ESTHER 9:5 - Khumi Common Language Bible

⁵ Hunai deaungkho y Juda chengchi ly paleung ka-echi i tlang tleaung y ngai nai kamta sa pajau; huna nai y nichi ly paleung ka-echi ai haisau hawi tleh u bo.

ESTHER 9:5 ပူးပေါင်းရင်းမြစ်များ

NEHEMIA 9:24

Nichi ly Kanan pri ai peang u; huni pri y awm nai khumichi ai nangmy tiu vui bo. Nang ly nangmy i khumichi teng y Kanan pri samrangchi hawi mipuichi ai, ngai nai kamta sa pajau ai nai sa thai naira pei pi.

ESTHER 3:13

Cha tha nai khumichi ly huni leu pei nai cha ai, empara pri verei y awm nai khu ka-peang ngierei ra y syn u bo. Huni cha theung y ly “Ada lo kani holai thomrei kani, huni kanirei y my Juda cheng miteaung, deaungdi, neampacho, neampachy ngiereichi ai pahen y, pahyp y naimy padei iy, nichi i yhmtheaung katuichi lawm u sy,” nanai abawi nai ne.

ESTHER 8:11

Huni leu pei nai chachi theung y samrang ly Juda chengchi ai, mymychi i vui amtang ai nai molam y akachu ai nga nai leaungsaichi abawi; mani pri khu ka-peangra py ne sy, Juda neampacho hawi aju chanauchi ai hai syn iy tiu nai mani khumi cheng ai py ne sy, tiu ali teang pajau nai ne. Huni khumichi ai tiu be pajau baly nichi i vawnsaichi lawm vui pajau bo.

ESTHER 9:6

Susa mary puira y malawn py Juda chengchi ly khumi leaung chungvai pangreichi ai padei u bo.

SAM 92:12

Khumi kahawichi ly chamleaung keungchi kamta, apu parai naimy awm ai; nichi ly Lebanon mawi i saitleang keungchi kamta, achaw angvai ai.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

II THESALONIKA 1:6

Tameuh ai pany y nai hawi achi i Areng Isu Krista i Satang Kahawi tangai y naichi i tlang tleaung y tavawi thai ai nai,