pei nai tangai nai khumichi hawi leu maikawm asa nai khaw hai bo.

SAM 136:26

Kani pri mang y awm nai Tameuh ai ly kawn naimy palo u; mymy i tamen nai ly deungtasarei ne.

SAM 85:2

Nang ly nangmy i khumichi i kamngochi pahen pi bo i, nichi i tamang naichi ai py pahen pi bo.

LEU KACHENG 21:1

Areng ly tavo micheaung tui leaung nai ai paka nai kamta, samrang i paleung ai rai y naimy peang nai ne.

ISAIA 41:2

Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

ISAIA 44:26

Na i py thui pi yb nai sai sairei ai kai i miseaung my sa nai khala py, kai i dawn tau naichi pany hai ai nai, amtaw thau leaung leaungrei ai kapato nai khala py, kai ly dawn pasym naichi hawi thui yb naichi, katym hai khyp nai ne. Jerusalem mary y khumichi awm u ali teang ai. Juda marychi sa palum u teang ai, nanai huni mary tleirei y, kaimy thui pi bo. Huni marychi phra naira i nai, lo-pa ali teang ai.

ISAIA 44:28

Kai ly Kuru samrang ai py, ‘Nang ly kai i jeng y peang ai nai keung ne. Nang ly kai i sa ai tau naichi sa ai nai tla, Jerusalem mary palum teang ai nai hawi Achura yhm langdengchi leng ai nai tla, nanai leu kang pei,” napi.

ISAIA 45:1

Samrang Kuru ly Areng my vawi takhra nai khumi ne na a! Mymy ly khumi cheng cheaungkhangchi ai eaung ai nai, ni ai samrang palyn nai ne. Mymy ly pri peang nai samrangchi i sa thai naira la pi veng ai nai, ni ai pato bo. Areng ly ni i vui mary katheu pa-khochi paeaung pi ai. Areng my samrang Kuru teng y,

ISAIA 66:1

Areng my, “Kani pri ly kai areng atehra ne i, khaileaung ly kai i kheu chiura ne. Hunai deaungkho y nangchi ly kai i vui ati mana nai Achura yhm, kai awm ai nai vui ati mana nai meingtym sa u ai mo?

JEREMIA 10:11

(Nangchi khumichi awi, kani khusang hawi khaileaung so y nai tameuh ai ly kani anui i py, khaileaung salo i py, tama pawn ai, nanai nichi teng y thui pi ai nai tla.)

JEREMIA 27:5

“Kai ly kaimy i sa thai naira len parai nai haiho hawi khaileaung pri, khumichi, khaileaung pri y awm nai tawnbawichi hawi raurei kaimy sa nai ne i, huni khaileaung pri ai kaimy ngai nai teng y kapei pajau nai ne.

JEREMIA 29:10

“Areng my, ‘Babulon mary saneng vui saryhrei chih nai khala y, kai ly nangchi ai kang khen ali teang ai. Kaimy leu adeu hai nai kamta nangmychi pri y kang pahawi ali teang ai.

DANIELA 1:21

Daniela ly Babulon pri ai Pasia empara samrang Kuru my tiu iy, peang vui nai deung tym pa-rei, samrang i yhm y awm nai ne.

DANIELA 2:21

Mymy ly neng hawi kani lo kamtlehchi ai peang nai ne. Mymy ly samrangchi ai palyn py palyn, pala py pala. Khumichi teng y cheng naira hawi pany thai naira pei bo.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

DANIELA 6:25

Naibaly samrang Dari ly khaileaung pri i cheng leu cheaungkhang katheu nai, khumi neangneangchi hawi pri neangneangchira i, khumi bawibawichi teng y cha tajiu nai ne. Huni cha theung y ly “Paleung awmnem nai awm sy!

JONA 1:9

Jona my, “Kai ly Hebrai khumi ne; kacheng hawi pangli ai sa nai keung, kani pri tavailuchi i Areng Tameuh ai chiu nai khumi ne,” nanai pathang.